- 在線時間
- 3 小時
- 最後登錄
- 12-1-16
- 國民生產力
- 3
- 附加生產力
- 6
- 貢獻生產力
- 0
- 註冊時間
- 10-4-4
- 閱讀權限
- 10
- 帖子
- 33
- 主題
- 3
- 精華
- 0
- 積分
- 42
- UID
- 600123
|
原帖由 cocopapa 於 11-3-3 21:27 發表
lam110hk,
感謝你的經驗分享。想多問一些關於各學校叩門試的的情況,譬如會不會時間有衝撞,每間學校大摡的要求和叩門試要多少時間?
叩門試一般會於派位後第二日或隔日開始, 小女就試過何官同迦密撞時間, 而何官當時講明只會係 interview,
不需考試, 由於小女心儀迦密, 所以最後選左去迦密應試, 至於考試時間, 印象考試時間大約都係同佢地平時考試時間相約, 大約一小時吧(唔係好記得...)
至於學校要求, 迦密係需要有主科 3A 先有機會可以考試, 而華英就要睇你頭一, 二志願係咪選佢, 丘佐榮就沒消息俾小女, 所以唔肯定佢地既叩門選生標準。
有一件事想同大家分享, 何官係會派位當日收到所有叩門申請表後, 會於內部輪選, 並將最後大約有機會既
25 至 3x 人 (唔記得確實有幾多人) 份 list show 係官網上面, 大家再依據指定時間到達何官作 interview,而 interview 時間大約 15 至 20 分鐘 (當時打去查詢知道), 而時間不可作更改, 除非因為病, 要有醫生紙證明, 當時由於希望可以捉緊機會, 曾經想小女於當日早上扮病去睇醫生, 但小女係教徒, 堅決反對我既建議.....
之係就係小女係迦密考試後既事,小女順利通過考試進入左兩日後迦密既 interview, 當日早上大部份家長都早到左, 大家係指定會臉課室外呆等既時候, 第一位入去 interview 既男仔出返黎, 但係佢冇走到, 坐返係到同佢阿媽傾計, 咁都正常既, 阿媽梗係第一時間問下自己小朋友頭先既情況啦, 就係佢地傾緊既時候, 課室走出一位女老師, 佢行埋去個學生度, 同該名學生及佢媽媽左兩三句, 跟住我地就見到該對母子開心到企左起身
, 呢個時候在座咁多位就意識到原來 interview 係即時知道結果.......跟住落去, 第二成功, 第三成功, 心想, 睇黎會臉 list 上既人基本上都已經係會收, 只係見一見臉就 ok, 第四位 interview 男學生出返黎後, 坐住同佢阿媽閒聊, 跟住我地見到有位迦密學生入去左課室, 然後出返黎, 行近個對母子絲絲細語, 然後就見到該對母子臉上出現左失望既表情, 阿媽似乎好唔開心咁急步離開, 個仔有點不知所惜咁跟住係佢阿媽後面咁離開左迦密......就係黎到呢個位, 在場所有學生同父母都即時壓力大增, 而我個女亦係呢個最後階段被淘汰出黎, 同佢心儀既學校擦身而過........
重記得係學校離開係街上步行返去既情境, 我個女既失望表情, 我太太塊臉更加黑過鑊底.....重有再之後天真地等左一個星期消息, 期望有機會以後備入去, 但最後愿望落空..... |
|