今日收到信收o左我女讀下午班

jas602

想問下各位家長, 收o左你地小朋友, 係咪都會讀?
星期五收到民生信又係收o左我女, 如果2選一, 你地會選邊間?
因為我2間都鍾意, 民生就一條龍, 根德園出黎係咪真係唔怕冇小學收呢?

marcus526

當然選根德啦, 一條龍幼稚園都比小學淺, 上到小學難適應

graceshumwy

我覺得見人見致啦! 有d人都好鐘意一條龍, 就係因為唔使煩諗小學同中學, 不過我知民生幼稚園係程度比較淺, 到上咗小一之後會開始好深, 都有d小朋友覺得好辛苦, 因突然轉到好深跟唔上個進度.

而kv就一開始已經比個感覺係深, k1開始已經有exam(學校講係assessment), 但會令到個小朋友覺得只係一種習慣, 未必會覺得係辛苦, 對佢升小學有一定幫助, 當然佢唔係一條龍唔可以mark sure你個小朋友一定派到一間好好小學, 但出路應該唔會差得去邊, 同埋上到小學都容易適應.

我大仔都讀緊KV K2, 細仔今年都一樣考到KV, 所以我知道間學校進度同程度, 佢係深過出面D學校好多, 但個小朋友唔會覺得辛苦, 佢地有自己一套教育方式, 有時我見個仔咁多功課咁多嘢要溫習, 都覺得佢辛苦, 但佢自己又OK喎, 做完功課仲會自動溫習同寫字, 妮D嘢有時做父母都未必迫到佢去做, 但偏偏KV做得到.

carfoon

其實我不太了解民生, 唔知是否好d;只想分享下朋友個case;  
佢個仔前年KV畢業, 第一輪大抽獎派位唔好彩派到11志願; 之後去叩門, 由於KV一向講明唔會寫推薦信, 最後好彩+靠少少人事關係,至入到第4志願的普通小學;
所以我相信"根德園出黎係咪真係唔怕冇小學收呢?"都唔一定嘅~

原帖由 jas602 於 08-12-1 21:48 發表
想問下各位家長, 收o左你地小朋友, 係咪都會讀?
星期五收到民生信又係收o左我女, 如果2選一, 你地會選邊間?
因為我2間都鍾意, 民生就一條龍, 根德園出黎係咪真係唔怕冇小學收呢? ...

hyahome

i agree

原帖由 graceshumwy 於 08-12-2 01:27 發表
我覺得見人見致啦! 有d人都好鐘意一條龍, 就係因為唔使煩諗小學同中學, 不過我知民生幼稚園係程度比較淺, 到上咗小一之後會開始好深, 都有d小朋友覺得好辛苦, 因突然轉到好深跟唔上個進度.

而kv就一開始已經比個感 ...

jas602

唔該哂, 2選一我決定根德園了, thx~~~~