寫字弱, repeat k3, 好唔好?

湘兒

阿仔係4月出世的, 所以5歲了. 11年即黎緊9月就要選擇小學了.
作為家長的當然擔心, 因為阿仔寫字比較弱的, 要慢慢教. 表達能力比較差, 未識自己講故事. 但學習動機提升了. 情緒方面也沒有問題.
前兩個星期, 老師和校長分別跟我說, 如果阿仔到9月, k3時候還未有改善, 那麼就不要交紙去升小學. 在2012年9月再repeat K3, 但其實阿仔比較[擇]界, 佢寫字比較弱, 學習就一般. 咁我問校長: 有冇學生係咁既情況而留班, 佢話有, 但係會係多方面. 即係寫字同埋情緒方面都有問題!

我仔仔都有做緊早期訓練, 我都有問幼兒導師意見. 幼兒導師就話, 咁學校有冇數據拎到出黎, 係真係有改善? 而且, 老師對阿仔平時係咪就慣佢, 順佢意思?? 而答案係: 當然冇數據. 而學校老師應該係就慣佢既!!

而我當初既諗法係, 讀多一年k3可能training多 d 寫字會好d丫!!
但諗深層, 如果學校老師都係處於服從佢既情況, 咁留多1年k3又有冇作用? k3學既野又會一樣? 咁有冇做?
真係人生交叉點..唉...
其實本身諗住比佢入我母校, 係區內出名的, 我應該比佢入間好,之後touchwood唔得, 再轉返間差?
定係我開始選擇一間比較少功課的學校給他?

我應該點做?
故事比較長, 唔好意思!! 希望大家比個意見我
thanks!

someoneelse

個人覺得，如果只係寫字差&表達能力比較差就唔一定要repeat K3既...仲有整整一年時間先入小一，大把時間訓練呢！不過，因為無實際數據支持(例如差成點？！差=delay 嗎？！)，所以暫時好難下判斷....
至於應該入名校與否，響度一直有呢方面既討論...有人贊成、有人反對、有人認為一試無妨...但結果最後都係果句：父母自己決定吧！
Good luck!

湘兒

原帖由 someoneelse 於 11-5-28 12:35 發表
個人覺得，如果只係寫字差&表達能力比較差就唔一定要repeat K3既...仲有整整一年時間先入小一，大把時間訓練呢！不過，因為無實際數據支持(例如差成點？！差=delay 嗎？！)，所以暫時好難下判斷....
至於應該入名校與否，響度一直有呢方 ...

仔仔係由我教佢功課的, 我諗佢比同齡delay半年到.
我遲下會去政府既兒童智能測驗中心做評估, 我諗到時會知實際數據.
我想問係咪我9月交左表去申請小一學位, 就冇彎轉? 一定要升上小一, 冇得選擇repeat k.3?
宜家距離9月得返3個月, 好似好緊迫咁!
如果可以的話, 我想睇下埋成年係k.3既overall 先再決定丫!

someoneelse

有無彎轉我唔知，因我囝不是呢個圈的，希望其他家長可以幫手回答！

但如果你心急想做決定，不如找私人ST做一次評估，早點睇清楚孩子既程度...就算係 delay，都要知弱響邊方面嘛，因為個人認為語言係有唔同層次的...

原帖由 湘兒 於 11-5-28 13:34 發表


仔仔係由我教佢功課的, 我諗佢比同齡delay半年到.
我遲下會去政府既兒童智能測驗中心做評估, 我諗到時會知實際數據.
我想問係咪我9月交左表去申請小一學位, 就冇彎轉? 一定要升上小一, 冇得選擇repeat k.3?
宜 ...

pocoyo123

九月報讀是私校 & 直資, 11月報讀係大抽獎, 如報左私/直資小學, 唔讀係無問題, 但自行分配 & 大抽獎 就唔同, 如你擇左, 又唔讀, 好以唔得, 因為要公平, 政府會以為你係因抽唔到心儀學校而走去重讀, 所以大抽獎每人只有一次機會.我小朋友今年都係重讀K3, 都係因寫字慢& 言語差, 無話值唔值得, 只係小朋友有無咁嘅需要, 因為重讀有多一年時間去訓練小肌, & 言語, 令佢底子強壯, 可以應付小學生活, 相信, 每個家長都知香港小學的功課&進度係幾多&急, 無一定的底子, 根本係追唔上條隊, 去到小三, 可能連陪跑都無份

湘兒

原帖由 pocoyo123 於 11-5-28 18:33 發表
九月報讀是私校 & 直資, 11月報讀係大抽獎, 如報左私/直資小學, 唔讀係無問題, 但自行分配 & 大抽獎 就唔同, 如你擇左, 又唔讀, 好以唔得, 因為要公平, 政府會以為你係因抽唔到心儀學校而走去重讀, 所以大抽獎每人只 ...

首先, 多謝你的回覆!
我想問你小朋友係大仔定細仔, 咁重讀個一年會係原校定去左新學校? 而依一年, 仲有冇得做早期訓練?

因為我小朋友係大仔, 所以就算重讀k.3都冇得做早期訓練..
我真係好1516, 仔仔本身係專注力低...
婆婆就話未聽過有人重讀k.3 , 佢話係都小學讀唔掂先repeat..
當然決定權係我手上..但我都唔知可以點...

Geni

我個仔今年自行已經派咗位，但前兩個月揾私家醫生做咗評估建議遲一年入小一，於是我打電話去教育局問，佢地話如果有醫生証明咁嘅需要，咁書面通知就可以，下年可以再參加派位。但如果冇醫生証明就要一早(三四月前)通知佢地，同未必接受。

pocoyo123

我小朋友係6月出生, 唔大又唔細, 其實年齡唔係什麼問題, 好多新移民來香港都超齡, 又如何, 最緊要跟得上.我亞囝今年到6歲后就要排醫院ST & OT訓練, 但我知係好疏, 所以我會在出面再加PST, 直到明年小學, 我會搵一間有支援小學, 等亞囝容易跟大隊行, 我亞囝都有專注差呢個問題, 因為好多有DELAY小朋友都有專注力差, 呢D係連鎖反應, 我都曾經諗過今年上小一, 不重讀, 因我見有些比我亞囝更差的都上小一, 但是, 我問左一些已有小朋友讀緊小學的朋友, 她們說香港很多小學(尤其係津校), 係唔會叫你留班, 就算明知你小朋友跟唔上, 香港的小學教學模式係咁, 所以, 我比佢讀多年K3, 無論佢今年追唔追得番, 但佢比其他同學大一年, 學習上會比較有優勢

原帖由 湘兒 於 11-5-28 19:37 發表


首先, 多謝你的回覆!
我想問你小朋友係大仔定細仔, 咁重讀個一年會係原校定去左新學校? 而依一年, 仲有冇得做早期訓練?

因為我小朋友係大仔, 所以就算重讀k.3都冇得做早期訓練..
我真係好1516, 仔仔本身係專注力 ...

fatpam

agree. It is very difficuit to repeat in P1. Your kid may delay a lot in P1. Even the normal kids need to put great effort in learning the things in P1. So I think you should consider your kid's ability and have an assessment to help you to make the correct decision.

原帖由 pocoyo123 於 11-5-28 20:26 發表
我小朋友係6月出生, 唔大又唔細, 其實年齡唔係什麼問題, 好多新移民來香港都超齡, 又如何, 最緊要跟得上.我亞囝今年到6歲后就要排醫院ST & OT訓練, 但我知係好疏, 所以我會在出面再加PST, 直到明年小學, 我會搵一間 ...

Geni

我個大仔讀緊小學，完全清楚佢間小學嘅教學模式，學校會留意學習上有差別嘅小朋友，會有支援，但成效未必足夠，同埋就算你科科唔合格都唔會要你留班的.....既然依家咁幸運咁早就知道小朋友有不足，仲有機會預備，俾我棟，我會揀依家repeat