朋友的囡囡有"大腦麻痺症"，有無其他小朋友一樣？

BELLFOK0318

超級魚,

我呢兩晚都有開冷氣訓呀~~ 因為我房只係間唔中先會吹d生風入房~~ 3個人迫埋一張床會好熱 , 因為房得一把 fan ....

唉~~ 都唔知點解亞女成日會好易起痰 + 發燒 ..... 今日比左猴早散去食 .... 又好似好d .... 仲可以自己咳到嘔左d痰出黎添.....

你就好啦~~~ 可以放3日假~~ 我身為全職家庭主婦係無假放的~

bell~~

BELLFOK0318

超級魚 &  Fan Fan,

今晚我老公同我帶埋亞女落左去淘大果間目黑食日本野~~ 仲撞到亞女果間中心(夜間)姑娘 , 仲同佢傾左一陣 , 話我亞女係中心住宿時 , 非常古惑 ....

不過今日過得都開心 ....

BELL~

BELLFOK0318

超級魚 &  Fan Fan,

今晚我老公同我帶亞女落左淘大去目黑食日本野~~

撞到亞女中心姑娘 (住宿) ..... 話亞女夜晚係中心好古惑 ...

知道有人係到就扮喊扭人抱佢 .... 無人就唔喊 .....

係唔係激死人......

BELL~~~

BELLFOK0318

超級魚 & fan fan,

你成功咁整佐個菠蘿味的chesse cake, 甘鬼叻 , 可惜我唔多識又無乜興趣 , 又加上我老公唔食甜野~~ 無推動力~~~

朗朗同bb又發高燒呀~~ 可能e+天氣轉左會比較容易病d, 亞女尋日返左中心一日之後 , 都有d鼻水 , 今早仲有d咳 , 咳起有d痰聲 , 比左粒猴早散佢又好似好d .....有時小朋友好奇怪 , 早上發燒幫佢洗白白之後 , 再比退燒藥 +飲多D水, 隔2個鐘之後又無燒 , 唉~~ 呢d事真係要隨機應變 , 但係朗朗嘔佐d啡色物體, 你們懷疑係血?? 點解唔留住一d嘔吐物跟住同佢入聯合,睇下發生乜野事~~

超級魚 .... 唸住轉乜工呀~~

fan fan .... 我們每個月的模式係覆診 .... 物理資料 .... 每樣野都係反反覆覆,1去做~~

開始秋涼 , 加穿衣服~~

BELL~

BELLFOK0318

超級魚 ,

其實囉假帶佢地去覆診都係一個問題 , 因為佢地有時一個月都會有2-3個專科要覆 , 一係就2-3個月就唔駛覆 ...... 甘都岩搵一份工可以流動請假會方便d ......

朗朗 11 月會入院做手術 , 希望佢呢段期間無乜野啦~~~

我亞女上星期五放學返黎有d燒 ....到星期六晚仲燒到有39.1度 , 比左退燒藥 + 飲大量水 + 洗白白 , 燒左一晚 , 到星期日早上至今日為止就無燒~~ 都唔知亞女點解又無端端會發燒~~~

今日返左學都ok啦~~

天氣日日轉 , 攪到亞女好難適應~~

bell~

BELLFOK0318

超級魚,

唔好係到曬命 , 我之前有叫過我老公陪我落佐去樓下跑步 , `佢話令願係屋企打機喎 .....


今早一起身發覺自己 "訓黎頸" 好痛 , 仲要陪亞女返學上堂 ....

唉~~~ 一個字黎形容 --- 慘 .....

bell~~

BELLFOK0318

超級魚,

朗朗下星期d覆診期甘鬼密 .... 大人辛苦 , 小朋友又辛苦~~~

亞女星期四係中心發現佢有d燒 , 當日都湊左佢返屋企 , 今日仲帶佢去左睇醫生 , 今日比醫生話佢又係氣官炎 , 多痰又咳 , 咳到要嘔 , 嘔左d奶 連 痰 , 好臭 ...... 不過佢都好辛苦~~

bell~~

BELLFOK0318

超級魚 &  fan-fan ,

亞囡真係大個左好多 ，好難抱佢 , 　好靚女??? 唔係掛 ....

ok甘啦~~  

亞女今次睇醫生係另一個醫生 , 我甘上下就會轉 , 怕亞女食慣左果d藥

無用~~

我e+呢幾日都有煲果皮水比亞女飲 , 一來去風 , 二來化痰 ....

bell~

BELLFOK0318

超級魚 ,


甘老師話朗朗個樣大個佐而且肥佐 , 甘都證明朗朗係你領導之下食多左野囉~~

朗朗聽你講英文會比反應你咪她囉~~ 我亞女只係間唔中會 .... 佢最多就係喊囉~~ 氣死人喇~~~

BELLFOK0318

超級魚 ,

亞妹呷朗朗醋呀... 點解媽咪錫朗朗多d , 就真~~:tongue:

bell~

BELLFOK0318

超級魚 ,

亞妹呷朗朗醋 ,  點解媽咪錫朗朗多d..

bell~

BELLFOK0318

超級魚 & fan  fan ,

小朋友永遠都會快大 , 唔經唔覺又會長高 等等~~

佢地長大, 代表我們開始越黎越老 ....

佢地想出街就帶佢地行街街 , 幾好呀~~

朗朗妹妹要面試奶稚園 , 希望成功啦~~

BELL~

BELLFOK0318

fan fan,

我亞女d咳同痰會隨 住天氣一齊轉的~~

呢兩日天氣涼左 , 鼻塞塞 (唔知係唔係鼻敏感 or 冷親留鼻水) , 又有咳 + 痰 , 成日都未清哂~~~ 不過比之前好dd~~

睇多幾日 , 無發燒就唔睇醫生~~ 不過多左好多咳+痰就會睇~~

bell~

BELLFOK0318

FAN FAN ,

你可以試下比D果皮水亞B飲 , 一來化痰二來去風 , 果皮係正氣既野 , 比佢當水飲 , 比兩片果皮用水浸軟身 , 之後搵刀仔刮走D囊 , 用4碗水煲 , 煲滾之後 , 收細火煲一個鐘 , 煲埋一碗到就OK .....

另外 , 可以去余仁生買猴早散  OR 猴早未比亞B連續食幾日 , 最緊要空肚食 , 有時會即時嘔番D痰出黎之後 , 先比奶佢食 , 就唔會甘快又嘔奶 + 痰 ......

我比我亞女連續食左幾日余仁生買猴早散  OR 猴早未 再加果皮水,真係少左好多 , 其實亞B識得咳D痰出黎係好事 , 如果佢咳唔出D痰好易入氣管變氣管炎 , 再嚴重就會變肺炎 ......

fan fan , 有時我都會唸返亞女剛剛出世時 , 真係好難湊 , 不過湊湊下 , 當佢大左之後 就會覺得佢理解能力好左~~ 有時會明你講野時會比反應你時 , 會好開心~~~ 可能呢d就叫默契....

如果你有時唸d野唔開心時 , 可以搵我們傾下 .....

bell~

BELLFOK0318

超級魚,

可能你兩個寶貝唔捨得你返工 , 要你留下陪佢玩 ......

不過有時生活迫人 , 唔通唔駛搵食咩~~~ :tongue:

有時我都覺得自己亞女係一個比較難湊 , 但當佢有時古古惑惑搵人陪佢玩時 , 佢又會有好多唔同表情 .... 真係有時會被佢氣死....

亞女明日一早8:00 入聯合醫院 做 24小時 PH TEST , 又要同亞女係醫院渡假一晚 , 唸起都覺得辛苦~~~ 希望一時過 PASS~~

BELL~~

BELLFOK0318

亞女星期六開始唔舒服~~ 到尋日為止睇左兩次醫生~~~ 醫生話佢鼻敏感+氣管炎 ..... 要打5日抗生素 .....佢睇左我差唔多$2xxx醫生費 ..... 自己老公又感冒 ..... 又要睇醫生~~~ 辛苦惡我喇~~

bell~

BELLFOK0318

超級魚,

恭喜你亞女得左~~~

無辦法啦~~ 亞女由氣管炎--->肺炎 , 又唔想入院 , 因為問亞女想唔想入醫院 , 佢話唔好 (喊), 再問佢係屋企睇私家醫生好唔好 , 佢就 (呀大個咀無喊) .... 無辦法~~

唯有自己密d幫佢拍痰

bell~

BELLFOK0318

超級魚,

咁就好喇,  不過妳照顧朗朗之餘, 都要保重自己呀, 知冇!?

因為最近天氣開始冷~~ 要加衣~

bell~


[/quote]

BELLFOK0318

超級魚, fan fan  ,

最近亞女成日唔舒服~~~ 忙於照顧佢~~~ 唔得閒上黎~~~

尋日睇左亞女最近做果個24小時PH , 報告係中度 ..... 不過我有問過醫生會唔會亞女最近呢幾年無調教藥份量~~~ 先會甘高~~
最後 , 醫生都建議亞女做防止反胃酸手術~~~

唉~~~ 令到我好煩~~~

bell~~

BELLFOK0318

超級魚,

會唔會朗朗係醫院感染到病菌令到佢肚痾呀~~ 要多加洗手~~~

趙醫生(兒內科)叫我亞女做收窄食道手術+人造口餵食手術+封埋

肚臍(小腸氣)+封埋左邊脾(小腸氣), 係4d病房架....

e+希望調教過胃藥份量 , 可以控制到啦~~~

今個月亞女都唔知做乜 , 都係成日斷斷續續甘病 , 已經向中心請左

個幾月假 , 又洗左好多元睇醫生~~~ 最重要亞女一唔舒服就會好

扭計....喊啦....四肢張力勁高....好難抱佢 .......唉!! 係呢段期間我

無一日可以訓多兩個鐘 ..... 因為亞女唔訓~~~ 我就無得訓~~~

又加上我老公又感冒+氣管敏感~~~

你話~ 天氣一轉 ..... d$$$就會好唔見用~~~

PS: 大家TAKE CARE YOUR BODY~~~

好累的~bell!!