發展遲緩B媽媽(part 1)

kikiboy

原文章由 weiwai 於 08-1-9 15:27 發表
hello

如果只是語言緩慢，我覺得唔需要太擔心啊
我聽聞有一個case，佢b5歲先講野，其他沒問題e.g智力。仲入左喇沙tim。所以唔使太擔心

我就覺得不能一概而論, 小朋友各方面的發展係相輔相成嘅, 言語遲緩有可能影響佢其他方面嘅學習能力, 比如有D事情小朋友本來係識得做嘅, 但如果佢言語理解較差, 佢根本唔明你的指示唔知你叫佢做乜, 可能無法完成, 因此又可能引申至認知能力較差了.
其實你B得15個月真係仲好細喎, 唔好太擔心啦, 俾D心機教啦, 加油 !

kikiboy

原文章由 weiwai 於 08-1-16 18:10 發表
其實我而家係米應該去協康排隊呢？[如果你真係咁憂慮, 而經濟許可的話, 不妨去排, 免得將來後悔]經濟就係唔好啦！

你可以先去私家或協康做一至兩堂評估, 結果出咗再決定排唔排隊.

呢問庭恩兒童中心有經濟困難的家庭可以申請豁免收費。
http://www.benjiscentre.org.hk/index.html

[ 本文章最後由 kikiboy 於 08-1-16 21:47 編輯 ]

kikiboy

原文章由 weiwai 於 08-1-11 11:33 發表
知唔知咩价$$呀？

單對單訓練:
協康言語治療$600/50-60分鐘, 幼兒訓練好似係$400.
明愛, 保良局, 基督教服務處, 靈實, 痙攣協會價錢平少少.

kikiboy

原文章由 weiwai 於 08-1-16 14:54 發表
呢d係一般常規學校播，見唔到有講係i位，係米我唔識搵

呢D學校有I位(即兼收位)嘅, 入去睇吓啦:
http://www.swd.gov.hk/doc/rehab/Address%20List%20of%20IP_092007.doc
I 位一定要醫務社工轉介輪後的, 見咗E生做咗評估之後如有需要社工會幫你安排, 你可以先睇呢D list 了解吓.
通常 I 位係全日制幼兒學校, 學費同其他小朋友一樣, 大約$2500/月, K1可以申請學劵, N1無學劵可以申請學費減免(sorry, 題外話講多咗).

[ 本文章最後由 kikiboy 於 08-1-17 09:39 編輯 ]

kikiboy

原文章由 weiwai 於 08-1-16 18:12 發表
有冇人可以教我，點幫助呀b手指指呀

~~~你可以一邊教佢發音一邊指住果樣o野介紹俾佢知, 比如你可以捉住佢只食指指住佢個鼻講 “鼻鼻”, 去到公園指住D花講 “花花”, 你自己又可以示範俾佢睇
~~~有一種顏色筆叫水溶性顏色筆(文具鋪有得賣), 你可買返來試吓, 先係紙上畫D o野, 開始以簡單為主如橫直線, 或者可以係簡單的圖案如心形, 太陽等, 然後教佢用食指點 D水再畫返之前畫嘅o野, 顏色會化開幾得意, 小朋友好奇應該都肯做嘅, 咁樣可訓練佢利用食指來指
(如有錯或補充請其他媽咪指教)

kikiboy

原文章由 weiwai 於 08-1-25 02:28 發表
多謝你的資料
請問點可以申請學費減免？去邊到拎申請表？
要咩條件呀？
唔該晒

首先N1如果想申請學費減免, 就必須是就讀全日制的學校 (換言之如果讀半日的N1就不能申請減免), 搵學校時你可順便問埋呢個問題, 至於申請表格學校有得批俾家長的, 你可主動問學校索取 (以免學校以為你不需要), 亦可上網Download, 你可上網睇吓07/08年度的詳情, 申請條件及減免幅度等等, 用公式計吓自己可以減幾多, 但這是07/08年度的, 08/09年度現在應該未有, 通常8, 9月份就會有新的詳情公布, 留意吓啦.

http://www.sfaa.gov.hk/tc/schemes/kinder.htm

kikiboy

原文章由 weiwai 於 08-1-25 13:11 發表
kikiboy

知道你小朋友上緊i位，你覺得進度如何呀？
你有冇在其他地方e.g協康，做training ar？
你係米在職媽媽呀？ops:" />ops:" /> ops:" />ops:" />

我係全職媽媽，唔知揀i位定早期訓練！


...

------ 仔仔入讀 I 位已半年, 講嘢叻咗, 但係仲未追到同齡小朋友, 而且我覺得佢社交同專注稍弱, 我哋仲努力緊.

------ 有呀, 係協康上咗一年言語治療咯, 好貴而且想佢訓練社交能力, 想轉小組形式的, 但未有頭緒.

------ 係呀我係在職媽咪, 我嗰時係 I 位早期兩條龍一齊輪候的, 07年開始改了制度.


------ 早期訓練首先家長要確保長期都抽到時間每周(隔周)帶小朋友去上課, 平時的Training由家長在家進行了, 這樣家長可以跟得比較貼D. 而 I 位入面有兼收老師負責每日的訓練, 當然每日返到屋企仲有家居訓練功課要家長陪小朋友一起訓練的, 隔周治療師到訪, 學校歡迎家長出席, 了解訓練情況及學習訓練方法, 如果有時真的抽唔到時間, 兼收老師亦會跟進並知會家長, 作為在職媽媽的我就覺比較靈活D, 而且有時老師講一句好過家長講一百句, 我就覺得 I 位勝在多了學校訓練嗰part.  但我始終覺得 I 位個姑娘比起協康跟我仔仔嗰個姑娘稍為遜色, 或者正如有的媽咪所講要"夾得來". 但早期有個好處, 有的家長揀的心儀學校未必有 I 位, 咁如果讀早期就可一舉兩得了.


p.s.我仔仔未讀過早期, 恐怕有的細節了解不多, 希望有經驗的媽咪也給weiwai一點意見.

[ 本文章最後由 kikiboy 於 08-1-27 18:16 編輯 ]

kikiboy

原文章由 elfho 於 08-3-17 12:14 發表


老實講, 如果能力可以的話, 死慳死抵也應盡量俾個仔去私家服務或NGO好, 政府d服務始終比較死版和守舊, 好多時一d比較新及有較的療法要好遲至引入到政府. 私家服係貴, 但導師服務態度好, 訓練見效快好多.

elfho,
本來見個仔進步左好多都有打算唔再去協康上青蔥計劃喇, 聽你咁講, 我都係繼續死慳死抵好喇.

kikiboy

原文章由 weiwai 於 08-3-17 16:53 發表
kikiboy

請問你仔而家做緊d咩訓練/治療呀？
好似你仔讀緊i位，+自費幼兒訓練，仲有冇呀？
你仔做左訓練幾耐見進步呢
thanks

weiwai,
係呀, 我仔仔讀緊I位, 另外係協康上青蔥計劃的言語治療(兩星期一堂), 幼兒訓練都有上過, 未排到I位之前係靈實(將軍奧)上左大半年, 果段時間最多訓練, 但佢又真係吸收到喎, 而我要返工都係放工之後先有時間train佢, 直到而家都係咁D時間俾晒個仔, 上年9月開始讀I位就停左幼兒訓練, 但言語治療就一直keep住到而家. 講到幾耐開始有進步, 就算只係上左一堂你都會睇到佢有進步, 或多或少.
你無做自費訓練唔緊要, 你可申請協康會員(或其他機構方便你自己), 兒童健樂會(免年費)及同心家長會($70一年), 咁你就可借佢哋嘅圖書玩具返屋企自己試吓做家居訓練, 我覺得D玩具真係幾好, 有D仲有埋說明書添.

kikiboy

原帖由 kennistong 於 08-11-6 10:46 發表
Weiwai

我想問下, 你個女返I 位的情況如何??

昨天社工打電話給我, 就有I 位, 不過, 最近我安排左樂 x  的訓練給他, 星期一至五的, 與教室的姑娘講起我已經排了I 位及e 位, 她叫我不好排I 位, 因為I 位的training  ...

如果有時間的話我會揀 E 位, 你一至五都可以帶上堂, 應該可以帶到去 E 位訓練吧?

kikiboy

原帖由 Nov 於 08-11-7 11:59 發表
醫生已斷定姪仔已停止發展, 目前小六, 整體發展只有7歲, 當然佢身體仍然會長大發育, 不過再有進展的機會近乎0, 講明父母要有心理準備去面對將來.

Hi Nov,

你哋同佢父母都唔好放棄, 繼續比治療同埋訓練個小朋友做, 相信對佢發展總會有幫助的, 醫生也會有斷錯症的, 劉海若在英國已被斷定為腦幹細胞死亡, 但現在她不是活過來了嗎? 雖然好多人不可以同佢相提並論, 但佢個case告訴我們世事好難預料, 明白到佢父母真係會好難受, 但都希望佢哋放鬆一點面對.

p.s. 我真係唔知有這類case, 介唔介意講吓小朋友一直以來係點o架? 佢一路發展係點o架? 細個時已發現問題還是到而家才知道呀? (唔好意思咁多問題)

kikiboy

其實每日30分鐘真係少左d

---這30分鐘係指 I 位老師同小朋友做訓練的時間, 如果真係每日有30分鐘咁就偷笑咯!

kikiboy

原帖由 kennistong 於 08-11-26 16:46 發表
kikiboy

這30分鐘係指 I 位老師同小朋友做訓練的時間, 如果真係每日有30分鐘咁就偷笑咯!--> 何出此言??  我問左學校, 佢地話一定係每一個小朋友每日有30分鐘的.

可唔可以講多D detail?? ...

其實我係講我自已果間咋, 不過相信唔係得我呢一間係咁.

http://forum.edu-kingdom.com/viewthread.php?tid=1681439&page=1#pid26384757

我仔讀間學校, 比返來的訓練 report睇到每日training內容不多, 我認為係唔需要30分鐘完成, 有時內容同普遍上課內容冇乜唔同. K1時學校就跟得比較好, 唔知係咪見我個仔進步左, 而我自己又比較緊張, 每月2次st我都會請假去, 又自己o係出面做個别, 小組, 所以佢哋就放鬆咗, 而且指以晒你哋家長自己, 當然仔係我自己的, 我一定會盡力去教, 我唔會指以晒學校的.
個人意見, 如果自己可以帶仔女上堂的話我會揀E位, 唔好揀12個I位果D學校.

kikiboy

weiwai,

我幫你post條link出來click入去就睇到.
乜你有兩個小朋友o架? 我糊塗晒啦, 果個樓主係咪呢個樓主?

http://forum.edu-kingdom.com/viewthread.php?tid=1689557&extra=page%3D1&page=1

原帖由 weiwai 於 08-12-8 14:32 發表
真係過份
d人分明係撩交鬧
http://forum.edu-kingdom.com/viewthread.php?tid=1689557&extra=page%3D1&page=1

[ 本帖最後由 kikiboy 於 08-12-8 16:00 編輯 ]

kikiboy

原帖由 valmom 於 08-12-10 22:59 發表
kennistong,
因為阿女上左好多協康會唔同既playgroups, 所以有好多講座都會寄D資料黎, 而且我間中都上去個websites睇下有咩岩家長聽既, 咁先知有呢個talk.

遲D 1月10號會有個關於口肌既講座, 我又報左喇, 你都上去 ...

http://www.heephong.org/chi/training/parent_training_list.php

kikiboy

原帖由 may123 於 09-1-18 15:43 發表


唔睇都唔知可以申請津貼,我小朋友都係言語發展遲緩,三歲幾都係講到簡單的一兩個字.而家我巳排到i位,個case係咪巳經closed左.咁我而家應向那部門申請 ...

我個仔都係言語遲緩讀緊 I 位, 我都唔知有得申請津貼, 而加 K2仲有冇得申請呀, 點解個社工冇講嘅?

kikiboy

原帖由 icookies1 於 09-2-13 10:24 發表
你地好呀, bb而家16個月, 啱啱响評估中心做完評估, 話佢大小肌只有7-8個月, 認知得5-6個月, 要讀特殊幼兒中心, 之前都有心理準備架喇, 不過無唸過要讀s位咁嚴重, 可能係咁既關係, 佢好快就可以排到政府做物理治療,  ...

16個月仲咁細就知要讀S位呀? 其實S位冇乜唔見光啫, 只要比到BB最好嘅training無需要理會其他人的眼光, 唔好"車"望別人會改變眼光, 因為其他人小朋友唔係讀S位, 佢哋未必會明白. 我覺得你老公o係度逃避緊問題, 而且有D諱疾忌醫, 你試吓比你老公了解多D特殊教育方面嘅資訊, 等仲知多D, 其實我覺得兩公婆意向一致係好重要嘅.