教育王國

標題: 升讀官津小學同讀邊間幼稚園完全無關 [打印本頁]

作者: miriam 時間: 20-1-6 12:29 標題: 升讀官津小學同讀邊間幼稚園完全無關

大家唔好再誤會！

最近睇帖發現好多家長誤以為入讀官津小學係同幼稚園有關，除非考直資或私立小學，否則讀邊間都係一樣。

小一派位首輪係以計分黎收生，會計晒係咪首名子女、適齡學童、父母或兄姊係咪舊生、相同宗教，或父母係該校教職員等等。如兄姊係現就讀生就會係學校 "必收生"，之後既學額係以高分一路排落去，越高分收先，相同分數有機會要抽籤。

去到統一派位 (即大抽獎) 階段，叫得大抽獎真係要講運，有運既隨機號碼靚咪抽中首志願，唔靚咪既就唔知會派到第幾志願。

大家唔好就咁睇學校貼出黎張入到邊間小學人數既表就話派位好，其實入到好既官津小學，可以話係首輪時夠分入到，或者係好彩大抽獎中頭獎丫！

作者: chukaichun 時間: 20-4-19 19:51 標題: 回覆樓主:

首論相同分數要抽籤，但係米真係公平抽籤冇人知。