大家認為是否合理？--因談話被扣默書分數

plee

其實這情況上學期已發生過一次, 我本來已想向校長反映, 但派成績表時, 分數好像沒有被扣, 心想老師可能只是唬唬兒子, 便算了。
想不到今天發回默書試卷, 發生同樣的事(扣十分), 我不是計較分數, 而是覺得學生頑皮, 可以以其他方式來罰, 甚至見家長, 扣操行分；為什麼要扣學業分, 他又不是作弊；難道一個很守規矩的學生, 就可以加學業分數？
其實印象中那位老師對我兒子不錯, 小兒很喜歡他, 我不希望大家的關係因此弄僵, 但我也不想啞忍。
我在盤算怎樣處理較為合適, 請大家給意見:
1. 寫一封信給他, 表達我的看法。
2. 致電給他,但我怕忍不住氣
3. 發副校長反映此事
或大家有其他更好方法？

amy625

你兒子是否在黙書的時候談話呢? (是指未交回黙書簿的期間),如果是的話咁即是上次當作以警告了,今次再犯所以扣黙書份,咁到可以理解,如果唔係就過份左啦!

1.寫信給他,等佢回覆的心情實在太辛苦啦!
2.叫自己心平氣和才打電話講出你的看法,亦可聽

麟媽媽

默書時談話可以當你作弊架喎！
個個都知默書唔可以四圍望，
更莫講同人傾計罷？！
已經唔係第一次，點解重複犯錯？
點解你唔教佢唔可以咁，仲覺得校方有錯？
轉身同人講野，亦會望到人地張卷，
無心睇到定睇唔到，理虧的都係你個仔嘛，
而且默書要聽住老師讀，
點解仲同人傾計，影響埋其他人呢？

我個仔讀幼稚園時默書，就係同人傾計，
個外籍老師即時收左佢張紙，
之後同佢講︰You've got zero!
我個仔有喊吖！但我贊成老師既做法，
唔比個教訓佢，佢過到骨咪又再犯囉！

2fungs

如果係公開考試，談話可能被吊銷該科的考生資格添!

唔好意思，我覺得老師訓得正確。

tingtingma.

攪清楚件事先啦,如果係平時多咀傾計而扣默書分數咁就有點兒那個,但如果係默書期間傾計被扣就ok喎，我囝囝試過2次默書期間傾計俾老師每次扣10分,我覺得好丫    起碼佢而家知道默書期間傾計係沒有好下場!!
其實俾個小教訓d小朋友等佢地自律吓好過佢地考試俾人扣分啦.

將軍澳超級媽咪

默書時傾計就是不對的, 而且唔係第一次, 學校是學習守規則的地方, 所以是合理的, 反而要教孩子正面面對事件, 了解自己的問題, 不要重覆再犯

莎莎

我個仔上次考試試過 :

1) 顏色筆"碌"了去前面位,
     沒問老師自己去拾
2) 自己做完卷, 東張西望

已經俾老師警告, 要當佢作弊, 老師仲打電話給我.
最後好彩無記在成績表, 但俾亞仔一個好慘痛的教訓.
我覺得是一個好好的經驗.