開學十幾天,你地和囝囝囡囡都適應嗎,有無咩問題?

Charlotte_mom

我女女尋日有份"作業", 就係要返屋企讀第一課中文, 由於我女女細細個已學普通話, 除左1,2隻字唔識讀之外, 基本都ok
我問佢"呀, 幾叻wor, 係咪個個小朋友都識普通話架?", 女女答我, 唔係, 淨係一個xxx唔識, 我地讀到好慢好慢, 佢都仲係唔識
我聽完好唔開心, 覺得果個小朋友好慘啊, 成班32人, 得一個唔識, 以後點跟呢....講真, 老師無可能要因為一個小朋友, 要其他31個"就"佢架(我唔係怨果個小朋友慢, 不過真係唔知老師可以點幫佢lor....) :-|

Charlotte_mom

我女女下星期有英默lu, 約十組生字, 我同老公都有d緊張, 因為女女幼稚園從來都無默/測/考, 好彩so far佢都溫得ok
除左默書, 另一樣"溫習"就係普通話朗讀, 上次提到, 女女全班得一個同學仔唔識, 我當時心裡好興幸有俾女女出去學普通話(幼稚園無)........尋晚女女話我知, 小息時候, 普通話老師叫佢留低教其他同學普通話(佢係咁present, 我估係示範之類掛....), 突然間, 我覺得老懷安慰.....原來過去2年上既唱唱跳跳普通話課程, 真係學到野既.......睇黎仲學得唔錯呢!
  

Charlotte_mom

thanks!
我女女大概都記到, 不過有時串串下, 分左心, 就咩都唔記得
我都好surprise佢普通話竟然都幾ok, 因為我一屋無個普通話人    可能面皮厚既小朋友, 學外語都快d

Charlotte_mom

swan
哎, 我都好後悔無正正經經俾個女學phonics, 如果有, 而家就唔駛咁頭痛........(有去學英文不過唔係好有系統咁學phonics, 所以talk得唔寫得)
如果你想學普通話, 可以pm我啊, 我女女都係o係銅鑼灣學, 真係玩下跳下又一堂(而家小一班有坐定定時間), 不過原來暗地裡真係打好左個底, 所以我真係好開心, 雖然唔可以話native口音, 但起碼我提佢"真"拼音係zh...唔係j..., 佢知道錯左咩, 有意識去改, 我都鬆一口氣......
俾d心機啦, 雖然而家彤彤未識, 不過如果佢唔怕試, 好快攪掂架喇    如果你自己識拼音就更好啦

Charlotte_mom

如果學校學得ok就最好啦(反正無考試    )

Charlotte_mom

羊咩咩太太
星期六日至溫得唔得呀? 十點幾訓, 聽日六點幾又起身, 都幾辛苦啊 :cry:
係呀係呀, 老師俾野小朋友做, 佢地覺得好威架    (我細個都係)

Charlotte_mom

我女女學校唔叫多功課, 不過有時夜左返, 已經衫都唔換飯都唔食, 淨係對下功課填下通告, 都已經半夜三更
可唔可以隔日至返奶奶度, 叫奶奶煮定d可以reheat既送帶走, 返去淨係自己煮飯&reheat&洗碗啊? 慳返d時間嘛....

Charlotte_mom

羊咩咩太太
哈哈....半夜三更, 又唔至於要起身改.....我份工雖然無咩前途, 勝在唔駛點ot, arm晒師拉做
所以有時夜左(i mean over9pm)返屋企, 我就要趕住"開工", 有時攪掂個女d功課趕佢上床, 我都未換屋企衫.......
無法啦.........
至於奶奶問題....嗯嗯.....我點會唔明丫, 我同62,99住架

Charlotte_mom

其實遲返, 好多時都係做自己野姐(約左人食飯呀, 做facial 呀), 我唸都係盡量schedule返去星期五先...
其實我女女唔算多功課, 不過個人甩甩漏漏, 有時錯埋晒d無厘頭野, 我又唔可以直接講答案佢聽架嘛

Charlotte_mom

嘩嘩嘩, 羨慕死人啦.....
我老爺奶奶都唔係好識教仔女, 哎.......

pizza888 寫道:
羊咩咩太太;
係呀, 雖然99讀書唔多, 我個姑仔都係佢幫姑仔溫,今年讀埋大學tim,而且62個手字係好靚, 有時d親戚請飲, 都要搵佢幫寫請帖架.又教我囝點樣寫字先靚,而且我99係好有心機湊我囝, 所以我都有一萬個放心tim..

Charlotte_mom

死喇, 有英文架咩 點解我淨係睇到中文文章?
睇英文, 都係要時間"浸"架喇.....讀多幾次, 由最淺最常用果d he, she, it, the, is學起, 再教佢用下拼音自己試下拼....

Charlotte_mom

我個女d英文都屎屎地.....好在佢肯試lor!
開頭俾d support佢啦, 一隻字都唔識, 又真係好無心機既!
其實好多level 1 reader, 都係識左頭兩版d字之後, 就9成字都repeat, 小朋友咁至易有成就感嘛!
一齊努力啦!   

Charlotte_mom

其實學phonics真係對認字好好架(我都話呢世人最失敗就係無俾女女有系統咁去學phonics 所以而家識得一截截)
譬如he, 只係一個h+一個e, 算係最簡單既拼音, 再加個s就係s-h-e, 一d難度都無...., 如果識basic phonics技巧, 提一提佢"s點發音呀...?" 再睇多幾次書, 呢d he she it a an the this that基本字, 好快上手架喇

Charlotte_mom

我女女尋日默書, 我同佢溫既時候, 佢會識問, 點解faTHER, moTHER係THER, 但sisTER係TER唔係THER, 我解釋完, 佢會知原來自己一路讀得求祁, 佢會改正返.....哎, 如果佢phonics個底好d, 串字就唔駛咁辛苦.....
同埋平時發音都標準d, 好似我女女, 見到musiC, doG, 會自動發個c,g音出黎, 自動執正D, 長遠黎講, 都係一件好事呢!

Charlotte_mom

哈哈.....好難學架bor   

羊咩咩太太 寫道:
不過我先要學識控制自己既情緒,教做功課同溫習時唔好隨便呀?    你地同唔同意

Charlotte_mom

我咪又一樣, 我係音樂零旦, 我老公細個衰衰都叫鋼琴2級, 叫佢跟下個女練琴, 佢話好多年無彈唔記得晒, 叫我攪掂佢