教育王國
標題: 批評一下幼稚園申請安排 [打印本頁]
作者: lovecupid 時間: 12-11-17 19:14 標題: 批評一下幼稚園申請安排
我帶住個女身經十多戰，雖未有一間有offer，但對幼稚園處申請安排真係有讚有批評
1，最憎親身排隊攞表的幼稚園
在資訊科技發達上網可下載申請表的年代，還要人親身排隊攞表？超低能….石器時代水平。
2，最憎親身排隊交表的幼稚園
香港郵政寄失信件的機會好低。要人親身交表打蛇餅真係好折磨人，排餐死原來只有三個人處理……？超低能….原來是為校對申請人資料文件齊唔齊…..你估太公太婆嗰代唔識字咩…..完全係第二次世界大戰水平。就算家長肯排，學校亦不會保證一定收，咁又何必要人排呢！俾個箱人掉落去咪得囉……
3，最憎以先到先得交表作為安排上下午校分班的幼稚園
應該想人排隊為學校造勢……
作者: NICOLE123 時間: 12-11-17 19:20
可唔可以講下讚既有邊間?
作者: lovecupid 時間: 12-11-17 19:26
可網上下載申請表
郵寄或親身投遞申請表、證明文件、回郵信封和支票
學校回郵準考證和收據
當日面試
寄結果
就係咁簡單
又或
寄出世紙、回郵信封和支票
學校回郵申請表
面試當日交回
都可以
作者: luckyveronique 時間: 12-11-17 19:35
其實宜家步入互聯網時代甘耐喇，人地可以網上報名的最體貼，比如啟思and靈糧，真不愧係happy school來架！報名、通知面試時間、一周便email告知面試結果、甚至選擇是否要offer或者是否輪候waiting，全部網上搞掂哂。不知多環保！
作者: amywon 時間: 12-11-17 19:38 標題: 回覆：批評一下幼稚園申請安排
我不同意閣所有高見，每間學校各有各行政制度，如果有咁多不滿你可以唔報。請問有那一間學校及哂你（何車）請舉例！
作者: barrybbmami 時間: 12-11-17 19:47
或者咁講，果d要排隊拿表交表的學校，就是要選家長，如果吾想排咪吾報，或者果d學校好需要家長配合課程，交表方式已是選學生的第一步。家家有求，選合適的就好了。
作者: lovecupid 時間: 12-11-17 19:53
本帖最後由 lovecupid 於 12-11-17 20:12 編輯
回復 luckyveronique 的帖子
我個女其中一間報名的學校面試，就係上網攪好晒，表面好環保，但校方仍要印出來，不過係校方的事。真係好方便。有一日，我在一幢建築物內，就見這奇景，當日都有29度.......
作者: sbux 時間: 12-11-17 21:01 標題: 引用：+本帖最後由+lovecupid+於+12-11-17+20:12+
原帖由 lovecupid 於 12-11-17 發表
本帖最後由 lovecupid 於 12-11-17 20:12 編輯
回復 luckyveronique 的帖子
作者: lovecupid 時間: 12-11-17 21:05
回復 sbux 的帖子
過一兩年可能要早一晚甚至三兩日通宵排隊，好似中銀鈔咁.....但排到咁，唔等於實收嘛......
作者: suki9876 時間: 12-11-17 21:07
提示: 作者被禁止或刪除 內容自動屏蔽
作者: NICOLE123 時間: 12-11-17 21:13
本帖最後由 NICOLE123 於 12-11-17 21:15 編輯
無人迫你.無人叫你排
點解而家d人咁鐘意咩都嘈
好野自然多人報架啦
好學校唔憂收唔到好學生
而家擺明係學校選學生選家長
我講你知有好多村校而家都要排幾日幾夜
你睇唔過眼未唔好報呢d學校囉
咩都嘈. 嘈可以改變呢個事實咩?
如果你咁不滿點解你仲要報咁多間考咁多間??
考你應為最好既未得囉
作者: lovecupid 時間: 12-11-17 21:17
本帖最後由 lovecupid 於 12-11-17 21:27 編輯
回復 suki9876 的帖子
當然願者上釣，如果收我個仔，打我都可以
。
但咁處理報名係咪可以人性化和現代化一啲啫........幼兒教育不會令幼兒工作的行政人員幼稚嘛
教育界工作就係好閉關自守.....同時代脫節
....
反思和更新係好重要。
就算多人申請，都唔多得過 KV同St. Cat.啦....人哋幾咁有效率。
只係收生標準估佢唔到之麻..
....
作者: suki9876 時間: 12-11-17 21:48
提示: 作者被禁止或刪除 內容自動屏蔽
作者: lovecupid 時間: 12-11-17 22:00
本帖最後由 lovecupid 於 12-11-17 22:01 編輯
suki9876 發表於 12-11-17 21:48 
同意，仲講得出“批評“呢2個字，無言
如果一個批評和反思，只對自己益而對大眾無利就是自私
如果一個批評和反思，令世界改變，大眾得益，就是革新。
學校咁安排真係好?
因為求人收自己小朋友就「逆來順受」?
因為現時地位不對等就「要晒太陽」?
教育的目的不叫人去不斷反思，不斷學習和不斷更新嗎
作者: ahmaymay 時間: 12-11-17 22:34 標題: 回覆：批評一下幼稚園申請安排
我申請5間，只有一間要排隊取表，交表的，但我覺得ok喎，可能佢地安排得好啦。起來唔洗下下要你3-4個回郵信封咁浪費。其實每間學校都有佢一套，如果想入的話都要接受。
作者: Fabianne 時間: 12-11-17 22:45 標題: 回覆：批評一下幼稚園申請安排
學校覺得d家長唔洗返工、或者要佢地請半日假交表，如果間間親身交表，就請幾日假
作者: ting-ma 時間: 12-11-17 22:51 標題: 引用：我不同意閣所有高見，每間學校各有各行政制
提示: 作者被禁止或刪除 內容自動屏蔽
作者: suki9876 時間: 12-11-17 23:03
提示: 作者被禁止或刪除 內容自動屏蔽
作者: yslgirl 時間: 12-11-17 23:04
老實講，見到您個標題都好爆，知道您一定比人插，但係我又忍不住支持您，而家d家長真係奴性很重，我知遊戲規則係咁我都要跟住玩，但係唔通表達一下不滿、比d建議都唔得，太荒謬了。
作者: MSmrsKWOK 時間: 12-11-17 23:07 標題: 回覆：批評一下幼稚園申請安排
我都接受唔到要排隊拎表同交表的學校，做法比較無聊，所以我係唔會報。
作者: MSmrsKWOK 時間: 12-11-17 23:11 標題: 引用：老實講，見到您個標題都好爆，知道您一定比
原帖由 yslgirl 於 12-11-17 發表
老實講，見到您個標題都好爆，知道您一定比人插，但係我又忍不住支持您，而家d家長真係奴性很重，我知遊戲 ...
作者: PPyeung 時間: 12-11-17 23:19 標題: 回覆：MSmrsKWOK 的帖子
認同X2, 係造勢和逼你去選擇，叫你不要濫報。
作者: JC_mami 時間: 12-11-17 23:26
如果可以幫阿仔入到間好學校，你叫我赴湯蹈火也願意。
作者: Fabianne 時間: 12-11-17 23:41 標題: 回覆：批評一下幼稚園申請安排
好學校多人報，所以都好多B6報。
多時間排隊一定唔夠佢多。
作者: lovecupid 時間: 12-11-17 23:46
本帖最後由 lovecupid 於 12-11-17 23:51 編輯
JC_mami 發表於 12-11-17 23:26
如果可以幫阿仔入到間好學校，你叫我赴湯蹈火也願意。
我都係一樣會赴湯蹈火，上刀山.....紮埋營...
只知道學校咁做的原因係：咁多年都係咁。。。就真係好奇異。
作者: dannyyau302 時間: 12-11-18 00:05 標題: 回覆：批評一下幼稚園申請安排
咁狠付出，無奶油一兩間心儀學府都無著落架……不要再太計較考得唔好，留待3年後私小爭奪入場卷或講求運氣等派彩入名校吧!
作者: amywon 時間: 12-11-18 01:24 標題: 回覆：批評一下幼稚園申請安排
可能自小都係在好傳統的中小學就讀，學懂了循規蹈矩，尊師重道呢種模式，但並不代表我無思想無個人主見，但我會學懂接納別人的思想和意見；道不同不相為謀唔岩Key就等於勉強無幸福，我現在長大了當了小孩子的媽媽，學歷及社會地位很可能都比老師及校長高，雖如此但與孩子的老師和校長見面我也會自自然然覺得校長係高不可攀的老師雖然年紀也會比我少10多歲但我也會尊敬她我也想我的孩子學我一樣我是她的最佳榜樣。如每事也要與學校抗衡，何不選擇合你口味的學校？會唔會最終一所學校也找不到？因為有咗問題的不是學校而係你自己？
作者: amberpan7 時間: 12-11-18 01:46 標題: 回覆：批評一下幼稚園申請安排
讚成樓主的不滿，見某d學校的收生手法就會知道even 入到去讀, 學校都係以方便校方為大前題，並foresee 到學校會對家長多多要求。所以我同c6都決定唔報呢d學校，我相當出面仍有好多學校會從報名開始已經係以家長及學生的角度去著想。
作者: yantabo 時間: 12-11-18 02:31 標題: 引用：+本帖最後由+lovecupid+於+12-11-17+23:51+
原帖由 lovecupid 於 12-11-17 發表
本帖最後由 lovecupid 於 12-11-17 23:51 編輯
作者: tangotango 時間: 12-11-18 02:48 標題: 回覆：lovecupid 的帖子
教育也重視尊重和接納。
如果連家長守規矩都吾肯，點樣身教小朋友守規矩?
如果學校定左規矩，家長帶頭吾去守，點樣要求小朋友日後遵守學校既要求?
無怪乎依家小朋友咁吾識尊重原則，係因為家長自以為有道理就肆意批評，小朋友就有樣學樣。
試想想，以前自己讀書時學校都有好多看似無理既要求，但上一代就會選擇先服從，再反思，後自省，培養自己的價值觀和處事原則。
依家好多人就係淨係考慮自己的方便與利益，完全無考慮別人的需要和考慮，要知道每個人做一個決定前都要考慮許多因素，更何況一間學校要考慮學生，家長，老師，職工……
最後，道不同不相為謀，話不投機半句多，如果真係吾認同學校既安排，真係可以選擇不要報名，不要因此而自覺委屈，我相信學校也無意為難家長，只係希望取錄有心人和有緣人。
作者: miutang 時間: 12-11-18 07:47 標題: 回覆：批評一下幼稚園申請安排
我贊成網上報名，要排隊的已不是我杯茶，排隊等於好野？咁落後兼不為人著想，我才不要自己小朋友這𥚃學習成長，教出來只是一班高分但無同理心的學生。
當然也要拜今天的家長所賜，才有今天的局面。
作者: suki9876 時間: 12-11-18 08:17
提示: 作者被禁止或刪除 內容自動屏蔽
作者: miutang 時間: 12-11-18 08:34 標題: 回覆：批評一下幼稚園申請安排
唔好意思，網上報名是指下載表格，是我講不清楚，無電腦可以直接去學校取，科技進步卻形容自私，無言。大家想法不同，不用一來便人生攻擊。
作者: kaitathk 時間: 12-11-18 08:56 標題: 引用：唔好意思，網上報名是指下載表格，是我講不
原帖由 miutang 於 12-11-18 發表
唔好意思，網上報名是指下載表格，是我講不清楚，無電腦可以直接去學校取，科技進步卻形容自私，無言。大家 ...
作者: sbux 時間: 12-11-18 09:46 標題: 引用：可能自小都係在好傳統的中小學就讀，學懂了
原帖由 amywon 於 12-11-18 發表
可能自小都係在好傳統的中小學就讀，學懂了循規蹈矩，尊師重道呢種模式，但並不代表我無思想無個人主見，但 ...
作者: amywon 時間: 12-11-18 09:51 標題: 回覆：批評一下幼稚園申請安排
照咁睇學校真係有必要在14年度進行視像面試先可以滿足到現今某類貪求方便自己追求新科技的家長，學校也無須要擔心財政問題，可將校舍買比地產商發展賺一大筆因為幼稚園也應該追上潮流玩遙距課程用電腦互聯網學習先係某類家長之心頭好？咁貪方便唔洗送D仔女返學放學，真係一門大生意
作者: lovecupid 時間: 12-11-18 10:38
本帖最後由 lovecupid 於 12-11-18 10:40 編輯
miutang 發表於 12-11-18 08:34
唔好意思，網上報名是指下載表格，是我講不清楚，無電腦可以直接去學校取，科技進步卻形容自私，無言。大家 ...
不要太在意網上討論區人哋講咩...大家身份隱藏，唔知對方係咩人...我出得條題目就預咗有人啱傾有人唔啱傾。言論自由嘛，對事不對人，又用不著話人自私....
啱傾咪傾多幾句交流，唔啱傾咪唔好覆....連回應都慳番。
九龍城民生我沒有報，因為民生不是我杯茶，我平日在民生附近出出入入，民生中學校風麻麻，食飯時間就見到佢哋啲表現，女生都OK, 男生就麻麻，蟲校多過龍校，培道好好多，又斯文，又守規則，食個飯都靜過民生好多。
民生收表當日就係好令人難過，亞婆亞伯，亞媽帶住細路嘅推住BB車嘅在太陽下暴曬，就係為個機會.....
原來學校要人咁排法的是有很偉大的理想同令人感動的原因
作者: j947 時間: 12-11-18 15:26 標題: 引用：老實講，見到您個標題都好爆，知道您一定比
原帖由 yslgirl 於 12-11-17 發表
老實講，見到您個標題都好爆，知道您一定比人插，但係我又忍不住支持您，而家d家長真係奴性很重，我知遊戲 ...
講真我最反感果d攞表，派晒就冇果d仲絕。
我都唔敢係網上講感受啦，上次in完靈量堂，講今年安排係點，就有一班"上年"in的家長黎插，費事嘈。
作者: amywon 時間: 12-11-18 17:33 標題: 引用：Quote:原帖由+yslgirl+於+12-11-17+發表老
原帖由 j947 於 12-11-18 發表
認同^^
講真我最反感果d攞表，派晒就冇果d仲絕。
作者: 小兔咕 時間: 12-11-18 18:54
排隊攞表都過份唔過限埋派表收量既學校!
其實學校唔係想收有能力既學生嗎?
/ 只係想收有最多空閒時間既家長.. 覺得佢地會用多d 時間去教d 小朋友?
好在我報既學校都無咁既做法, 我諗要真係好得好緊要我至會去排通頂.
作者: bearcat2003 時間: 12-11-18 20:29 標題: 回覆：批評一下幼稚園申請安排
反映意見啫，
唔like「最憎」，「低能」呢啲字眼。
作者: GHcat 時間: 12-11-18 21:57
amywon 發表於 12-11-17 19:38
我不同意閣所有高見，每間學校各有各行政制度，如果有咁多不滿你可以唔報。請問有那一間學校及哂你（何車） ...
作者: ms.bead 時間: 12-11-18 22:26
本帖最後由 ms.bead 於 12-11-19 00:45 編輯
雖然我都唔鍾意限量派表，但係易地而處，如果學校認為只有能力處理這一定數量的申請，於是便限量派表…如果我係該校員工，我可能會好鍾意這間學校，老師、員工都有自己家庭和私人時間。正所謂一個銀仔有兩面，唔好話我幫人揾藉口，多點易地而處！贊成之前所講，不認同該校的行政或教學方法就唔好報。亦明白點解而家面試/問卷咁鍾意問家校合作或為何選擇該校…不喜勿插…
作者: hastalavista 時間: 12-11-18 23:36
咩都唔講，夠吉屎出呢個POST，已經唔簡單！！
有D 野，大家沒有說出口，但心入面一定有諗過的！
如你說廿九度民生排出門口當日，我朝早都有去，後來先折返，
下午帶把太陽傘才去排，我後面有個大肚媽媽，看見也為她難受，
大家SHARE 一把太陽傘，結果排了一個多小時～～～
從交表過程，簡介會，至面試等安排，都可以令家長多一分了解學校，
是否適合自己，換了我是你的話，若果覺得民生不OK 的話，
就算有OFFER給我小朋友，我都一定會拒絕唔要！
你選人時，人也選你。。。更嚴重咁講，如民生，並唔係只係單單3年～
要好好想清楚！ 
作者: melody228 時間: 12-11-19 08:56 標題: 引用：Quote:原帖由+amywon+於+12-11-18+發表可能
原帖由 sbux 於 12-11-18 發表
作者: melody228 時間: 12-11-19 09:03 標題: 引用：+本帖最後由+ms.bead+於+12-11-19+00:45+編
原帖由 ms.bead 於 12-11-18 發表
作者: kaitathk 時間: 12-11-19 09:11 標題: 引用：咩都唔講，夠吉屎出呢個POST，已經唔簡單！
原帖由 hastalavista 於 12-11-18 發表
咩都唔講，夠吉屎出呢個POST，已經唔簡單！！
有D 野，大家沒有說出口，但心入面一定有諗過的！
作者: bbbbu 時間: 12-11-19 09:12 標題: 回覆：hastalavista 的帖子
同意，大家心照，有誰希望間間學校叫你排幾個鐘頭隊 ，支持樓主見解
作者: taptap83 時間: 12-11-19 09:24
我曾經幫小朋友報一間傳統幼稚園，由排隊拎表，排隊交表約面試時間，到明明約好面試時間都要喺校外排多一粒鐘，令我好明白學校安排哩方面仍處於十幾廿年前既人手安排方式。的確我會覺得點解學校真係唔改進一下呢?
我明白哩個係遊戲規則，我唔會要求佢改，因為佢技術或安排上跟唔到就跟唔到。只係畀我印象太保守傳統，令我都預期到小朋友要讀哩間的話將來會有好多行政不便。
作者: MKTlai 時間: 12-11-19 09:48
amywon 發表於 12-11-18 01:24
可能自小都係在好傳統的中小學就讀，學懂了循規蹈矩，尊師重道呢種模式，但並不代表我無思想無個人主見，但 ...
國有國法，家有家規，學懂尊重才會有真正的文明。
只用口批評是沒有用的，要用手去建設社會才會進步的。
反過來學循規蹈矩，學尊師重道原來會有人反對的。
難道學道理無用，學歪理才可上位乎？
以上說話如有得罪，請多包涵。
作者: MKTlai 時間: 12-11-19 10:05
tangotango 發表於 12-11-18 02:48
教育也重視尊重和接納。
如果連家長守規矩都吾肯，點樣身教小朋友守規矩?
如果學校定左規矩，家長帶頭吾去 ...
作者: vinik 時間: 12-11-19 10:09
討論區當然要有讚有彈, 傾向任何一邊也不健康。樓主也只是表達意見, 正所謂甲之熊掌、乙之砒霜, 各有所好, 大家和平討論下就可以啦~
我自己覺得, 有些學校係有改進空間, 學校唔想改進, 好有可能係因為根本唔改進都肯定有大把人報名, 所以無謂再增加工作量。
作者: MKTlai 時間: 12-11-19 10:13
Like 和平討論 !!
作者: Diving 時間: 12-11-19 10:18
lovecupid 發表於 12-11-18 10:38
不要太在意網上討論區人哋講咩...大家身份隱藏，唔知對方係咩人...我出得條題目就預咗有人啱傾有人唔啱傾 ...
作者: vinik 時間: 12-11-19 10:54
Diving 發表於 12-11-19 10:18
題外話,民生呢間學校,收你都唔好讀,我交表及考試的學校超過十間,遇到的老師及職員,最差係民生, 由大門至收 ...
我地上星期六去面試, 我老婆帶阿女入去面試, 當日有好多童軍當值, 佢覺得o的學生幾有禮貌同親切喎~ 佢仲同其中一個童軍傾計添.
作者: hastalavista 時間: 12-11-19 11:07
vinik 發表於 12-11-19 10:09
討論區當然要有讚有彈, 傾向任何一邊也不健康。樓主也只是表達意見, 正所謂甲之熊掌、乙之砒霜, 各有所好, ...
見到其實民生老師都好辛苦,
收表日, 開18~20個COUNTERS,
好似歡樂滿東華打橫一直線接待家長的申請.
另外, 面試當日, 老師都一臉疲態並說: "現在都很晏了! 真不好意思"
安排上, 我們家長說暴曬可憐, 其實老師也為此著疲於奔命....
管理層要這樣做, 是什麼原因, 大家都不用深究吧?!
其實, 只係收表, 交出世紙副本, 30蚊交入數紙/交票,
就可以省卻大量人手及時間.
參考同日轉角街口宣道, 我泊好車只用20秒就完成交表過程.
規則是人定的, 總有好壞, 小朋友未識得分辨, 要他們守規則是必要的.
但是, 有家長向學校提出更好的處事方法建議, 我又看不到有問題啊.
又不是叫大家不去守學校的規則, 這跟自己是否在傳統學校出身,
真的看不到有什麼關係, 加上這是討論區, 各有各意見都很正常呢~~
作者: hastalavista 時間: 12-11-19 11:09
vinik 發表於 12-11-19 10:54
我地上星期六去面試, 我老婆帶阿女入去面試, 當日有好多童軍當值, 佢覺得o的學生幾有禮貌同親切喎~ 佢仲同 ...
我拎D 文件手腳慢, 佢都叫我唔駛急.....
作者: irenelam100 時間: 12-11-19 11:32 標題: 回覆：yslgirl 的帖子
我好同意！唔通表達下不滿都話唔得？對於要返工的父母黎講，親身拎表/交表都係要刻意請假。講出來都係希望學校可以體諒下，方便下！
作者: amywon 時間: 12-11-19 12:53 標題: 引用：我好同意！唔通表達下不滿都話唔得？對於要
原帖由 irenelam100 於 12-11-19 發表
作者: j947 時間: 12-11-19 13:06 標題: 引用：Quote:原帖由+irenelam100+於+12-11-19+發
原帖由 amywon 於 12-11-19 發表
請問交表有無限制一定要家長交表？
作者: 猴子爸 時間: 12-11-19 13:13
多人申请的学校如根德园，寄信去拿申请表，面试当日连其他东西一起交，根本就不需要多走两趟，排队面试时间又准确，流程超顺畅，校舍整洁，老师非常nice, 最后即使不accept，我都要給个“赞”。
其他的学校，如果说要排队入表，我都明白，因要确保资料齐全，但若要排队拿表，我真的觉得很“低能”，若非必要，我也不会申请。
反映意见，是讨论区的精神，只要不人身攻击，虚报事实，又有什么不妥呢?
作者: oooasis 時間: 12-11-19 13:25
學校都係由人組成，當然會有好有唔好，所以我覺得批評學校都好正常，當然要睇批評的有無道理。
無理取鬧咩都彈就話怪獸姐，但烈日下要家長排成個鐘，又真係好難唔抱怨。
你可以話遊戲規則係咁，為左小朋友幾唔合理都要照做。
但係討論區講幾句總得掛？
作者: lovecupid 時間: 12-11-19 13:28
本帖最後由 lovecupid 於 12-11-19 13:30 編輯
開得條Thread就係俾個平台大家傾，議事論事
網上討論區，大家身份隱藏，對方係咩人，完全唔知，唔係犯法，就唔駛負責任
所以啱傾就回應，唔啱傾就唔好覆。
多人申请的学校如根德园，寄信去拿申请表，面试当日连其他东西一起交，根本就不需要多走两趟，排队面试时间又准确，流程超顺畅，校舍整洁，老师非常nice, 最后即使不accept，我都要給个“赞”。
呢啲學校咪抵多人去報囉。
教育係要習尊重，不過尊重同埋批判係可以並存呢。
如果等到收生結果之後先講，咪盞有人話唔收收你個仔，你先喺度鬧人。
作者: teambuilder 時間: 12-11-19 13:31
我最憎寄信, 我寧願親身去. 講完. :;pppp:
作者: amywon 時間: 12-11-19 13:36 標題: 引用：我最憎寄信,+我寧願親身去.+講完.+:;pppp:
原帖由 teambuilder 於 12-11-19 發表
作者: 猴子爸 時間: 12-11-19 14:31
teambuilder 發表於 12-11-19 13:31
我最憎寄信, 我寧願親身去. 講完.
好似银行柜员机，推出的时候，很多人觉得方便，但很多老人家都宁愿在银行排队提款存钱。
作者: vinik 時間: 12-11-19 14:32
所以咪話各有所好囉~~ 我就prefer寄信既, 雖然要填好多回郵信封, 但要親身去交表仲煩.
作者: Toffee888 時間: 12-11-19 14:33 標題: 引用：多人申请的学校如根德园，寄信去拿申请表，
原帖由 猴子爸 於 12-11-19 發表
作者: Cry_s_tal 時間: 12-11-19 17:08 標題: 回覆：批評一下幼稚園申請安排
我也認同樓主所言，學校應與時並進，我當曰都帶住囡囡去排隊，又曬又熱，難道這樣才反映我們好有誠意去讀？
作者: lovecupid 時間: 12-11-19 17:21
Cry_s_tal 發表於 12-11-19 17:08
我也認同樓主所言，學校應與時並進，我當曰都帶住囡囡去排隊，又曬又熱，難道這樣才反映我們好有誠意去讀？ ...
我覺得學校唔似睇誠意，應該睇緊小朋友的忍受力和忍耐力．．體格是否強健囉。
好可怕．．．．．學校係咪要暈低幾件，攪出人命先肯去改？
難怪學校是象牙塔
．．．
作者: fanmama 時間: 12-11-19 17:22
Diving 發表於 12-11-19 10:18
題外話,民生呢間學校,收你都唔好讀,我交表及考試的學校超過十間,遇到的老師及職員,最差係民生, 由大門至收 ...
以用家角度, 本人及很多民幼家長對學校均有極高評價, 老師有愛心, 有效地訓練小孩自理能力, 小朋友大都有教養，屋企都重視教育, 校舍設施更加無敵, 在bk平台不難找到其他用家正面意見.....
當然每人選擇不同, 可能以上優點對某些家長嚟講未必認同, 但本人絶不後悔兩年前讓小囡入讀民幼, 下年妹妹要考K1, 民幼絶對會係我地嘅首選.....
作者: dull 時間: 12-11-19 17:23
我完全明白點解要親自交表，試想想一間幼稚園有多少文職人員可以處理到大量申請?更何況是多人申請的學校。
另外，看似簡單的報名表及資料依然會有大量家長填漏、填錯及交漏資料，EVEN 阿女出生日期~
上網當然方便，但某部份家長真的未必懂，網上的安全性比起即場交收那樣較「實在」，自己比較吧!
希望少些批評及投訴的文化~
作者: 小曳人 時間: 12-11-19 17:25
本帖最後由 小曳人 於 12-11-19 18:14 編輯
家長們，如果有留意以往嘅討論，大家都知各校” 各有特色” 啦！以我同時處理小一同K1申請嚟睇，其實上面講嘅已經唔算差！應該係話：好普遍！
以小一為例，多數學校要求親身交表，以核對資料 (出世紙及成績表等) ，一係就叫你面試日帶去check，總之就要check！
坦白講，有d KG要求埋信封邊個角要寫application no./ 學生名之類，真係好考家長夠唔夠細心！而交表安排上，我覺得PC較” 擾民” ，要人1個鐘之內去交，但排隊都排咗大半個鐘，咁即係無計時啦？！九龍塘宣小都有類似安排：表格上定明交表日期am，8點至12點，家長大可早d去排隊交，唔駛請假嘛！
但講到底，佢要你點，你都要跟架啦！唔駛勞氣~
作者: sllau 時間: 12-11-19 17:38
本帖最後由 sllau 於 12-11-19 17:39 編輯
回復 Diving 的帖子
民生真係唔適合你小朋友啦,但係就好適合我囡囡咯, 我大女唔鍾意放假嫁, 因為放假無得見老師喎, 佢話每日返學同放學都要會同班主任擁抱先開心喎....
作者: lutang 時間: 12-11-19 17:45
我覺得咁睇：喺言論自由既社會，你想講咩批評咩都冇問題，但用詞唔好過激，或者有意無意間用相或暗示咗你講果間學校出嚟就唔係幾好，因為讀緊既家長就會有異議，甚至乎演變成罵戰！而且能夠喺度表達不滿既家長，係咪可以將意見反映俾學校知呢？既然你有好提意，又有時間上嚟八吓人地點回應既，倒不如花少少時間轉達俾學校知，等佢地可以改善唔係更好咩？豈碼令到下年既家長可以受惠嘛！難道果間學校唔係你杯茶就有種一於少理，覺得關我咩事呀，廢是教精佢既心態？咁同一ｄ市民淨係識喺度鬧政府，但又唔會企出嚟做ｄ野既人有咩分別呢？
至於報名手續我都好認同可以簡化ｄ，咁就可方便更多人，但唔可以排除有人屋企冇電腦啦，或者有人唔識用嘛！不過科技發達有時又會令人變得懶咗，樣樣都想上網搞掂，足不出戶就最好！有時我反而喜歡親力親為，我亦見唔少學校係郵寄交表或用箱放資料就算，到最後一樣有家長話點解寄咗都收唔到，點解明明放低咗資料又話冇，其實每種方法都係有好有唔好，都唔需要太在意！如果學校真係堅持唔理家長反映既意見，咁就唯有揀你認為合適既嚟讀囉，最怕係又要鬧又要受既家長啫！
作者: lovecupid 時間: 12-11-19 18:02
我完全明白點解要親自交表，試想想一間幼稚園有多少文職人員可以處理到大量申請?更何況是多人申請的學校。
即係一間幼稚園文員少，所以就安排親自交表？咁對少文員的學校有咩好處？
另外，看似簡單的報名表及資料依然會有大量家長填漏、填錯及交漏資料，EVEN 阿女出生日期~
好多學校都會在回郵信件都會叫家長加埋補交補填資料，面試當日再攪，有咩問題？
如果家長本人甩甩漏漏，粗心大意，會教過咩小朋友出嚟？咪又係甩甩漏漏囉，學校最怕人甩甩漏漏的家長，學校仲點會收？
上網當然方便，但某部份家長真的未必懂，網上的安全性比起即場交收那樣較「實在」，自己比較吧!
無人反對學校取消親身交表，只係可唔可以喺親身交表以外提供更快捷方便校方同家長的方法啫，我識電腦咪用電腦交，郵寄都可以。其他人唔識咪親手交囉，咁已經分流好多家長啦，至少排隊條龍唔駛咁長啦
「批評」及「投訴」都要睇講出來的事有冇Point 同合情合理。唔駛咁「河蟹」同「維穩」掛？發聲平台啫。如果我係唔啱，係冇Point，早就比幾十人一面倒剷死啦。點會討論到有人「贊成」有人「反對」呀？即係事件本身好有爭議性同值得討論的地方啦，係咪呀？咁就唔係「批評及投訴的文化」啦！而係「議事論事」啦。何必咁燥呢？
我講咗幾次「啱傾就傾多句」。又唔係要強逼某一方「講服」和「屈從」對方。咁先叫言論自由和開放囉。
作者: lovecupid 時間: 12-11-19 18:05
本帖最後由 lovecupid 於 12-11-19 18:06 編輯
小曳人 發表於 12-11-19 17:25
家長們，如果有留意以往嘅討論，大家都知各校” 各有特色” 啦！以我同時處理小一同K1申請嚟睇，其實上面講 ...
一直都無人話「民幼」唔好，老師有愛心我都親眼見過，仲日日見添。只係講緊交表安排唔好啫。
作者: sylviawang 時間: 12-11-19 18:46 標題: 回覆：lovecupid 的帖子
同意Lovecupid提出意見，有批判才有進步。現今科技咁發達，明知自己係龍校，其實也應該想些便民的方法，方便校方職員方便家長。
作者: alowe 時間: 12-11-19 21:48
一間效率高而又以人為本, 以客為主的學校, 一定會予人方便, 盡量減少為申請人帶來煩惱或不便. 但仍有學校不顧申請人的利益, 要折磨人, 主要原因有兩個. 一是做勢, 多人排隊自然做出多人爭的現象, 好多地產商都會用這條橋. 二是學校無能, 想不到更好的方法去處理問題. 如果尚有其他原因, 歡迎提出.
作者: TT1117 時間: 12-11-19 22:29
介紹間好嘢比大家，唔駛排隊攞表同交表，又冇限期交表，新假婆國際啦，最緊要記住交3千報名費就得，十分方便。
作者: sweetsugarapple 時間: 12-11-19 23:03 標題: 回覆：批評一下幼稚園申請安排
大家講得對，唔鍾意咪唔好報,但唔等如我唔可以批評。等如我去食野，間餐廳d野唔好食，我以後唔會再去，但唔等如我同其他人講佢d野唔好食係錯。
有人話教育係教人要守規則，你玩得呢個遊戲就要守遊戲規則，我認同。但係教育都同時教人包容，有批判性思考，不平則鳴。有討論先有進步。現今科技發達，我實在想不到為何學校唔比多個option家長，得閒既咪親自拎，唔得既可以download。但交表就真係要check有無填漏填錯既，有時好難唔親身交。 (不喜勿插)
作者: noplanner 時間: 13-11-11 16:21
回復 lovecupid 的帖子
唔介意借個位用下嗎？
今年有一間只接受網上申請的幼稚園，起初都同你嘅諗法一樣，叫考生家長將所須文件放進信封，封妥和寫上考生姓名及編號後，交回門口收集箱。後來整下整下，改為揾啲義工當值收信封。
初始反應是一個箱做倒嘅事，點解要人做。但想深一層，看來考生家長的行為／期望、和學校的反應往往是互為相關的（家校的互動有時候係幾微妙架，我估）。只能說堂堂一間學校，是否應具備權衡輕重、顧全大局的智慧，不為一些可能發生在個別或極小部分家長的狀況，而要一眾家長舊生義工和考生家長親友傭人奔波？於這個，四眼爸和網友在小一選校都有所討論。
作者: novelle 時間: 13-11-11 17:10
sweetsugarapple 發表於 12-11-19 23:03
大家講得對，唔鍾意咪唔好報,但唔等如我唔可以批評。等如我去食野，間餐廳d野唔好食，我以後唔會再去，但唔 ...
作者: rgalc 時間: 13-11-11 17:23
提示: 作者被禁止或刪除 內容自動屏蔽
作者: xoshan1025 時間: 13-11-11 18:03 標題: 引用：我申請5間，只有一間要排隊取表，交表的，
原帖由 ahmaymay 於 12-11-17 發表
我申請5間，只有一間要排隊取表，交表的，但我覺得ok喎，可能佢地安排得好啦。起來唔洗下下要你3-4個回郵信 ...
作者: castle100 時間: 13-11-11 18:24
回復 NICOLE123 的帖子
當然...你冇0晨排過隊之嘛...排完對到IN果日有病但又冇得改期IN喎.你話興唔興吖..
作者: btrue 時間: 13-11-11 18:38
條龍幾長都有家長排,學校有咩動力改進呢!
贊成樓主指出可進步的地方, 唔同意尊師重道就不能反映不滿, 不過樓主用字又真係有點過激
. 學校要處理咁多份報名的確費時, 當場收表省卻acknowledge letter, 如漏文件當面講都比較清楚, 學校都有難處, 但一定有可改善空間.
作者: castle100 時間: 13-11-11 18:41
回復 lovecupid 的帖子
咪系..我10月份排2間2間都係0晨1點去排隊但一間後備一間唔收.呢d老古懂學校病又冇得改期in....想做勢都唔系咁食古不化啦...好採德X收咗我小朋友..呢間好有愛心寄埋信來話如果病可以改期in又唔使排隊...人地都90年啦都能夠與時並進.要人排隊拿入學申請表果d學下嘢啦.
作者: karilau 時間: 13-11-11 18:46 標題: 回覆：批評一下幼稚園申請安排
我有朋友排完通頂仲要話學校好體貼,老實講明白學校有學校處理方法但排通頂嘅學校都叫體貼真係唔識理解
荃灣有間出名學校都唔使排隊交表攞表只要齊晒資料入落公文袋放落箱到就走得,大約2星期到就寄信通知面試時間,個人覺得呢fd就好
作者: DCMaMe 時間: 13-11-11 18:48
大家都不用太勞氣，其實每間幼稚園都有自己的做法，親身交表的亦真不小，如崇真，禮賢，民生，陪正，以及CCKG等。你可以話科技發達，足不出户能知天下事的年代，為何還要這麼勞動。但我相信每所學校都會有不同的考慮或因素去處理不同的事，如幼稚園交表。
我們作為家長，當然著力和著緊家庭（如小孩）及自身所面對的問題，學校要考慮的，有些可能是我們未必會留意到。要是為孩兒著想，作為家長的我們，就是幫他們去尋找一所好的幼稚園，讓他們有好的學習環境中成長。
交表其實只是很小的事，家長們倒不如用心去看看每所幼稚園的理念，小朋友學習的方向吧！
作者: Potato001 時間: 13-11-11 18:49 標題: 回覆：lovecupid 的帖子
同意樓主的想法，所以我只報了一間要親身交表的幼稚園（分三日收表，五分鐘完成），其他的全部郵寄，即使屋企附近有間私校，瞓一晚就差唔多一定收都冇報。多數邨校幼稚園都係網上下載表格，之後親身或郵寄交表。最憎啲學校懶為家長著想，怕郵寄會寄失所以要親身交表，咁怕寄失，俾多幾蚊掛號咪得囉。
| 歡迎光臨 教育王國 (/) |
Powered by Discuz! X1.5 |