用戶登入
用戶名稱:
密      碼:
搜索
教育王國 討論區 幼校討論 病完又病, 點解架?
發新帖
查看: 8510|回覆: 16
go

病完又病, 點解架?

Rank: 4


563
發表於 09-3-11 23:31 |顯示全部帖子
我女上年8月開始返n班, 10月第一次發燒, 之後就咳, 斷斷續續未停過, 依家仲有氣管敏感, 中間都發過2,3次燒但好快無事.  上兩個星期某日夜晚又突然發高燒, 燒完又話感冒菌入腸, 攪到佢肚痛肚疴, 食藥+戎口後呢幾日無乜事, 只係夜晚訓覺同朝早起身有幾聲咳, 但見佢日抖無乜事都算啦.........點知今日返黎又有鼻水, 打完乞痴(唔識打)仲有兩條綠色鼻涕走出黎, 今晚又要再食藥先訓.........

想問吓到底返學後d病真係無停手架呢, 有無人好似我女咁........其實我知返學會多病咗, 但密到咁係正常定唔正常呢?  依家攪到我有d想比佢停學啦, 請大家比d意見我呀.

同埋你地有無比魚肝油d小朋友食幫佢增強抵抗力架, 請分享~

p.s.  佢未返學前係無乜病痛既小朋友, 就算病一食藥就好, 但依家食極都唔好

Rank: 2


63
發表於 09-3-12 11:59 |顯示全部帖子
我阿女都係咁,上年九月返n1,持續病足兩個幾月,咳﹑發燒﹑流鼻水....試過好多晚,咳到瞓唔到,聽見都心酸,有次咳到氣喘,差啲要入院.....每星期都要睇2-3次e生,食極葯都唔好,好小小又病過,總之維持咗2個多月,佢食葯食到怕次次都要迫佢食葯,迫得太利害,又要哭又會咳,咳又會嘔,真係想c,所以我要放定個桶晌房,驚佢隨時咳到嘔,最慘又傳染埋比妹妹,嗰兩個月真係好辛苦,曾想放棄唔好比佢返n1。所以我都好明你感受,過咗呢個流感高峰期可能會好啲。

[ 本帖最後由 YYB 於 09-3-12 12:01 編輯 ]

Rank: 5Rank: 5


3123
發表於 09-3-12 12:13 |顯示全部帖子
我有個朋友, 佢個囝都係上年開始返N班, 佢話返左2-3個月, 個個月都入院, 好多時都係因為發燒. 仲野咩當時剛出世gei小b. 有一次仲野埋我朋友tim, 3母子一齊住左幾日醫院. 之後都keep住病. 我朋友最後同佢退學. 我唔知佢咁做係唔係適當, 只係只當時佢真係好辛苦, 吓吓一家一齊病, 大人又要返工.

我個囝就無返n班, 不果都係舊年開始返k1. 佢開頭個幾個月都成日病. 到1月好d, 點知流感高峰期又殺到, 試過連續無返1個星期學. 呢排都枕住咳同流鼻水. 講真, 真係無咩計.
原帖由 靚媽唔易做 於 09-3-11 23:31 發表
我女上年8月開始返n班, 10月第一次發燒, 之後就咳, 斷斷續續未停過, 依家仲有氣管敏感, 中間都發過2,3次燒但好快無事.  上兩個星期某日夜晚又突然發高燒, 燒完又話感冒菌入腸, 攪到佢肚痛肚疴, 食藥+戎口後呢幾日無 ...

Rank: 3Rank: 3


446
發表於 09-3-12 12:14 |顯示全部帖子
Have you tried any air purifier?

My daughter also experienced "試過好多晚,咳到瞓唔到", but stopped immediately after installed an air purifier.  Guess she is slightly allergy to dust (especially after sickness) but it definitely helps.

Rank: 3Rank: 3


126
發表於 09-3-12 12:45 |顯示全部帖子
我個女啱啱2月開始返學,返咗1個月就病咗,又係發燒...跟住咳同鼻水,宜家仲係咳同埋好多鼻水,但已睇咗3次醫生 啱啱先肯返學,宜家又成個星期冇返學 好驚佢好返之後又唔肯返學

Rank: 4


550
發表於 09-3-12 12:53 |顯示全部帖子
盈盈都係上年9月返n班, 係9月份時無病外, 個個月都會病, 平均一個月睇四次醫生, 有時就要睇2-3次先好番, 有時睇1次都Okay, 不過過左一兩個星期又黎過!

佢本身有氣管敏感, 一病就成日咳, 一咳又係成日嘔, 所以而家天氣凍會同佢好戒口, even無病, 都唔俾佢食凍野, 甜野都係食好少好少, 同埋一食完要佢飲大量既水, 好似近呢一輪, touchwood好少少!

我無諗過唔俾佢返學, 佢表哥無返n1直接讀k1, 頭個年都係成日病, 無返學, 好多人都話第一年返學係會成日病, 所以我情願佢返n班病, 好過返k1先黎病, 始終而家返去玩多, 無返學無乜所謂, 但係到k1先真係學野, 成日唔返學, 我驚佢會跟唔上呢!

Rank: 3Rank: 3


386
發表於 09-3-12 13:04 |顯示全部帖子
我個女又系咁...上年11月才反n1都唔知病咗幾多次
上星期尾就病到今日, 晚晚發燒...
都唔知是咪流感....

Rank: 4


563
發表於 09-3-12 15:14 |顯示全部帖子
o個頭講完, 今日放學返黎食食吓飯又嘔, 依家姐姐話佢仲有發燒, 真係想暈底.......因佢咳同有鼻水都算, 我最怕係佢發燒, 依家唯有係咁叫姐姐keep住同佢探熱, 希望佢快d退燒啦.

退學我都唔想, 因佢返學始終開心過係屋企淨係對住姐姐, 同埋都有諗過依家退咗, 遲d9月返學都係要面對呢個問題, 學個fd話齋呢段時間係儲抗體喎, 如係咁真係希望佢上到k1會好d.

Rank: 5Rank: 5


4454
發表於 09-3-12 16:22 |顯示全部帖子
我個女n1時搭一次地鐵都中招!
放完長假番學又中...
依家k2抵抗力好d
n1病就休息多幾日咪番學啦...

Rank: 5Rank: 5


3282
發表於 09-3-12 19:09 |顯示全部帖子
原帖由 靚媽唔易做 於 09-3-12 15:14 發表
o個頭講完, 今日放學返黎食食吓飯又嘔, 依家姐姐話佢仲有發燒, 真係想暈底.......因佢咳同有鼻水都算, 我最怕係佢發燒, 依家唯有係咁叫姐姐keep住同佢探熱, 希望佢快d退燒啦.

退學我都唔想, 因佢返學始終開心過係屋 ...



我個囡上年11月反左2個月學病左8次。最後一次要入院睇醫生因為高燒。我同老公最後決定退學,到而家冇病過。反正今年九月讀K1就俾囡囡休息吓。

Rank: 1


2
發表於 09-3-13 01:09 |顯示全部帖子
初初返學一定會病,冇解~~就算大到4至5歲先返學都一定會病一輪

Rank: 5Rank: 5


2651
發表於 09-3-14 10:39 |顯示全部帖子
我囡囡上午返n1都由十月病到十二月, 好番一星期又病過, 個個星期都有一日請病假, 睇醫生都睇到怕, 成日都係傷風咳, 同埋氣管敏感.  醫生話如果返學傷風咳就好難避免, 因為d同學仔會互相傳染, 但佢地每次病完都會對個隻菌增加抗體, 只要日常食多d增加扺抗力既野, 如維他命c, 魚油之類既野就會無咁多病啦.... 依d係每個小朋友上學必有既野; 至於小朋友成日都有既氣管敏感, 醫生話小朋友氣管窄, 好容易會有支氣管炎 (氣管敏感), 只要平日唔好比風吹親條氣管, 唔好食咁多凍野, 糖, 朱古力既樣, 平時煲多d湯水比佢地飲 (可以煲海低椰川貝雪耳雪梨煲豬展, 鱷魚肉淮山黨心紀子煲豬展), 依d都對氣管敏感好好架, 我囡囡飲咗幾次同埋keep 住唔好比佢吹親條氣管, 現在touch wood 都好少咳.

Rank: 3Rank: 3


307
發表於 09-3-16 11:26 |顯示全部帖子
正如醫生所講, 個個細路開始返學都會成日病, 最緊要多d休息, 多食蔬果, 平日要做運動, 等佢自強.  病後抵抗力會差d, 要休息多幾日先好返學!
另外, 好似有少少想病就會食少少維他命, 我兩個小b平日食緊司各x及Manuka Honey

Rank: 5Rank: 5


2202
發表於 09-3-17 13:59 |顯示全部帖子
我個囡又係出世到返學前都無乜病, 但係今年1月開始返學, 返左到now...得二個半月時間 total: 病左3次, 次次都一定發燒.咳, 流nose 水, 仲要. 每次都要好耐先好返, 次次最少睇3-4次e生, 睇見心都痛埋, 咳又唔識咳出啖, 流nose 水又唔識申出黎, 仲要識過食得太多西藥.又唔到大便, 發哂脾氣, 同埋一食西藥勁出汗, 剛今天早上又帶佢佢睇第4次e生了, 唉~ 我曾經都有一刻想幫佢退學, 但身邊個個朋友都話比時間佢適應,增強坑体,希望可以快d....好返同適應到,
我想請教下大家, 你地如果睇一次唔好, 兩次唔好, 會唔會幫阿b轉過個e生架呢, 我阿b. 由細個睇開既e生. 但now. 都夾唔到阿b. 又幫佢轉過幾個e生都好似唔夾..真係頭都痛呀~~最後搵到去法國睇. 就ok wow. 但次次都要600水, 好貴唷, 但如果阿囡真係要睇佢先夾到我都無法.......

Rank: 4


563
發表於 09-3-17 14:13 |顯示全部帖子
我通常睇2次都唔得的話會轉醫生架, 因有時唔係d藥唔得, 係佢食純咗攪到唔work.  我之前第一次睇o個個醫生, 一食藥就攪掂, 但再睇第3次時d藥已經無用lu, 所以最後轉第2個.

$600睇一次都ok既, 但如果成日要keep住睇就真係好貴啦, 你試下去佐敦嘉賓大廈, o個度好多兒科專科, 我上兩個wk睇過一個叫趙長成都ok喎, 都係$380乍.

Rank: 3Rank: 3


126
發表於 09-3-17 14:34 |顯示全部帖子
原帖由 lro14sheung 於 09-3-12 13:04 發表
我個女又系咁...上年11月才反n1都唔知病咗幾多次
上星期尾就病到今日, 晚晚發燒...
都唔知是咪流感....

有冇睇醫生 如果係流感醫生會俾多隻流感藥

Rank: 3Rank: 3


462
發表於 09-3-17 16:23 |顯示全部帖子
睇完先知原來咁多小朋友都係咁,我個仔由上年9月到依家無停過病,成日鼻水同咳,間唔中發燒,我真係搵唔到一日無咳!!!係咁煲川貝、鱷魚肉,效果唔多明顯,依家已聞氣聞左3個幾月,好沮喪呢,希望佢抵抗力快d好d,想請問淨化機用乜牌子好呢?