發展遲緩B媽媽(part 1)

pcsiauw

我個大囡響歲半時又係比健康院轉介左去體能智力測驗中心, 因為佢唔講野, 唔多理人, 鍾意玩車, 仲成日好專注咁望 wheels (自閉症特徵), 成日喊, 唔識手指指...基本上, 同你所形容ge一模一樣...去到體能智力測驗中心評估, 結論係發展遲緩 9個月至1年...跟住佢幫我排i位同早期訓練...

兩樣都到三歲先排到, 是但揀一樣, 我揀左早期訓練, 因為我個囡響兩歲半時終於都開金口講野, 同埋都肯同其他小朋友一齊玩...so far 做左訓練半年, 有進步...

其實我想講, 小朋友ge發展速度真係個個唔同, 有d歲半已經講野好叻, 我隻衰囡包要到兩歲半先開口講野, 足足遲左人地成年! 但宜家佢講野ge能力, 同其他人係無分別! 仲有, 佢認字能力好強, 反而其他小朋友就無咁叻 -- 所以每個小朋友都有自己ge長處同短處, 不用過份擔心~

原文章由 ClaraSham 於 08-1-14 17:46 發表
我囝囝快19個月，上星期五見完健康院e生，話佢發展遲缓(6個月delay)，語言就單字都未能講，欠社交(唔鍾意望人)及表達(唔識用手指指)能力，現轉介去體能智力測驗中心，約咗今個星期四見姑娘再跟進，我成個人down哂又擔心，最驚佢係自 ...

pcsiauw

o岩o岩搵到d資料, 希望對你有用 :

最近許多家長討論究竟小朋友應該讀S位、I位還是EETC的問題。我看的時候，覺得有些家長可能因為不清楚三種學位的情況，或對S位的認識未必足夠而有些誤會，未能作出一個適合的選擇。故在此開這個題目跟大家談論。

首先，談談三種學位的分別: S位是特殊幼兒中心，專門給一些學習能力較弱的小朋友去讀。那裡有最全面的服務，而且師生比例比較好，一個老師對六個小朋友，所以每個老師都可以針對小朋友的個別問題設計一些治療或學習的計劃。這個是非常重要的。另外，S位裡面有齊三師，即物理治療師、職業治療師和言語治療師。中心裡也會有高級幼兒工作員和中心主任，而臨床心理學家每隔一段時間會去中心一次。

兼收位(I位，或稱混合位)是普通幼兒園或幼兒中心加一些學位，給發展比較慢的(又不算很慢)小朋友就讀的。日常的活動都是一大班小朋友上堂，但是這六位小朋友會有由社會福利署撥款多請回來的一位特殊幼兒工作員，即是平時叫做I位老師的同事和小朋友做一些個別訓練。基本上個別訓練的範疇也很全面，因為每個老師都要全權負責大肌、小肌、智能、語言等等各方面的發展。除了兼收老師之外，還有言語治療師每隔一段時間到訪，現在的要求是每一個月兩次至三次進行個別訓練或小組訓練，要視乎每間幼兒園不同的安排。

如果小朋友需要職業治療，治療師也會到訪中心，但每一年兩至三次，主要是教老師跟進小朋友的進度和每個小朋友的訓練內容。臨床心理學家亦會一年幾次去觀察，如果有特別要求，學校會請兼收老師請臨床心理學家到訪。

至於早期教育及訓練中心(EETC)，其形式類似補習班，不用每天都去，大概每星期一至兩次，做個別或小組的訓練，而導師可能是特殊幼兒工作員或治療師(包括物理治療、職業治療和言語治療)，要視乎小朋友的需要。

無論哪一種服務，特殊幼兒工作員(SCCW，即小朋友的老師)所接受的訓練及要求的資格其實並沒有分別。

要選擇哪一種，最重要的是視乎小朋友的能力和需要。舉個例：如果小朋友需要整體服務(如各方面都需要幫助或比較慢)，可能需要S位。有些家長或者會覺得特殊幼兒中心這個名稱不好，會擔心穿著這些校服會被歧視，而不去選擇。我明白作為家長會很難受，但當想到假如基於自己難以放下的自尊而令到小朋友得不到最適合他們的服務，而阻慢了小朋友的進展，這並非我們想見到的情況吧﹗我經常強調越小做訓練，效果越好。所以請各位家長為小朋友著想，不應該為了自己的想法而影響他們的發展。

其實在六歲之前的進展是非常重要的，六歲之後腦部發展會緩慢下來，令小朋友再學新的事物亦未必容易掌握得到。所以應該可以考慮趁小朋友還小的時候，選擇最合適的服務，令小朋友的能力可追得上一般程度。

我見過很多小朋友在入讀特殊幼兒中心一兩年之後，因有明顯進步而轉讀普通位或兼收位，因為輪候特殊位的人有很多，本身能力巳達到的話，中心不會要求小朋友再留低。

至於如何選擇早期訓練或I位呢?我覺得都要視乎小朋友的能力，而且還要視乎家長有否時間去帶小朋友。如果家長要上班，自己照顧不到小朋友，可能兼收位有個好處，因為不用請假帶小朋友去做訓練。如果請傭人帶小朋友去做訓練，其實跟小朋友在I位是沒有很大分別的。當然，如果家長能夠親自帶小朋友往做治療，那我會建議選擇早期訓練，一來因為訓練較全面，二來因為可以親自和治療師討論進度及家居訓練等，效果會很好。

我自己覺得最重要的是，即使小朋友選擇了早期訓練，家長選擇幼稚園的時候也應盡量選一些本身有I位的幼兒中心。因為大班老師會明白小朋友的困難及知道如何教導他們。坦白說，普通的幼稚園或幼兒園老師未必懂得幫助一些學習慢的小朋友，除了覺得他們頑皮、不合作，會經常投訴外，最重要是浪費了小朋友的時間。因為小朋友上堂時如不明白老師的說話，跟不上，發白日夢或四圍走，其實是浪費上堂的時間。要記著，我們其實要與時間競賽﹗

相反，在特殊幼兒中心，個別訓練的時間比較長，小朋友能夠學習的機會比較多，對整體訓練都會有好處。我實在不希望小朋友上學但學不到東西而浪費這幾年的時間，因為過了這幾年的時間便會很難追得上。

================================

要等到三歲先排到 -- 係因為多人排囉, 政府資源又係限, 所以咪要排咁耐先排到囉~

等待期間, 我無同佢做d乜, 因為佢好怕生保人, 所以只係幫佢報左出面 d playgroup 玩下咋, 佢喊到七彩, 又唔合群, 成日痴住我, 我都無乜野可以做, 響屋企, 咪多 d 同佢傾計囉, 同埋叫 d 親戚/朋友多 d 上黎玩, 等佢見多 d 人囉...........

原文章由 ClaraSham 於 08-1-14 22:39 發表
pcsiauw,

我想問乜叫做I位？早期訓練做啲乜？點解歲半發現發展遲咗9個月至１年，要等到三歲(等咗年半)先排到，咁等的年半可以做乜嘢幫佢？
sorry，咁多嘢問 ops:" /> ...

[ 本文章最後由 pcsiauw 於 08-1-16 13:44 編輯 ]

pcsiauw

weiwai ,

有幾樣我想問下你，煩請指教：
你話你bb唔多理人，請問是點樣情況點唔理人呢？[初初人地望下佢, 佢都會大喊, 到大個d, 人地叫佢, 佢唔睬人, 又唔望人地, 成日lay埋響我後面]

是但揀一樣----有咩比你揀呢？[I 位 or 早期訓練, 兩樣只可以揀一樣, 唔可以又要 I 位, 又要早期訓練]

好專注咁望 wheels ----你怎發現的，是不是出街成日望住wheels？[Yes, 仲有屋企 d 車仔都係]

在排隊期間都有年幾吧，請問你做d咩幫助你bb呢？[只係同佢報左 playgroup 玩, 但無幫助]

早期訓練---在那裡做架？幾多錢呀？一個月上幾堂呢? [我住響 tko, 所以都係揀左響 tko 做, 一個月好似 $40 左右, 一個星期一堂, 每堂 50 分鐘]

pcsiauw

我個大囡宜家仲返緊早期訓練, 不過o岩o岩申請退會, 因為我發覺佢都已經跟到同齡ge小朋友, 問題已不大, 唔想再霸住人地個位~

i 位ge幼兒園, 好似一定要經社工轉介架, 自己報係唔受理架~

btw, 可以的話, 都盡量安排佢地返學, 多接觸人, 對小朋友ge成長好有幫助!

原文章由 ClaraSham 於 08-1-16 14:12 發表
pcsiauw,

多謝你的詳盡資料及解答。
咁你Ｂ現在仲有無需要返早期訓練？是否現完全追得上同齡的發展？
原本已幫我Ｂ報咗兩歲返幼兒班，但得知佢發展遲緩後，想揾一些有i位的幼兒園，但已經full哂:cry:
聽日就去智能測驗中心，心情好 ...

pcsiauw

我b就咁......人地望佢冇問題，但我地叫佢佢成日唔採我地。有時陌生人入屋eg.維修工人，佢嚎哭 [似乎係怕陌生人, 至於你叫佢唔睬你, 我覺得就睇定d先, 因為我個囡果陣時都係咁, 但宜家無野]

一個月好似 $40 左右, 一個星期一堂, 每堂 50 分鐘
但之前有媽咪話要幾百蚊一堂既？係米唔同的？[我係智能測驗中心轉介過去, 係收 lee 個價錢, 唔知係咪有d係自己報, 所以貴d??]

仲未識手只只..:cry: [都係果句, 唔駛擔心住, 你個b仲咁細, 好多野都未定, 唔好自己嚇自己]

其實我而家係米應該去協康排隊呢？[如果你真係咁憂慮, 而經濟許可的話, 不妨去排, 免得將來後悔]

pcsiauw

其實想小朋友學野, 最直接ge方法就係父母自己做比佢睇, 因為佢見得最多ge係你地, 佢見你做乜, 佢就自然做乜, 所以如果你想佢手指指, 你自己就要一日到黑響度手指指, 指東指西, 乜都指, 久而久之, 佢就好自然咁記左入腦, 有一日會用番出黎! 不過, 切忌心急, 真係要比耐性, 加油!!

原文章由 weiwai 於 08-1-16 18:12 發表
有冇人可以教我，點幫助呀b手指指呀

pcsiauw

正如 kikiboy 所講, 我有心儀ge幼稚園, 加上我覺得我個囡問題唔算太大, 唔想佢讀全日ge幼稚園 (以我所知, 有 i 位ge幼稚園好似全部都係要返全日), 所以就選擇左早期訓練 :)

其實揀邊間, 你自己決定, 外人好難比意見, 你個小朋友有咩問題, 你最清楚, 你覺得邊樣對佢好d 就揀邊樣 :loveliness:

早期訓練 -- 我唔知係咪個個都一樣係咁, 不過以我個囡為例, 佢每個星期去一次, 每次50分鐘, 由一個導師跟進 (一對一, 我覺得好好), 家長就坐響隔離睇住佢地, 導師教左一d技巧 (針對小朋友ge弱項), 我地就要返屋企同佢每日抽時間練習~ 有時佢會安排其他治療師黎同佢做評估, 如果有需要, 又會安排時間上堂, 如是者, 我地上左半年, 的確有進步~

順便講下, 每次去做訓練, 都會有 d 玩具借比我地拎番屋企玩 (d 玩具係用黎做訓練), 一邊玩, 一邊學習, 真係好好, 又唔駛成日買咁多玩具, 玩完還番比人, 唔駛 waste, 真係 very good!!

原文章由 weiwai 於 08-1-25 03:16 發表
pcsiauw,

可唔可以講下你點解揀早期訓練唔揀i位呀？

我係全職媽媽，我應該揀邊樣好呢？

pcsiauw

例如佢想要波波, 佢用手指 指住個波波 (示意佢想要)

原文章由 wingeman 於 08-1-26 20:52 發表
請問甚麼叫手指指

pcsiauw

唔好太擔心啦...遲四個月都唔算太嚴重...你可以自己從日常生活中教導佢, 例如同佢講多d, 多發問, 對佢言語發展都好有幫助架~ 又或者多 d 帶佢去公園玩, 對大肌肉發展好好架, 仲有手眼都協調d 啦, 另外又可以同佢"不"下乒乓波, 可以訓練到佢手腕靈活性 ...etc. 如果你有時間的話, 不妨去搵多 d 資料睇睇, 睇下仲可以做d 咩黎幫你個小朋友, 千奇唔好響度坐以待斃呀

原文章由 weiwai 於 08-3-3 16:02 發表
hello clara,

我b響1月尾己評估了，是gobal delay，各方面遲緩4個月！！
現在排緊E位I位，但你知啦，有排架ma。唉！我又負擔唔起出面幾百蚊一堂既訓練，我好徬徨呀 ...