士啤酥之(好擔心...醫生話BB發展遲緩~~)大個仔喇

承承媽媽

承少最近又有最新力作......

我最近開始會攬住承少同佢講:承承,我愛你呀~(肉麻呢~~)
跟住我會教佢講:媽媽,我愛你~~(嘔唔嘔呀~~)

呢幾日我都一日同佢講兩三次......
今日放學,幫佢掛緊校褸時,佢忽然走埋我身邊攬住我對腳,同我講:媽媽,我愛你呀~~~
     嘩~~當下心都甜埋,即刻攬番佢同佢講:我都好愛你呀~~~!   

承承媽媽

各位,

尋日承少學校華服日表演,一切都幾順利,睇見佢都有份表演,坐定嚮地下又無同圍走我已經好滿意,不過下午我返去學校預備上st時,校長同我講咗d插曲,都幾好笑......
話說承少o個班今次表演舞獅,本來老師想佢舞獅頭,不過佢舞過一次之後唔肯舞,咁啱又有同學想換崗位,於是佢就換咗去做打鼓.
到正式表演時,承少對住個鼓卻唔打,後面有人叫佢打鼓佢都唔打,之後佢講咗句:我要打呢個(指住隔離同學面前個鼓),呢個我o架!原來佢認住個鼓,唔係佢打開o個個就唔打,要嬸嬸換番俾佢,佢至肯打.同埋有時見佢停晒手唔打鼓,叫佢打佢又話:唔打住,原來係有人唱歌時唔打,只得音樂時才打,佢又居然做到喎......    (呢d當時我唔知,因為俾其他人遮住咗佢個位,我睇佢唔到,後來校長話我知我才知道,同埋下午佢地表演一次俾園內的同學睇時,我地特登試佢,佢又真係要揀番指定o個隻鼓至打) :  :  :
另外今日見到佢一件好趣致o既事:今日佢返學食完早餐之後,就除了鞋坐在地墊上聽老師講o野,老師講講吓佢忽然走去地墊邊拎地對鞋問:係邊個o架?原來有個低班小朋友的鞋和他那對是一模一樣的,那位小朋友拎番對鞋後,承少走去拎起自己對鞋,專登放遠d,但沒有相同鞋款放置的地方.我看見後告訴承少的班主任,原來承少試過俾別人著錯了他的鞋,但他認得自己的鞋(因為我有寫名),所以別人著了他的,他卻死也不肯穿別人的鞋,最後要由老師幫他找回他的鞋,他才肯穿.亦可能因為有過這個經驗,所以他會將自己對鞋和別人相似的鞋分開.

承承媽媽

st,

好開心聽到你話晴晴適應新環境同生活,希望你快d整番部腦,得閒上嚟傾吓!

*ps-記得裝眼仔

承承媽媽

天,

我都好黑仔,已經連續四日對住承少,日日對住佢24hrs,真係開始人都癲.......     

各位,

呢兩日開始見番伯伯,高唔高興呀?有無出街玩呢?

承少呢3日都幾好節目呀~~!     
禮拜四---我同承少同埋同學仔去咗何文田體育館個遊戲室,玩咗2個鐘,d細路不知幾興奮.
禮拜五---老公放假,同我一齊帶仔去睇骨科(睇承少對腳),之後見出晒太陽,於是即刻同承少食飯,之後返屋企拎泳衣去何文田個泳池玩水,今次承少無再呱呱叫啦!不過佢最初都好怕條滑梯,俾我捉住佢一齊溜咗幾次,佢至好d,不過都唔係咁夠膽玩.就係咁玩吓玩吓,就玩咗2個幾鐘喇~~!跟手返嫲嫲屋企食飯......
禮拜六---承少一早起身見到伯伯,就同我講:可以去海洋公園搭吊車喇~~!    見佢咁興奮,於是我都唔好意思推佢,自己一條友帶佢去海洋公園搭吊車,睇水母,坐吓滑浪飛船,12點幾走人.(怕下午太曬,曬到我出雀班就唔好喇~~!)   

承承媽媽

天,

我呃文章數呀嗎......

同埋去呢樹o既人又唔一定入o個樹,入o個樹o既又未必入呢樹........你知啦~~我都幾邊茶禮o架~~     

承承媽媽

Abby,

不論你選的是哪條路,最緊要是你和瑤爸都努力不懈的幫助瑤瑤,至於哪條路最好,亦不是我們可以預計的.......,我們作父母的,只不過是儘我們的所能去幫他/她們罷了.

承承媽媽

st,

我3月10日同11日會上廣州開會,唔知有無可能搵到你呢~~~   

承承媽媽

各位,

我都好少上嚟,依家就嚟學期尾,上嚟同大家分享吓~~

abby,
恭喜晒你同阿女,見你o既付出有回報,都'鄧'你開心.而你獲得呢個勤學獎都可以話實至名歸.

承少呢一年都進步了不少,第一係佢越來越識曳,仲係識得吼你o既反應嚟曳,雖然呢一年內跟開佢o個兩個st同 i 位老師都無再跟佢(兩個st都離開原先服務的機構,而 i 位老師就升職,調去另一間學校),但係佢都跟得上普通小朋友的進度,而且俾老師話佢:學o野學得好快,只係常規差d,因為佢一學識老師教o既o野,轉頭就去攪住d未學識o既同學仔.另外我依家好努力咁train佢執筆,因為佢d手指最前o個一節唔係太識屈曲用力,所以要train佢手心拎珠仔.不過我覺得班主任對承少都有很大影響力,因為他今年的班主任其中一個是學校的主任,所以對承少的要求都很高和很仔細,但我覺得對他亦十分有好處,一年來看見他進步了不少,甚至有些在校內的怪癖行為也有改善了的.
精神科醫生話佢都幾好呀~!問我使唔使再見佢少d,我答醫生:吓!!佢依家都好似係半年至見你一次咋喎!
另外承少o既 knock knee,由於醫生之前轉介咗佢去骨科,骨科都係話一年見佢一次,不過骨科又轉介佢去義肢矯形做鞋墊,依家佢對膝蓋已經比以前有改善,希望大d又可以再好d.同埋上次幫承少做鞋墊個哥哥問我醫生有無轉介承少去做pt, 希望可以加強佢大腳的肌力,我話醫生無轉介,他就說如果骨科覆診時醫生唔寫,他的部門都可以轉介承少去上番10堂o既,睇吓下個月去覆診時哥哥仔係唔係真係幫承少轉介先......