細仔完成考小學這一關

細仔2014年6月開始考小學, 過程比起家姐當年困難, 好在幾經波折最後也入返家姐間學校, 在2015年6月完成考小學這一關.

這整整一年真是折騰, 考小學要去到3rd interview, 4th interview (考幼稚園近年也要2nd interview 了).有時也感到這件事殘酷, 折磨又混亂. 到底攪咩呀?不想再深思香港教育又或是直資私校存在的問題, 也沒時間去抱怨什麼, 除非一心靠運氣參加津校大抽獎, 否則還是要參加直資私校的面試選戰.

細仔在剛參加面試時group interview 表現很好, 只是單獨見老師時似乎是太多說話, 眼睛又不大望人, 所以在2nd interview 後多數是得到waiting/rejected 的結果, 我唯有盡量提醒佢, 慢慢佢知道面試應該要做什麼, 老師問什麼才答什麼, 也會坐定定眼睛望住人.

大多數學校都只是想揀選有一定學術水平, 貌似聽教聽話, 坐定定但會懂答問題的學生, 就像樣板一樣. 所以有offer 的小朋友, 通常都是一手好多間收. 活潑坐唔定又唔識扮乖, 又或是真的好乖好安靜的, 都只會得到waiting/rejected 的結果. 這似乎是不夠多元的揀選方法, 但正如學校主任所講, 三四千人報考, 最快又有效率的揀選方法就係做卷同考學術.

其實來來去去都係果四千人去考果堆直資私校. 二線學校通常早一點招生, 先收一堆學術最好又聽教聽話的, 之後這班學生多數會再被遲一點招生的名校吸納, 二線學校就再call waiting. 這音樂椅遊戲會一直進行直到9月開學之後, 有朋友更是9月津校開學之後才收到直資offer, 十月才轉去那一間直資上學. 轉來轉去的混亂, 除了家長不好受, 於學校行政上也會有不少影響吧!

找小學這事兒總算安定下來, 因為學校是一條龍上中學, 我們也不用再面對考中學, 可以專心一意配合學校, 實踐自己的教育理念, 讓孩子可以多閱讀多活動從而去學習知識.