說快樂童年,要從來港前說起。 9歲前,余玉珊是徹頭徹尾的野孩子,與公公婆婆同住,於鄉間生活自得其樂,上課最愛作弄老師,下課後穿街過巷通山跑,「有時會水浸,啲水去到胸口咁高,我都唔怕,仲同水裏面啲曱甴玩」。
父親早年偷渡來港, 11年前始接她到西環老家,家境不富裕無損團聚喜悅,父親做管理員,母親做樓面,玉珊專心讀書,超齡讀小二:「以前喺學校讀毛澤東,家變成學英文,好似鬼佬學中文唔明象形字,我都唔明 26個字母同語法。」她要學足一星期才學會 monkey一字, bicycle要兩周;第一次英文考試得 47分不及格,留級收場。
面試前父中風入院
「我讀嘅聖公會呂明才紀念小學好多新移民,所以冇話俾人歧視。」年紀小尚未發憤圖強,參加大量課外活動裝備自己,升中時選了名校瑪利曼中學,「阿爸本來揀瑪利諾,但係過海車費太貴」。面試前一晚父親突然中風入院,玉珊堅持到學校面試,「係佢叫我入呢間學校,當時好似遺願咁,留喺醫院我乜都做唔到,可以做嘅就只有努力讀書」。英文欠佳,靠面試表現搭夠,她終成功入讀著名英中。
一入豪門深似海,窮學生看見社會縮影,「某同學一個禮拜有 2,000蚊零用錢,我就用 4蚊買 3個光酥餅食,每日慳飯錢買參考書。」中一已膽粗粗出外找兼職,中三暑假獲髮型屋聘為洗頭妹 2,000元底薪外加每個客 5元,一做兩個暑假,「體會好深,師傅連外國客一句『 make it short』都聽唔明,我明白英文唔好嘅話,將來選擇少好多,難有出頭天」。
「苦難是磨練禮物」