好擔心...醫生話BB發展遲緩~~

gloriap

sorry！我路過....容我插ロ   
我想研究吓你哋BB細個轉身、爬、坐等合唔合發展徵狀？如6-9個月會爬至坐扶嘢行？有冇同佢玩體操？教佢[拜拜]等？刺激吓佢？我見書咁講：6個月大還不會自動轉身，13個月大不懂追尋聲源，行為動作比一般小朋友[蠢]和[鈍]加上没有足夠語言表達能力，一些病症亦會延遲發現。
不過佢跟住文章同各位而家咁：發展遲緩小朋友如不是智力問題，治療後會正常。各位唔需担心，小朋友入去學嘢又多小朋友玩。陸美爸；你咪諗個仔去玩！咁多小朋友陪佢，好快冇事，遲吓牙尖咀利添呀
所以我覺得BB雖然每個發展唔同，某段時間自然會識、轉身、爬；但同佢玩刺激吓佢四肢同俾佢感受吓物件如：石、布、袋等刺激感官；刺激左右腦，可能會好快學做到佢應做動作及社交。最好帶佢出街見多啲人同物，唔好嚴出街煩！我女一個月我已抱佢新界去九龍。唔通成日叫屋企人嚟咩！斷六親；我係全職媽咪多多指教^0^
如有得罪請原諒 :wink:  參考吓http://www.baby-kingdom.com/modules/newbb/viewtopic.php?topic_id=181263&forum=11&0

gloriap

HayBMum 寫道:
JOANNA722,

--------------------------------------
話佢DELAY左around 6個月& 有自閉傾向
----------------------------------------
請問醫生有否指明DELAY 是指語言、認知 or 其他方面? 我的醫生沒有說仔仔delay了幾多，只是好簡單在報告上寫 語言理解及語言表達比智齡慢，卻沒有說慢多少，我好想知其實慢幾多！

http://www.ear.com.hk/參考吓！
妳小朋友幾大？俾啲實物佢摸吓教佢講或妳做發問，叫佢答如：呢樣係咩？x用嚟做咩？佢唔識！分幾教(一次過成日講佢會冇心機；冇耐性！)出街，活動教材添 草、花、巴士、的士、樹、雀仔.....

gloriap

I SEE
咁其實發展遲緩同自閉傾向點分？有冇乜大分別？因叔仔個大仔都係當初2歲時話佢語言能力比同齡差半年，但佢個媽又冇去再跟進，話佢冇嘢！因之前我聽話佢如再係咁就要見治療師。我叔仔話佢個所謂老婆冇再帶仔去見醫生咋！(因佢老婆人格、各方面太不知所謂)可能成日怕人話佢甲狀線(食梗藥)、鼻敏感、皮膚敏感、身體狀態唔好搞大咗硬要生個仔！搞到啲個仔成日唔妥(但成日都話啲仔冇嘢？同我叔仔反調)，害咗啲仔呱？但我覺得佢大仔冇信心講嘢...好多時講嘢，只叫佢叫人、答好唔好...等我哋伸到耳仔响佢ロ邊都聽唔到？！係咪有事呀？會唔會阿媽錫細佬現(1歲)多、偏心？同父母成日(應話日日；3日一小5日一大)嘈交、打交影响到佢？成日趁阿媽行咗去打細佬！試過兜心 同用被、枕蓋壓住當時得幾個月細佬；面都用物件打過；玩具寧掉咗都唔俾細佬。而家大仔3歲，其實會有事嗎？各位！各位父母努力   

gloriap

HelenMrs.Lau 寫道:
個小朋友D態度好負面喎 :cry:  :cry:  :cry: 應該有D心理障外，見下社工好喎      

其實精神病有冇遺傳？佢婆婆(個女人講過)同我奶奶都有輕微精神病，我奶奶有見精神科佢婆婆就唔知？甲狀線係咪多數係傳俾女架？出世時冇事係咪就冇事？
死啦！好似離曬題添sorry :exclaim:

gloriap

陸美爸 寫道:
gloriap~

歡迎你大家傾下交換下心得~

沒有父母吾想自己孩子健康成長的，但有時候大家卻顯得有心無力，好像我這種新手父母更是滿腦子疑惑，而且由一出世開始BB急速地發育，都照顧得心力交瘁。特別是那些在職的爸媽，除應付日間工作外，放工返家仲要照顧小朋友、陪佢地玩，眨眼就過一日了。但沮喪的是，即使花了不少心機及時間，孩子卻未必一定健康成長......相信此處的媽媽都會身同感受:cry:

書本上確實有很多資料給我們參考，但套用到自己的寶寶身上時又未必適合，要知道每個孩子特質不同，單是男孩及女孩發展進度己有很大分別，由其多數男孩發展既速度真的較女孩慢，例如：說話、社交、行路、心智...，而且女孩生長速度比較規律，男孩則通常呈突然性的生長，因此男孩比較容易出現發展遲緩。

自閉症係一種先天腦部功能受損而引致的發展障礙，大部份都是找不到病因的。患自閉症的小朋友不喜歡同人相處，就算自己爸媽亦一樣，對他人漠不關心，更不擅用眼神溝通；喜歡自己靜地用些奇怪玩法玩玩具，例如：將玩具排成直線，玩車車時只會轉動車"look"而不把它當成一架車黎玩；記憶力驚人，能夠憑記憶覆述一段長的對話或背誦出完整的資料。

養兒育女並不容易，做爸爸媽媽的並沒有實習期，BB一出世便立即上任，就算芝麻綠荳的事，也會感到不知所措。

我又無端端長篇大論tim~如有講錯請不要見怪，不過有時係度抒發下感受，情緒的確好好多架     

陸美媽

多謝你分享！我都係位新咗幾年媽咪，只童年我同老公都幫手照顧過BB；我老公好啲幫媽湊初出世表弟、表妹至佢哋幼稚園；我只好少咁幫吓、睇吓。因伯娘做託兒。當時我只小學即20多年前，乜都變 : 所以我初為人母都冇乜大困擾。
所以我上年再去讀短期保母班，啲人話我：駛唔駛呀！妳自己都凑大個女啦！學多啲冇壞啫！係咪？何况我女仲細，有啲嘢唔知嘛！我女而家先3歲半。
你講得啱男同女由小到大任何方面都係發展男遲過女仔嘅。唔係我講導師話架。
另外我都好同意你話雙職父母好辛苦！各方面要幫BB計劃，只一樣係番工揾邊個、乜人湊已頭痛，其他.....@@
我叔仔大仔帶佢睇馬戲同早排李紫昕冇乜反應！！連拍手、唱歌、叫吓都冇？！只望上面影同燈光，我唔知佢係唔锺意有問題定冇乜興趣+.+？？
我有興趣知智力評估响邊？收费如何？可諗叫叔仔帶大仔去吓；我都想帶女去吓 :wink: