BB聽力測試

DaisyWong

Hi 各媽咪,

我嗰女依家3個半月大 , 係政府醫院做了兩次ABR聽力測驗都不合格 , 醫生已經轉介去耳鼻喉科 (月尾第一次去見醫生) , 全家人都好担心 , 有冇媽咪有同樣情况可以分享吓 ,
或者相關資料 / 專科醫生可提供。

之前我姑仔同老公都在此留言 . 好多謝 "言語治療" 同 "reginang" 的回覆。

  :cry:  :cry:  :cry:

DaisyWong

hi 稚言治語,

多謝回覆。

子喬的ABR test, 是在東區醫院進行的。那個聽力測驗師沒有作出任何結論, 只轉介BB見耳鼻喉專科及叫我們為BB申請特殊教育服務......。

所以我們才在這裡打聽有關聽力的問題。

DaisyWong

to稚言治語,

多謝你寶貴的資料。今天我們帶子喬看兒科醫生，也是一些相若的見解。因為ABRtest當天我們夫婦也不在場，所以對是哪一種可能性也不大清楚。
但今天兒科醫生說有可能是耳蝸or 聽神經問題(當然要經耳鼻喉科測試才知)，但一切也要容後才有答案。

再三多謝稚言治語這幾天的協助，有新消息會在此跟進。

子喬爸爸上

DaisyWong

Hi Nail,

Thanks for your information.

Daisy

DaisyWong

小叮噹,

謝謝你的鼓勵,請問baby kingdom介紹嗰間宣美在哪個Column?多謝提供,請詳悉....

子喬爸爸上

DaisyWong

子喬今天去了見ENT醫生了。但那個醫生十問九唔知，激氣 。
現在要等四月十二日再見兒科，オ會有進一步安排。
究竟子喬對耳有乜事呢？心急死了。

子喬爸爸上

DaisyWong

Hi reginang

唉，好鬼激氣呀，      等咗成10日，終於等到覆診日，以為可以有個答案啦 (因為我哋之前睇私家兒科，想叫佢

DaisyWong

Dear nail,

多謝關心。
我都唔知個"特殊"教育詳情，因為仲排緊期，個教育中心屬於教育統籌局，我諗會係train up advice。

我最想知究竟BB耳仔邊度有問題，咁先可以對症下藥嗎。我哋嚟緊會揾私家醫生，你朋友有冇兒科耳科refer，我哋想揾屬於"兒科"耳科，起碼會對小朋友細心d。另外都會approach"宣美"，welcome你share我個case with你朋友，睇吓仲有セ嘢可以做。

之前好迷茫，子喬又咁細，真係前路茫茫。但自從在此留言，得到各方媽媽advise，知道仍有出路，巳化眼淚為力量了。

子喬媽上

      

DaisyWong

Hi Shiba-Inu,

多謝留言，d資料真係好helpful.      

但仍有些疑問，煩請賜教。

1) per item 2 : 既然耳仔毛病可以有唔同病源，繼而有唔同治療方法，點解個醫生又唔再跟進呢？到現在為止，我仍然未知bb究竟有乜事，同埋成因 (或者個成因巳經唔再重要)，淨係話bb severe hearing loss (嗰report喺咁寫)，所以我哋先會咁担心。

2) per item 3 : bb安排咗6個月再做testing (誘聽XX)，我唔記得個exact name，可能是你所指的VRA。但既然physically 上無セtreatment follow up，再做test都唔知會有dセ進展

3) per item 7 :  Thanks la.  I will go there & attend the online program

子喬媽上

DaisyWong

Hi Shiba-Inu,

多謝你的專業意見。
子喬安排咗嚟緊2星期去見兒科同EMB，希望可以盡快start個療情啦。
平時我哋會同子喬傾計同玩玩具，佢就眼仔碌碌，表情多多，好enjoy好明白咁，又唔似聽唔到無反應喎，有時我又會趁佢瞓着係佢耳邊拍手，佢有時又會成個人"澤一澤"，或者係咁意郁吓手指仔。如果係咁，點解個test又話子喬聽力嚴重有事呢？

子喬媽上

    

DaisyWong

Hi reginang,

係呀我哋做媽媽嘅，BB有冇事都會100%錫BB呀。

你BB最近好似病咗喎(在forum read到)，依家掂呀，好番未呀，依家天氣咁飄忽，記住小心d呀，保重保重。

子喬媽上

    

DaisyWong

Hi Shiba-Inu,

子喬係女仔呀，不過好多時都比人話係仔仔，無所謂啦，最緊要大過似番個女仔就得啦。

子喬啱啱見完兒科醫生，下星期約咗去EMB，醫生話到時EMB會再做聽力測驗，繼而安排治療方法(eg. suggest帶耳機)。雖然個兒科醫生無乜實質嘢做到，但佢都好好咁解答我哋嘅疑問，因為我哋始終好懷疑子喬聽力嘅情度。

另外想問除咗EMB，如果想揾私人再做listening tests再reconfirm，有冇渠道？同埋有冇咁嘅需要呢？

Thx.
Daisy

    

DaisyWong

Hi Reginang,

好開心係度又見到你。
子喬下星期去見特殊教育，又緊張又期待，希望可以盡快start個治療啦。
你BB好番就好啦，你都要小心身體呀，keep in touch呀！

子喬媽上

    

DaisyWong

Hi BK mama,

子喬昨天去了特殊教育中心做了聽力測驗，有了一個較確實的結論(比之前ABR Test)，因之前ABR的Result 是 "not better than loss hearing"， 所以我夫婦倆人很擔心，現在聽力師經過Test 以後, 有下列結果及安排：

1)很大程度是神經性問題 (即耳蝸或以後)；
2)並非完全失聰，只是對高頻率聲音沒反應，對低頻率聲音(如鼓聲，拍掌)有反應(但頻率的高低range有待reconfirm)；
3)要配帶助聽器，以及要参加語言治療訓練和keep check 進度，如進度良好，有例子是入小學前可正常聽講，反之有可能要植入人工耳機(蝸)
4)ENT 及兒科跟進，轉介讀學師跟進語言訓練。

感謝下葵涌特殊教育中心聽力師-何先生、陳太的細心解釋，使我們對聽力問題有更多認識。

子喬媽媽

PS. 有DD問題希望可以請教:

to Shiba-Inu：其實此類神經性問題是否常見，以及嚴重性會有多大，有否此類資料可提供參考？又:人工耳蝸手術費用若干？

to 稚言治語 ：語言訓練有關資料可否提供？家長在屋企可以做些什麽協助？

to Nail ： 請問你朋友的女兒之前/現在有否要帶助聽器？

感激！！感激！！

DaisyWong

hi reginang,

咦！セ你咁夜仲on-line呀？你BB瞓咗啦?

子喬今日打完針，有少少燒，所以今晚要額外留意。

多謝你的支持，我哋一齊為BB打氣，努力加油。BK媽咪萬歲！！！！！

                  

DaisyWong

Hi 各位關心子喬的 BK mums,

現階段總算可以放下一半心頭大石，但聽力師話都唔可以過份樂觀，因為以家只是初步評估，要keep住做testings，就好似砌積木咁，一點一滴的累積，前面仲有漫長道路，要有定心理準備。

To 稚言治語 :
個下葵涌特殊教育中心聽力師淨係話自己姓何，不過據外表描述，佢又幾似係你同學喎，佢嗰樣好和藹善良，我哋係4月19日早上9am睇佢，係第一次睇，你可以reconfirm吓。如果係佢，幫我多謝佢呀。另外，語言訓練有關資料，請email比我呀 : [email protected]

To Shiba-Inu :
BB個case，都唔係好common喎，好彩有BK，先可以上嚟查探吓，如果唔係都唔知點算好。另外，想知人工耳蝸手術邊3家政府醫院可以做。暫時我想專注係EMB跟進BB情況，唔想overdo住，免得sidetrack個治療，你哋有乜意見呢？不過我都想你可以email D private audiologists (in case 有需要)比我，最後上次有個typo，應該係督學。

To Nail :
見到你朋友"成功"例子，都好振奮，謝謝。

我會係度再同大家update子喬的進度。

All the best to all BK mums

DaisyWong

Hi 稚言治語/Shiba-Inu，

估唔到世界真細小。

子喬前幾日再去醫院做ABR test，結果都好confuse，有時OK又有時唔OK咁
。下葵涌聽力跟得幾好，因為子喬上次去完做test後，話嚟緊會同子喬做助聽器，巳經做埋耳模添，所以我諗佢哋想再reconfirm嗰結果，咪咋咋林叫我哋去做多次test囉。
佢哋話政府只sponsor一隻，另一隻耳機就借住比我哋，無謂嘥$啦，因為都未知耳機是否真係work。

個private audiologists list，我諗住袋住係袋，in case有用，都知仲邊度有contact ma，不過暫時都會follow EMB為主，子喬仲細，都唔想迫得佢咁緊要。

希望嚟緊陸陸續續有good news啦。

頭先子喬瞓瞓吓覺，比個電話嘈醒呀     

子喬媽上

DaisyWong

Hi loveyanpig,

我係子喬媽呀，你嘅留言令我諗番起3月尾時的情況，嗰段等待嘅日子(2星期)，比起十月懷胎嚟得仲漫長。

子喬宜家refer咗去特殊教育跟進(唔洗担心，係audio，not mental 嘅特殊教育)，個度成層樓都係for聽力BB，條路唔係只自己一個人行呀。

你係邊間醫院度做testing呀？加油呀，我哋要為BB努力，唔可以放棄！

      

DaisyWong

Hi Nail,

係呀，有你哋嘅分享，成個人都輕鬆咗，每次睇完醫生，都好心急上嚟update(including good & bad news)。

萬謝

子喬媽上

DaisyWong

Hi mdoip,

我都係在東區覆診呀，子喬3個月時做ABR test唔合格，跟住就叫我地去睇兒科＆耳鼻喉（詳情可睇番之前留言），子喬無做到OAE test喎．
或者你BB情況唔係咁差，所以唔急住transfer，否則既然有link up，都會refer你去EMB啦，寫幾隻字