升中選校秘笈及填表方程式？

櫺囹桼

NancyFelix 寫道:
剛剛見完班主任回來, 學校的校長, 負責升學的主任, 班主任都不停比興奮劑家長同學生 - 叫d band 1生要進取d, 將所有英中排晒起前面之後先排band 1 中中.

我小朋友係荃灣區, 今早老師說他是band 1尾的.  原本打算 : 可風-王少清-陳兆民-李城璧-全完-----, 但老師一睇就話我過於保守.  佢話我應該排安柱(因為阿仔本來想報呢間, 係我担心佢讀唔上, 叫佢唔好), 荃官, 何傳耀先, 然後先再排可風, 王少清-陳兆民-李城璧-全完-----.

佢原本叫我連葵青區的英中都排埋, 咁填我真係好驚, 覺得太冒險, 咁佢提議我以上的填法. 我依家都唔知點填好, 大家比d意見好嗎?   明天要交draft比老師睇.    

NancyFelix：
搏~搏唔到叫主任、老師嘔間英中畀你！
007

錫仔媽咪

NancyFelix 和其中媽咪,

有時一個人喜歡一間學校, 就好似喜歡了一個人一樣, 没追過就放棄, 個心成世都不甘.

有些媽媽可能覺得我的選校策略不太理性.  的確, 我的數計得可能没咁準, 但有時, 當事情有踫運氣成份, 而且機會有幾十個%, 唔去駁, 未試過就認輸, 咁亦可能白白放過機會, 不是我的性格.

知道各位媽媽個心好亂, 我都係過來人, D仔四年班家長就開始講升中, 担心夠了. 見過成績好好的, 不進取, 入間個仔不喜歡的; 也見過成績普通的, 跨網抽中QC, 點到你唔服.

我在此看到'櫺囹桼"咁有心幫大家, 真係十分佩服和欣賞. 其他媽咪也齊齊做功課, 互相支持,你們一定可以一起走過這段艱難的日子; 這過程就當作是人生的磨練吧!

我加入來希望可以給大家一些鼓勵. 請記住, 選好校就不要再担心了.

祝大家都心想事成!

錫仔媽咪

NancyFelix 寫道:
Hi 錫仔媽咪,

多謝你的意見. 可能因為我真的太擔心, 所以忽略左佢信心問題.  真的多謝提醒.

老師都給胆, 我仍驚因為我覺得band 1尾的學生排:
鄰區top band 1英中
本區top band 1英中
band 1中 英中
band 1 中 英中
band 1中中
band 1中中
仍然是太冒險, 就是因為荃灣區本身的英中非常缺乏, 故競爭十分大, 考慮到本身小朋友是band 1尾, 如果派得唔好, 叩門能叩到英中的機會很微, 所以想穩打穩紮, 希望一撃即中入到一間兒子心儀的band 1 中 英中以絕煩惱.  另外, 亦因為知道鄰校(比較出名的小學)都呼籲band 1生的家長要慎重選擇, 最好只選一間band 1英中, 跟住選band 1 中中, 雖然覺得佢地好保守, 但同時就擔心我地這樣填會過於進取.

今午同小兒傾過, 最終決定報安柱, 但會放棄荃官(佢亦唔太願意去呢間).  因為兩間都太受歡迎, 以免浪費2nd志願. :  

vivi_vivi

櫺囹桼 寫道:
多謝natalie_220、cwingc致電到教統局證實：
甲乙兩部份是用《同一個》隨機號碼！
真係一個壞消息！
1)一個號碼可能會由頭黑到尾！
2)如果屬地區band1、全港band2…甲部咪唔使抽了？(因為隨機編號雖然同樣是一個，但抽獎條件抽完band1抽band2生…)
007

007,

您呢個舉例令我諗起, 其實教統局嗰個隨機號碼，唔知有冇介定左各組別GE 學生都有一個範圍呢? 如果係咁, 假設小朋友屬全港第二組別, 地區第一組別，咁如果個隨機號碼係先攪甲部嗰時已經區別為第二組別GE學生, 到攪乙部GE 時候, 又用同一個隨機號碼, 咁樣會唔會當左個小朋友係第二組別架?     

唔知007 您知唔知?

appleyuen

007

Thank you哂    終於等到回覆    
哦 填十幾二十間都得架
咁就好囉!橫點第五,六志願打後我都唔會讀既
多謝賜教   

apple

櫺囹桼 寫道:
[quote]
appleyuen 寫道:


請問中西區除左果幾間band one之外仲有邊幾間係band 2
因要填30間唔知邊D係 band 2

請賜教   

appleyuen：
中西區英中林立，band2相對比較少(應該叫冇乜！)，所以一定要選擇鄰區中學…家長會時有冇請教老師、校長、其他家長？唔係點填夠十幾廿間？(冇人規定一定要填足30間，如屬區內band1生，合理選校，填十五、二十間夠啦！)

007[/quote]

冬菇頭

Dear 007

你好! 本人是東區網的家長, 想請教有關甲部他區中學的問題.

問題一)  
在中學一覽表(港島東區), 很多他區的學校都沒有列出來, 例:聖若瑟英文書院, 此校全港開放2個位, 但在一覽表中沒有列出此校, 是否此校沒有學位給我們港島東區呢? 我們東區網只能選擇列在一覽表內的他區中學呢?

問題二)
皇仁向全港開放的學額共10個, 而在港島東的一覽表中, 學位是2個, 即是否只有2個學位給東區網, 其餘8個位在其他網呢?

謝謝你的回覆    

KYLI

Dear 007,

小兒屬於油尖旺區, 區內和區外屬Band 1, 聯繫銘賢中學。老師話在乙部如想入銘賢必須將它放首選，但又放棄了本區band 1學校,因小兒喜歡QE，而且在自行時有面試機會，現在真是不知如何選擇?望可以給點意見！

fongfonghue

Dear 007,

今日好吾開心,因為呀仔班主任今日通知我,話呀仔個banding攪錯左,吾係band1,係band2,既刻令到我想喊出黎吾知點算好,老師仲話吾好博band1,原先揀好十數間心水,而家又要從新揀過,請問沙田區有嘜band 2 可選,吾該比d意見我啦!

NancyFelix

櫺囹桼 寫道:
[quote]
NancyFelix 寫道:
剛剛見完班主任回來, 學校的校長, 負責升學的主任, 班主任都不停比興奮劑家長同學生 - 叫d band 1生要進取d, 將所有英中排晒起前面之後先排band 1 中中.

我小朋友係荃灣區, 今早老師說他是band 1尾的.  原本打算 : 可風-王少清-陳兆民-李城璧-全完-----, 但老師一睇就話我過於保守.  佢話我應該排安柱(因為阿仔本來想報呢間, 係我担心佢讀唔上, 叫佢唔好), 荃官, 何傳耀先, 然後先再排可風, 王少清-陳兆民-李城璧-全完-----.

佢原本叫我連葵青區的英中都排埋, 咁填我真係好驚, 覺得太冒險, 咁佢提議我以上的填法. 我依家都唔知點填好, 大家比d意見好嗎?   明天要交draft比老師睇.    

NancyFelix：
搏~搏唔到叫主任、老師嘔間英中畀你！
007
[/quote]

Hi 007,
(嗰時,我個心真係唸緊你講既呢句)

講開呢樣, 我真有d欲哭無淚之感.  自行時, 我選擇左兩間band1-2 & band 2的學校, 當時老師無講到我地係band 1, 我地一直以為仲係band 2頭, 而同班的有好多band 1生都揀同一間band1-2.  見家長時, 我提醒老師自行時的選擇, 佢好涉氣咁話間學校一定收緊佢.  不過如果真係咁, 我到時可以試下去叩英中門.  但係之前佢知道我地既選擇仲同我仔, 亦有同我講話嗰兩間都適合他, 另外一些同學(band 1)亦收到類似的comment.  我唔係埋怨, 我唸佢可能現在先知我仔升左band.  問題係, 我地的第一階段咁保守, 老師反而唔叫我地進取, 最後階段反而先叫進取, 好似好危險?  所以覺得老師的意見當然好重要, 但自己都要唸清楚自己的承受能力, 揀左就要不怨不悔.

NancyFelix

錫仔媽咪,

不能"未試過就認輸, 咁亦可能白白放過機會"
呢個亦係我平日教導兒子的做人應有的態度.  但係決定自己的命運容易, 自己承擔後果就是了.  然而要我決定兒子的命運, 就不得不三思, 且亦不容易, 所以整個過程其實我都好坦白咁分析比佢知利害, 同比意見佢, 希望佢明白最壞的情況才作出選擇, 當然亦有比佢發表意見同作最後決定.

多謝你的鼓勵同祝福.

櫺囹桼

vivi_vivi 寫道:
007,
您呢個舉例令我諗起, 其實教統局嗰個隨機號碼，唔知有冇介定左各組別GE 學生都有一個範圍呢? 如果係咁, 假設小朋友屬全港第二組別, 地區第一組別，咁如果個隨機號碼係先攪甲部嗰時已經區別為第二組別GE學生, 到攪乙部GE 時候, 又用同一個隨機號碼, 咁樣會唔會當左個小朋友係第二組別架?     

唔知007 您知唔知?

vivi_vivi：
邏輯好簡單~應該唔會引起混亂！
甲部是band 1~抽先，中獎不用抽乙部…不中→乙部是band 2~緊隨band 1生之後。
甲部是band 2~緊隨band 1生之後，中獎不用抽乙部…不中→乙部是band 1~抽先。
007

櫺囹桼

冬菇頭 寫道:
Dear 007

你好! 本人是東區網的家長, 想請教有關甲部他區中學的問題.

問題一)  
在中學一覽表(港島東區), 很多他區的學校都沒有列出來, 例:聖若瑟英文書院, 此校全港開放2個位, 但在一覽表中沒有列出此校, 是否此校沒有學位給我們港島東區呢? 我們東區網只能選擇列在一覽表內的他區中學呢?

問題二)
皇仁向全港開放的學額共10個, 而在港島東的一覽表中, 學位是2個, 即是否只有2個學位給東區網, 其餘8個位在其他網呢?

謝謝你的回覆    

冬菇頭：
1~我都冇了解過甲部點選學校...原本我以為全港九新畀中學都可以揀(不派位直資除外...)，但你本中學一覽表得本區資料(包括他區有學位的)...咁沙頭角中學→你冇學校編號又點填呢？~~希望有人可以回答啦！
2~你在那看到皇仁有10個位供全港的？(與上題有關連)
007

櫺囹桼

KYLI 寫道:
Dear 007,

小兒屬於油尖旺區, 區內和區外屬Band 1, 聯繫銘賢中學。老師話在乙部如想入銘賢必須將它放首選，但又放棄了本區band 1學校,因小兒喜歡QE，而且在自行時有面試機會，現在真是不知如何選擇?望可以給點意見！

KYLI：
睇下聯繫中學有幾多位個位又有幾多人合資格抽獎？
假如：有50個名額而“有資格參加抽獎”小朋友有140人(而且140合資格人士最後填“首選”者可能得番六七八成，原因部分同你一樣...條數好易計：中獎機會好高…)

再睇QE有幾多個位~68個！問題係油尖旺今年“約有”1,300個band1生，有幾多人會把他放在首志願？(007估計不少於3、400人…其實QE並不是不好，不過個人認為名氣大於實際！)

如果多點發掘銘賢中學之優點，可能發覺原來銘賢一點都唔輸蝕，只係低調左少少！
007

櫺囹桼

fongfonghue 寫道:
Dear 007,

今日好吾開心,因為呀仔班主任今日通知我,話呀仔個banding攪錯左,吾係band1,係band2,既刻令到我想喊出黎吾知點算好,老師仲話吾好博band1,原先揀好十數間心水,而家又要從新揀過,請問沙田區有嘜band 2 可選,吾該比d意見我啦!

fongfonghue：
乜攪成咁~而家冇計，唯有將十一志願當第一志願用！
007

櫺囹桼

NancyFelix 寫道:
Hi 007,
(嗰時,我個心真係唸緊你講既呢句)
講開呢樣, 我真有d欲哭無淚之感.  自行時, 我選擇左兩間band1-2 & band 2的學校, 當時老師無講到我地係band 1, 我地一直以為仲係band 2頭, 而同班的有好多band 1生都揀同一間band1-2.  見家長時, 我提醒老師自行時的選擇, 佢好涉氣咁話間學校一定收緊佢.  不過如果真係咁, 我到時可以試下去叩英中門.  但係之前佢知道我地既選擇仲同我仔, 亦有同我講話嗰兩間都適合他, 另外一些同學(band 1)亦收到類似的comment.  我唔係埋怨, 我唸佢可能現在先知我仔升左band.  問題係, 我地的第一階段咁保守, 老師反而唔叫我地進取, 最後階段反而先叫進取, 好似好危險?  所以覺得老師的意見當然好重要, 但自己都要唸清楚自己的承受能力, 揀左就要不怨不悔.

NancyFelix：
正如我topic所說，跟本冇選校秘笈及填表方程式！
所以除了參考人家資料意見、自己也要明白遊戲規則、多了解各校長處(最重要校風良好)、同小朋友做好心理準備...萬一派唔多理想中學...有家人支持、鼓舞...小朋友一樣可以讀出成績、出人頭地！
***唔通派左去喇沙就包保一人攞兩個A咩！***
007

eeyore0511

每間小學都會有一兩本'不受校網限制選校手冊'(個名係咁上下)比家長查閱，或者上emb個網都會有詳細資料。總之，甲部所有學校no./可供派位數量等等都可以係個本手冊度揾到，而我地手頭上個本係比乙部用。(ref 冬菇頭及007之問題)

櫺囹桼

eeyore0511 寫道:
每間小學都會有一兩本'不受校網限制選校手冊'(個名係咁上下)比家長查閱，或者上emb個網都會有詳細資料。總之，甲部所有學校no./可供派位數量等等都可以係個本手冊度揾到，而我地手頭上個本係比乙部用。(ref 冬菇頭及007之問題)

thanks→eeyore0511！

需婆

007, 唔係好明, 點樣勝完可以再勝? 自選如果中佐, 唔係會俾抽起電腦派位表而唔會同其他一齊參加抽獎咩? 唔係好明啊, 可唔可以解釋一下? 唔該.

Billy2393

回冬菇頭之問題

(一)
聖若瑟英文書院的2個位是甲部用，你手上的一覽表是乙部用。聖若瑟英文書(中西區)沒提供他區選擇給港島東區。

(二)
皇仁(灣仔區)在甲部提供10個位，在乙部提供75個位給灣仔區及2個位給港島東區(他區選擇)

冬菇頭

Dear 007:

Thank you.

學校編號同皇仁得10個位供全港都係上網睇到.  

呢個網

櫺囹桼

冬菇頭 寫道:
Dear 007:

Thank you.

學校編號同皇仁得10個位供全港都係上網睇到.  

呢個網

冬菇頭：
咁我明白了...皇仁有10席(10%)畀全港(甲)=有90席(90%)畀本區及他區(乙)，若果75席畀灣仔，仲有2席畀你區，其餘13席給餘下16區！

007