選擇幼稚園請先考慮....

lamly

我諗住俾仔仔讀下年k1, 佢出年入學會係細仔2歲8個月.

我選校第一個原則就係要基督教, 呢個基於自己信仰問題.

第二就係要近屋企. 唔駛搭車. 呢個係好重要考慮因素. 因為我真係信唔過d媬母車, 一個媬母, 睇成10個小朋友. 自己又唔夠時間同佢去好遠返學.

第三個考慮因素係要老師一定要有愛心, 願意關心小朋友的感受, 不是填鴨式. 要佢地死記爛背. 返學仲慘過乜... 遊戲中學習好緊要. 噤樣先至可以令到小朋友唔抗拒返學. 對佢地將來升學的讀書心態都好大影響.

第四就係師資喇...

第五就係老師願唔願意同家長溝通. 呢樣都好緊要. 有時真係唔知小朋友係學校係點. 無論學習方面, 與其他小朋友相處方面, 做家長的都好想知. 如老師能主動與家長保持聯繫就最好了. 所以有家教會也不錯呀.

宜家我都頭痛緊, 因為符合呢d條件嘅學校真係唔多.