想了解APS多D

ACYW

有PE堂 in the Hall area.  Sometimes, they will go out to the playground which it is beside CCKG and APS's back door area.

Foreign English teacher is teaching Phonics only.  1 lesson per cycle.

Homework is not too much in P1 stage.  It is around 3-4 only.  Some of them is correction homework.  Also, kids will have study time before leave.  So, they are normally doing homework at that time.

晞晴媽咪

Hi 好書友,

我大女已經在宣小讀到五年級, 呢幾年都一直好奇怪點解成日都會有人留言話 "聽講" 宣小好多功課和小朋友好忙, 但其實平心而論, 點先叫多功課 ? 純屬個人意見, 比起一般傳統 "名校", 宣小其實一 D 都唔算多功課, 特別係長假期, 一般學校可能都會有 10 樣 / 8 樣功課, 但我個女都係得幾樣, 所以我反而可以較易安排各樣活動...

不過, 學生之間既成績競爭都唔細, 猶其係頭十名, 因為學校只係登頭十名名次在成績表, 所以家長 / 小朋友都有某程度既壓力架...
晞晴媽咪

晞晴媽咪

其實外籍老師主要負責教 Phonics, 而學校本身的本地英文老師都教得好好, 唔使擔心, 至於要唔要去坊間補習班, 咁你可以開學後觀察下小朋友邊方面較弱才考慮...

樂器方面, 無疑係好多將入宣小的家長擔心既問題, 講真, 學校係無硬性規定小朋友 "一定" 要學樂器, 我個女既同班同學亦有以唱歌去考音樂科考試, 不過, 入得宣小, 唔學樂器會白白浪費左一個好好既機會, 因為佢地班樂器導師絕對係一流, 而且由學生組成既各個樂團亦在學界屢獲獎項, 佢地呢方面既成功亦係因為家長同學生既支持 / 配合...另外, 提提你, 學校會遲 D 安排一次新生會, 到時會為每位入讀新生
安排學習既樂器, 由於要維持整個樂團既完整性, 無可避免有 D 小朋友會被安排學一 D 較冷門既樂器, 如果你本身已有心水 / 學緊一項管 / 弦樂器, 你一定要提小朋友到時同老師講, 否則, 分配好之後再想改就較麻煩啦...
晞晴媽咪

vnice

我有以下問題想請教:
1. 想問下宣小既中文係用廣府話教?定係普通話?
2. 其他科目e.g. 數學用哪種語言?
3. 因為宣小是私校，是否會有較多學生中途退學，轉往津校/直資?
4. 宣小每年都會分班，還是六年也會在同一班?
5. 1位班主任，還是雙班主任?
6.  宣小有否游泳課?是optional 還是必須要參與?
7. 今年的學費多少? 其他雜費約多少? 每年會調整學費嗎?

謝謝!

[ 本帖最後由 vnice 於 09-1-2 12:01 編輯 ]

FITTI

我都好想知道?

Queen4

想請問下宣小是否接納學習中樂?我兒現在學緊古筝, 不知宣小有沒有教古筝的樂器班呢?師資怎樣? 另外,不知宣小有沒有中樂團呢?對外比賽成績怎樣?

晞晴媽咪

Hi vnice,

我試試可否答到你既問題:

1. 想問下宣小既中文係用廣府話教?定係普通話?
   我記得大女當年是二年級開始用普通話教中文科, 不過, 近年有無改, 相信要一 D 低年級家長再補充....

2. 其他科目e.g. 數學用哪種語言?
  數學用中文教, 大概教快 1/4 至 半個學期, 另外, Science 用英文教.

3. 因為宣小是私校，是否會有較多學生中途退學，轉往津校/直資?
  其實並不是因為宣小是私校就特別多學生中途退學 / 轉校, 這些情況我不是覺得太嚴重, 相對每年都有不少外校生希望考入各級宣小, 所以, 我覺得學校的師生比例較高, 差不多 1:40.

4. 宣小每年都會分班，還是六年也會在同一班?
每年都會分班, 咁樣唔同性格 / 成績的同學也可以有機會好好認識....

5. 1位班主任，還是雙班主任?
每班只有一位班主任.

6.  宣小有否游泳課?是optional 還是必須要參與?
低年級每年都會在體育科安排數堂游泳課, 同學如無充分理由是必須參與.

7. 今年的學費多少? 其他雜費約多少? 每年會調整學費嗎?
今年學費: 一至四年級: $31,300/一年 (分10個月交), 五至六年級: 由於學校會安排每星期三天補課, 所以學費是: $37,800/一年 (分10個月交). 我提及的學費已經係今個學年剛調整左, 至於 09/10 仲會唔會加, 我都唔知...

Hi Queen4,

宣小的樂器訓練和樂團主要以西樂為主, 所以, 多數不能為你的小朋友安排中樂導師啦...
晞晴媽咪

[ 本帖最後由 晞晴媽咪 於 09-1-2 23:59 編輯 ]

JJ71

我有o的關於樂器班o既問題想問問:

1) join 樂器班費用多少?
2) 學校有無提供樂器o架?

多謝回答!

ChiChiPaPa

原帖由 JJ71 於 09-1-3 12:06 發表
我有o的關於樂器班o既問題想問問:

1) join 樂器班費用多少?
2) 學校有無提供樂器o架?

多謝回答!

1) 我唔知現時幾多錢。在07/08年度，即上學年，就係全年HK$6,696，一共44堂。以十個月計，即係平均每月HK$670左右。不過，這是以5人一組的價錢。如果是4人一組，就全年HK$8370。3人一組就係HK$11,160。每年都有些加幅，今年和來年要幾錢，我就不知道。

2) 我知大型樂器，例如低音大提琴，就有得租。其他樂器都要自己買。

因此學樂器是有一定的花費。

[ 本帖最後由 ChiChiPaPa 於 09-1-3 13:28 編輯 ]

Queen4

Hi 晞晴媽咪,
謝謝您的回覆。聽聞宣小考音樂科時要彈奏一曲給老師聽，不知彈中樂可以嗎?另外，是否每個宣小的學生都要學一樣西樂樂器呢?

晞晴媽咪

Hi Queen4,

從二年級開始, 同學會因應自己所修習的管, 弦樂器 / 興趣選擇以西方弦樂 / 西方管樂 / 聲樂 (唱歌) 去應考音樂科, 如果係揀左樂器組, 考試就要彈 / 吹奏一首歌曲 (有機會係指定曲目 / 自選曲目 / 小組合奏 (高年級)), 據我所知, 同學應該不能以中樂樂器應考...此外, 正如我之前回應所講, 學校會遲 D 為每一位小一新生編配去學習一樣西樂樂器, 當然, 如果你希望更改 / 拒絕學習樂器, 可以屆時與音樂科主任商量, 但是, 為左維持各個樂團的完整性, 校方當然希望各新生家長盡量配合啦...
晞晴媽咪

vnice

請問樂器課是在平日上還是星期六上?
平日放學後會有興趣班嗎? 乘校巴的同學，回程會怎樣安排?

JJ71

原帖由 ChiChiPaPa 於 09-1-3 13:27 發表


1) 我唔知現時幾多錢。在07/08年度，即上學年，就係全年HK$6,696，一共44堂。以十個月計，即係平均每月HK$670左右。不過，這是以5人一組的價錢。如果是4人一組，就全年HK$8370。3人一組就係HK$11,160。每年都有些加幅，今年和來 ...

ChiChiPaPa 謝謝你回覆.  

還想問樂器班每週上多小堂, 平日或週未?

是否有很多其他課外活動?

費用約多少?

有冇人知道沙田大圉校車資料?


jj71

Queen4

謝謝晞晴媽咪的詳細回覆。

ACYW

Hi vnice,

我試試可否答到你既問題:

1. 想問下宣小既中文係用廣府話教?定係普通話?
   我記得大女當年是二年級開始用普通話教中文科, 不過, 近年有無改, 相信要一 D 低年級家長再補充....
=================
補充: 1st half year of Chinese is still use 廣府話教, 2nd half year just starts 普通話教 in P1.

3b

原帖由 50348461bb 於 09-1-6 16:45 發表
想請問每年有無預備班畀新的小一生呀?

暑假期間有大約一個月的預備班比小朋友適應.

晞晴媽咪

Hi vnice,

樂器課和一般課外活動一樣, 有機會被安排在平日放學後 / 星期六, 一般黎講, 平日放學後係有兩輪課外活動時間 (第一輪: 2:50-3:50, 第二輪: 3:50-4:50), 如果你想安排小朋友乘校巴返屋企, 佢要留在學校等第二輪課外活動完結後乘第二輪校巴, 而等候期間, 學校會安排同學在自修室溫習 / 做功課, 不過, 我記得坐第二輪校巴好似要比附加費, 唔使擔心, 唔會好貴...嘻嘻...係比班校巴司機少少既津貼. 當然, 如果你唔想小朋友留到咁晏, 可以自行 / 安排家傭接送啦...

晞晴媽咪