- 在線時間
- 220 小時
- 最後登錄
- 17-5-27
- 國民生產力
- 240
- 附加生產力
- 1220
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 1693
- 主題
- 58
- 精華
- 2
- 積分
- 3153
- UID
- 36
 
|
原帖由 onetiger 於 09-4-25 05:52 發表 
以我所知是教育局收到家長對校車投訴所以來信要求進行招標 , 此事學校有向家教會說明
KEN :
就我所知 , 投訴既家長係一定有 , 尤其係低年班家長 (P.1~P.2) 成件事嚟講 , 我冇能力左右學校既決定 , 就連家教會各成員都冇咁既POWER , 以我所得知返嚟既係 , 學校一宜未有公平咁處理呢件事 , 家教會既成員只可以參與揀選供應商 , 但最後話事人 , 都係得校方 !
尋晚我收咗電話之後 , 都冇諗過要咁快去回應呢件事 , 但外於就快考試 , 考完試後就暑假喇 ! 我不得不早少少去反應 , 我好希望喺呢個時間 , 去再講出我心裡面既想法 !
今年一次過要轉3個供應商 , 我個人去睇 :
1. 飯商
因為我身為午膳姨姨 , 喺過往呢幾年返學校睇飯 , 都明白到 , 衛生同營養係最重要既 , 小朋友鍾唔鍾意食 , 對家長嚟講更係重點關心 ! 美利喺呢段時間 , 的確用咗行動去証明 , 佢地真係有改善過 ! 但係 , 外於睇飯既唔只我一人 , 大家們多多少少都有唔同既回應 , 當中反感既亦佔唔少 ! 所以 , 多睇幾間飯高作比較都係好事 ! 家長們唔知既 , 就係要轉飯商亦唔係一件易事 , 連日嚟 , 我地學校既家教會成員 , 家長義工 , 都不停地去為我地既小朋友作試食 , 參觀廠房 ! 喺呢度 , 我真係多謝佢地 , 辛苦晒 ! 就算轉唔轉得成都好 , 呢班家長真係功不可沒 !
2. 校車商
由陳生陳太打理既車隊 , 喺我小朋友就讀呢3年入面 , 我倨人係好滿意 , 自己接放既家長都知道 , 陳生每日風雨不改 , 放學就會指揮校車及保母車出入 , 車上既保母姨姨 , 雖然我好多都唔識 , 但聽其他家長講 , 都係好細心, 好盡責既 ! 今次要轉車商 , 我亦聽過有唔滿意既低年班家長話 : 校車好嘈 ,小朋友好嘈 , 有小朋友喺車度行 ! 我自己搭校車既次數都唔少 , 因有陣時喺學校幫手做得晏時 , 都會跟車返屋企 , 我都唔旨老實講 , 車上既小朋友 , 男男女女 , 大大小小都好 , 佢地都一樣會嘈 , 頭幾次我坐校車時 , 我都有種想死咁感覺 , 但慢慢發覺得到 , 小朋友喺學校開開心心放學 , 上到校車開開心心咁同校車叔叔/姨姨/同學仔去分享 , 又何問題 ! 我試過跟一間小學既校車 , 車上小朋友好靜 , 就連風吹既聲都聽倒 , 咁又點 ? 係咪代表間學校教得好 , 係咪保母姨姨咁勁 , 管得掂d小朋友 , 放咗學後 , 就連發言既機會 , 都要等完完全全脫離學校/校車先可以 , 我個人真係唔覺得有幾開心 ! 當然 , 有小朋喺車上行嚟行去 , 要明白到 , 係某小朋友個人問題 , 我自己小朋友住校車3年 , 我大概都估倒佢喺車上面既情況啦 ! 今次轉車商 , 有家長唔滿意呢個係事實 , 但有家長好唔開心 , 呢一個亦係事實 , 我好想講 , 既然大家有滿意有唔滿意 , 學校點解唔公平d , 出張通告比家長投票 , 如果結果係一半一半 , 我會接受校方所決定既一切 , 如果投訴既家長30%都冇 , 咁有冇人會諗吓我地搭咗咁多年既家長心情 ! 小朋友呢幾年入面同校車 , 同司機叔叔 , 保母姨姨所建立既感情唔係假架 ! 邊個咁擔保 , 轉咗校車之後一定會好 , 小朋友一定唔會嘈 , 唔出位 ? 最起碼一件事 , 呢幾年校車冇出過事 (以我所知) , 校方要轉我希望你地唔好咁自私 , 用家係我地 , 比錢既又係我地 , 就算唔可以決定任何事都好 , 我都希望學校可以公平同公開 !
3. 校服商
過往咁多間校服供應商都有唔同既支持者(fans) 再講 , 就算學校有供應都好 , 家長都會因應方便或個人喜好去揀自己心水既校服商 , 呢點我覺得轉唔轉都唔係大問題 !
以上觀點 , 只係屬本人立場 , 與其他人/公司/社群冇關 ! |
|
發表於 09-3-19 10:40
mouth:" /> 
唔通想d小朋友自閉, 唔出聲?? 
