苦惱

baobaobaby

小兒2歲5個月, 有以下特徵, 請問似唔似係自閉症 / 自閉傾向呢:

1. 多數都係bb話. 認得大部份生活用品同講到佢地的名. 會講去街, 開門, 著褲, 等等. 代名詞未識.  幾經常跟大人講野. 但相信好多都係唔了解當中的意思. 未懂得表達去洗手間的需要. 未識講自己的名. 對自身的了解好似比較差.

2. 跟隨簡單指令基本都做到, 例如: 幫媽咪梳頭, 俾波波爸爸, dump垃圾, 等. 但如果有幾樣野放檯面, 佢就好多時都唔會跟你叫佢去攞指定的野, 好多時只會攞自己鍾意的來玩. 叫佢指出圖書冊上的物品, 好多時都係做唔到. 媽咪叫就好d, 其他人就多數都唔理.

3. 要攞野會拖住大人去, 但唔會講, 或者問好次先講.

4. 唔鍾意望陌生人, 去到地鐵,酒樓etc 都幾常望燈, 一係就望住熟人同熟人伊伊哦哦玩. 佢會望人, 但人地一對佢有反應就會lay 埋. 對男人特別抗拒. 女人同小朋友會好d.

5. 去街會叫埋哥哥去. 對哥哥同其他小朋友都係, 如果人地攞佢野, 佢會where人同唔鐘意. 但有時又會追住一起玩. 唔算抗拒同其他小朋友共處.

6. 鐘意玩車. 會開門, 係地下推, 扮泊車等. 玩一陣就唔玩, 又唔太覺得佢太重覆望住某一部份. 玩玩具基本都可以依玩具本身的設計來玩, 例如煮飯仔, 會扮倒茶, 煮食, 洗野.

7. 對媽咪都好痴身. 以前媽咪一離開屋企就大喊. 而家會唔開心一陣都接受到. 對爸爸唔太跟. 以前出街一定要媽咪抱, 近來叫佢幫手拎野佢就肯自己行. 同其他人去街又冇問題, 可以全程自己行.

8. 細膽, 聽到碎紙機聲會嚇到大喊同捉住媽咪. 去游水一定要痴住媽咪. 但去公園又可以自己四圍跑同爬滑梯.

9. 脾氣大, 有d野做多次都做唔到就會尖叫同好忟憎. 同佢話唔可以咁架, 就大喊.

我屋企人覺得佢係怕羞細膽同見得陌生人少先會咁. 我自己就有d擔心, 唔知係咪自己嚇自己. 請大家指點一下以上的行為會唔會係自閉症傾向.

andylcm

唔太似. 不過要肯定d就搵心理學家/醫生做評估.

SLCS

到這網頁看一下, 希望幫到你。

自閉症專題：
http://www.hkedcity.net/specialed/autism/

自閉症評估：
http://www.step-hk.com/page2/page12/page12.html

原帖由 baobaobaby 於 09-6-16 13:20 發表
小兒2歲5個月, 有以下特徵, 請問似唔似係自閉症 / 自閉傾向呢:

1. 多數都係bb話. 認得大部份生活用品同講到佢地的名. 會講去街, 開門, 著褲, 等等. 代名詞未識.  幾經常跟大人講野. 但相信好多都係唔了解當中的意思 ...

SandraLo

原帖由 andylcm 於 09-6-16 13:51 發表
唔太似. 不過要肯定d就搵心理學家/醫生做評估.

我都覺得唔似, 但就有d 似語言發展遲緩, 都係揾心理學家做個評估安心d, 有落後可以早d 追！

baobaobaby

bb 係語言遲緩的, 我地已經帶左佢去語言治療師跟進. 一星期上一堂. 個人覺得bb 其實認知都可以, 1-9, A-Z 都認得晒, 仲會認一D英文生字. 見到一d 情境都會講d短句, e.g. 見落雨就會話落雨呀,濕; 天黑或者冇開燈又會話黑mang mang. 係好多bb話, 但有時都會講到d野. 語言治療師就係話佢唔係理解有問題, 而家服從 (Compliance) 同專注力不足, eye contact 亦都唔夠.

我正正最擔心係佢的eye contact 問題. 對住語言治療師都唔會正眼望. 語言治療師俾的指令都唔係好想跟, 同樣的野如果我同佢係屋企做表現又會好D. 入到電梯一有陌生人就好唔自然想lay 埋. 女人同小朋友都好d, 叫佢望住人KISS KISS 佢都會有反應同望一陣, 一有男人就好想lay埋.

另外, 唔會主動同小朋友玩, 叫佢佢都會同人一齊玩吓. 同哥哥都係唔會主動玩, 但叫佢地一齊佢地又可以一齊玩一陣. 例如煮飯仔, 扮俾野哥哥食, 哥哥一扮食佢就好開心, 又會再俾哥哥食.  

佢到底係咪只係怕陌生人呢? 日日帶佢去商場同公園會唔會有幫助呢....?

SandraLo

原帖由 baobaobaby 於 09-6-17 09:54 發表
bb 係語言遲緩的, 我地已經帶左佢去語言治療師跟進. 一星期上一堂. 個人覺得bb 其實認知都可以, 1-9, A-Z 都認得晒, 仲會認一D英文生字. 見到一d 情境都會講d短句, e.g. 見落雨就會話落雨呀,濕; 天黑或者冇開燈又會 ...

呢樣嘢又真係未知得到住...... 因普通兩歲幾小朋友都未係好識同其他小朋友玩, 要有大人一齊帶住, 亦有較怕羞的成三歲幾都係你講咁......