*急問*音小成績 - by 2010-11小一家長

anjogmail

請問大家知道今年音小會考成續如何嘛? 聽聞早年校內學術水平蠻不錯, 但近幾年卻每下愈況, 有說"學生識字太少"的情況出現, 大家可有頭緒?

88654321

原帖由 anjogmail 於 09-9-15 15:24 發表
請問大家知道今年音小會考成續如何嘛? 聽聞早年校內學術水平蠻不錯, 但近幾年卻每下愈況, 有說"學生識字太少"的情況出現, 大家可有頭緒?

我都想知,有無家長好心回應吓,幫幫忙. Thanks

anjogmail

星期二中午時與音小職員通過電話, 問過有關今年會考結果及學生的學術水平等問題, 職員有禮地回答可經電郵查詢, 定當樂意分享今年的會考成績及其他就學術水平等問題.

電郵在星期二下午發出了 (15/9), 星期三 (16/9) 中午再追 ... 到今天, 剛剛發出第三次追問, 究竟...是否要到2010開學才獲回覆?

愁~

maggie1003

我上星期六帶左仔仔去音小面試, 亦有就呢個問題問左其中一位老師. 佢的回應是: 今屆音中會考的人數有44人, 當中有一半以上的學生考到14分以上, 其中最高分有26分.  ...今年只是第一屆,其實已經很不差了!

[ 本帖最後由 maggie1003 於 09-9-21 16:28 編輯 ]

yvonnedor

點解唔係得一日面試嗎?

yvonnedor

但第一輪已有小朋友收咗, 咁第二輪的小朋友機會唔係會少咗囉?

maggie1003

係呀,第一輪簡介會的時候,校長已經講得好清楚,第二輪才入表的機會是少d的... 奈何是我自己記錯交表的時間,所以就要等第二輪.  當天是校長接見我地的,仲同我地一齊祈禱tim,反而就冇乜問我地問題....唔知有冇家長可以分享下面試時的情況呢?

yvonnedor

第一輪收幾多個, 第二輪又收幾多?其實學校已收了我個仔, 不過好奇想知有幾多人申請. 同埋我都是一半一半想個仔入讀. 因為我怕學校程度淺, 第時怕個仔唔夠人哋競爭, 因為出面社會是好現實的. 但每次聽人說, 個個小朋友在這校讀得好開心 (不過有一個例外, 我老細個女) . 同埋聽人說這校好注重品德和宗教, 這點是令我考慮之一. 但這校好多消息都是封閉的, 例如校評,收生人數,中學會考成績等, 都不向外透露, 令人感覺這校行政好像很混亂的. 我怕好像早排某一間學校要"結業"! 到時會好頭痛!

88654321

原帖由 yvonnedor 於 09-9-22 20:20 發表
第一輪收幾多個, 第二輪又收幾多?其實學校已收了我個仔, 不過好奇想知有幾多人申請. 同埋我都是一半一半想個仔入讀. 因為我怕學校程度淺, 第時怕個仔唔夠人哋競爭, 因為出面社會是好現實的. 但每次聽人說, 個個小朋 ...

我同你的想法一模一樣.

粉紅虎

我囡囡也取錄了, 這間是作後備, 我的想法跟 miggie 一無一樣, 不過無諗過結業 .

囡囡的表姐讀今年小二, 佢讀得好開心, 好喜歡音樂, 好喜歡唱歌, 我有睇過佢小一d測驗卷,程度一般,(無其他資料比較,一定唔深, 唔知淺唔淺)  我時常都有機會接觸這小朋友, 但我始終感受唔到佢 ga 程度去邊,

粉紅虎

應該係同yvonnedor 想法一樣

回應miggie 小一面試 : 小朋友,家長分開見
<1> 約6-7個小朋友一組, 入到課室圍圈坐, 有3-4 個老師同佢地玩遊戲, 然而叫佢地自我介紹後完結<囡囡同我講,只係梗多)
<2> 家長與老師談話, 當時問我點解楝這校,會唔同個返教會(因我無宗教信仰), 點樣配合學校.

in 完後我同老公都覺得這校係in 家長, 唔係小朋友, 佢地好注重家長的理念是否與學校一致, 亦注重品德及宗教多過學業成績.

leil_girl

我囡囡也取錄了, 不過我哋沒有交留位費,

我朋友個囡今年升P.6, 佢個囡讀得好開心,
朋友話此校學業成績一般,因學辦學經驗嘗淺,而且學校暫時並非好在意成績,(音樂成績除外),但就真的非常注意品德

所以真的好睇家長自己想小朋友怎樣成長,

小一面試當天,我有一樣的同感,學校是想interview 家長,因我也是沒有宗教信仰,
當時老師的提問是,此校是以宗教為本,來教育小朋友的,如小朋友入讀了此校,相信主,你們會怎樣選擇,會否支持小朋友...

而於小朋友面試,都是6-8個小朋友一組, 入到課室圍圈坐, 然後放音樂,小朋友開始劃圖畫,音樂停,就要停止再劃,然後就排隊去睇電影等家長來接

[ 本帖最後由 leil_girl 於 09-9-29 00:24 編輯 ]

fanny4

今天頭條日報公佈的 2008/2009 [世界數學測試]
香港區雙優生名單中, ICQM 分別在 8-11 和 12-14
歲組別中, 各有一名同學得到優等成績.
參與人數 5091人, 分別來自 195 小學和 99 中學,
得到優等的約有 400 人.
[世界數學測試]是一項國際水平的數學及理解能力
(problem solving) 測試, 由英國政府教育及技能部
創辦, 對象是8-14歲學童, 成績分為優,良,及格.

jlam

我大女讀G4, 大仔係G1, 響呢4年, 我覺得學校好好, 無論係品德同學術都好好
至於行政, 你地係咪指通告咁果D野呀? 如果係, 我又唔覺得亂WOR, 通告永遠都係on schedule咁比家長, 亦有網上通告, 如果要交支票果d先係hard copy, 唔會亂架, 家課冊, 可以響網上面睇返, 我大仔成日都執少左野返屋企, 班主任仲同佢執埋書包, 一對一咁教佢執書包, 幾次之後, 佢都有進步, 我覺得咁好好, 老師對小朋友好有耐性, 好有愛心!
上當年, 個女果班有同學出水痘, 老師仲去家訪個小朋友, 我覺得呢庶d老師真係好好, 好盡責, 當小朋友係自己仔女咁看待, 呢樣, 係學校既最大好處 (我覺得)
至於公開試成績, 無錯, 佢地係唔會同區內大部份學校既作風一樣, 公佈出黎, 掛哂banner 咁既, 亦唔會響內聯網上面講, 我唔知咁係咩原因, 唔想學生比較, 定係學校根本唔係好想咁做法, 學校係小朋友響校際音樂節獲獎都唔會特別公佈架, 我個人覺得冇乜問題, 因為, 個小朋友學成點, 真係好個人既, 唔可以以一個% 黎做指標, 以我大女而言, 我覺得佢表現ok 架, 係more than expected 架, 或者係我自己要求唔特別高啦......
今年會考, 我聽中學部既學生講, 有27分, 26分, 我唔知咁係高唔高, 我就覺得唔差lor, 我係知咁多咋

yvonnedor

Thanks !
我成日想到底小朋友成績緊要定係品德由細細個培養好. 有時想成績好第時揾工容易,但又怕佢高學歷低智商, 做人做事一派胡塗, 但又怕佢雖則有良好品格, 學歷差又難揾食! 唉, 做人父母 艱難

jlam

點解你會有咁奇怪既諗法??
品德同學業點解係二選一? 難道你覺得品德好既學校, 就等於學術唔會做得好咩?! 抑或一個重品德既人, 就唔會重學業呢?!
我覺得唔係lor, 我反而覺得, 一個重品德既小朋友, 無論幾蠢都好, 正正因為佢重品德, 睇重老師點睇佢, 因此會努力, 因此會成績進步, 呢D, 都唔係一朝一夕架, 都唔係可以立即見效架, 要比耐性架!
我覺得小朋友讀書, 最緊要係比佢有學習興趣, 咁先係可以長遠地提升佢既學習動機架!

原帖由 yvonnedor 於 09-9-30 19:54 發表
Thanks !
我成日想到底小朋友成績緊要定係品德由細細個培養好. 有時想成績好第時揾工容易,但又怕佢高學歷低智商, 做人做事一派胡塗, 但又怕佢雖則有良好品格, 學歷差又難揾食! 唉, 做人父母 艱難 ...

jlam

唔好比個框框, 框死自己, 如果你對ICQM冇信心, 可以去apply 多幾間, via interview, 你可以大約比較到當中各間學校既老師同同學既分別, 到時先決定都未遲
我當時give up 德望, take ICQM, 原因係, 我感受到老師既熱情, 同埋個女真係好喜歡ICQM, 我冇睇業績, 因為, 個女係獨立個體, 業績好唔好, 唔代表我個女做得好唔好嘛!

TYma

分享~

小女是小一生，日日開心返學，科目難不?  我認為ICQM的科目內容編排方面難易正巧適中~適合小一生的程度! 我唔認同出面有D學校，小一學小二嘅程度、小二學小三嘅程度... ...這樣有咩意思? 只會增加小朋友學習壓力、打壓小朋友學習興趣。

參加咗上週五家長會，聽校長報告今年中學會考成績，大多高出平均水準，是令大多數家長滿意的，也令我們這些小學家長更有信心。 另外，有傑出學生為學校參加國際大賽拿咗冠軍、而在香港校際音樂表現也有拿獎呀...(這是我們所不知的，聽落都覺得咁勁嘅?)  
ICQM不像一般學校會拿這些來做宣傳，ICQM將學生得獎視為"分享經驗"，不過於誇耀。
認為此舉對於小朋友而言，才不會造就太過競爭的心態吧!

此校好與不好? 都要家長認同此校的作風。
誠如之前校長所言，如果家長是著重比較小朋友課業或體育的表現要優於其它學校學生，那麼ICQM或者不是那麼適合你!  ICQM注重各方面平均發展、及人品培育，一個小朋友人格發展正面的話，學習能力也不會差!

yvonnedor

多謝你的分享! 其實我都不認同小朋友跳級學習, 應該按他們的程度就ok,按部就班, 没有壓力下學習, 才會開開心心! 開頭我怕音小比原本的程度淺, 但聽你咁說他們是適中, 咁我放心好多了. 小一學定小二的知識, 其實對小朋友和家長都會很辛苦.