05年入讀主流小學的障礙兒童家長~請進!!

Dr.T

多年前到過該校作講座,對學校的環境印象深刻(但據聞即將遷校...),當時的學生輔導主任是有心人,學校給我的感覺亦很open(某些學校你去過一次以後不想再去),但這麼多年前的人與事,可能或已有改變...

mrsphcheung 寫道:
How's your comment on Ming Tak Primary School?  Thanks.

Dr.T

老土講句...咁算不幸中之大幸萬一入咗,照咁睇一定千方百計勸你走...

都唔知多謝個主任老實定係嬲間學校講一套做一套好...  

bandband 寫道:
...佢一聽到我個仔既情況(我好坦白講哂出嚟俾佢聽!睇佢咩反應嘛)...就即刻Tan軚...猛強調自己間學校支援唔夠又點樣幫唔到我個仔呢類小朋友...

Dr.T

"救世軍"的編制

joey媽媽 寫道:
...但我不知佢點解叫x上尉稱呼

Dr.T

我只是知少少扮代表啫 還是直接參考他們的網頁罷!>>>救世軍

"救世軍（The Salvation Army）是一個向普世宣教的基督教會， 1865年由卜維廉（William Booth）夫婦在倫敦創設。其基本使命，在於宣揚耶穌基督的福音，並以十分寬廣的方式，透過各種社會服務與慈善工作，向世界各地未曾聽聞基督福音的人傳達這個訊息。在這樣的使命下，救世軍自創立之初就向罪惡、貧困、疾病等問題展開挑戰。教會採用軍事術語和組織處理一切行政。例如稱工作區域為「軍區」，一般會堂為「部隊」；稱駐堂牧師為「軍官」，加入軍中的基督徒成員為「軍兵」；稱佈道為「戰役」，加入教會為「募兵」，信主公開的誓約告白為「軍兵戰條」；又如制服，軍旗，樂隊，喜樂活潑氣氛的聚會與追求聖潔的生活，就成了救世軍的特色。"

Dr.T

大家講開小朋友入學適應成點,容許我又搭吓咀 ...我太太係某名女校小學教師(但今年剛退下火線...但這是題外話),照理d入得到d學生應該好掂...尋日佢同d舊同事食飯,同事話有個小一小妹妹上上吓堂唔見咗,嚇到大家死死吓...搵咗一大輪,原來小朋友自己走咗去音樂室"旁聽"高年級姐姐唱歌... 某名媛個女又係喺放學時失咗蹤(其實是排隊唔知跟咗去邊)嚇到個媬姆喊餐死,以為比人標咗參 :

其實所有小一學生要由一個通常都比較逼夾的幼稚園環境轉到去咁大間嘅小學校舍(d"千禧"校舍大人都會盪失路,何況小朋友?),仲有咁多規則要守,功課要交,一定唔多唔少會有d問題,但凡事睇定d先至好作任何重大轉變...最起碼都要睇一個月甚至一個學期,千祈唔好剩係睇呢幾日覺得唔妥就改晒自己d計劃.  

Dr.T

唉呀...原來出咗嗱("教得樂"嗎?)...要搵返黎睇睇...不過實在係白"色"頭髮黎架

ALAL 寫道:
...在明報見到你的大照﹐頭髮重染金毛﹐好鬼IN。...

Dr.T

點解聽落咁熟嘅呢可 ...唔知點解好似幾時講過    

stellacl 寫道:
...老師好好人, 又有耐性, 佢成日叫我唔洗緊張 (唔通我真係太過緊張???) ...

Dr.T

能夠講清楚自然係好事,但我最擔心最伯越描越黑,因為老實由你把口講出黎某些"啷黎"家長可能會覺得你在護短 咁就重難攪...

個人覺得學校似乎對我地嘅小朋友唔多認識,此舉(將你同小朋友擺上檯)有卸膀之嫌...如果一定要出席的話最好搵到個對孩子有相當認識嘅人坐陣,一來壯你個膽,二來你對孩子的情況他人一定會覺得主觀而不太信任...如果以前跟開d社工能夠來當然最好,否則講野真係要好小心

重有個家長會係全班定全級???如果係全級的話,可以由你以一個普通家長的身份解釋得到給百多人知道小朋友的情況的機會甚低...如果可以選擇的話,我會只出席自己班的聚會

joey媽媽 寫道:
...社工叫我星期五家長會可否向自己家長分享仔仔情況...我暫時應承左,但我其實唔知個後果,你們會點做呀?...

Dr.T

如果所謂家長會係好似我所諗嘅大型聚會,咁婉拒出席會較好(你嘅原因可以係"人太多,唔能夠講清楚小朋友嘅情況...")-應承在適當時間(i.e.當你搵到back up時)可以和自己班嘅家長講.

現在及將來其他人的眼光會是無可避免的...我地可以做的是盡量減少誤會-學校目前的安排,如果真的是大型家長會的話,只會加快其他家長以有色眼鏡看你的小朋友 因為中間沒有對話的空間(一般家長點會係呢d情況問問題,你講一大段野但相信對方收到的只是d病名)-"嘩,有xxx都俾佢讀正常學校,有無攪錯呀:..."嗱,佢自己都話個仔有時會打人,咁仲比佢讀,我要去xxx投訴"...

我嘅意見絕對唔算pro ...只不過是嘗試從"學校點解要咁做?"去看問題 ...始終覺得教育家長接納不同能力的學生是他們的責任,現時的做法想卸膀,拋個波俾你,嘅味道太重:evil:

joey媽媽 寫道:
...其實我係未唔出聲好過出聲呢?不如等家長自己鐘意點描有得佢,等學校應付好嗎?其實要我出來分享問題都唔大,我最重要係擔心個後果,始終我擔心係個仔仲要係呢區生活,日後成長會否比人指手畫腳...

Dr.T

1. 在目前情況下,有限度的參與及回應比較安全(i.e.見步行步),好過d所謂"分享",因為如果物都講真係唔知聽嘅人收到d物入腦

2. 千祈咪咁講,略盡綿力而已

joey媽媽 寫道:
[quote]
1...我今早同社工講我會出席晚會,但唔會同家長分享,亦我都唔會阻止學校講仔仔情況,咁社工好似面色有變咁問:如有需要時係班會中大家家長問呢個問題時,我會否作答,咁我話我如真有需要時我會到時回答家長的憂慮及即時嘅應變...你覺得這樣ok嗎?
2...你嘅意見絕對係好pro,多謝你的分析,可以話係我地嘅救世主...

Dr.T

似乎是出果個老師有問題...一年級有物可能識答 可能他/她一至三年級都係用呢份功課黎"應節",.-所以唔識絕對係正常嘅.

德育課對某些老師來說只是"搭單"要上嘅堂,所以無充分準備是常見的事,很多時候德育課亦是主科用來補課的時間,顯示出學校有幾尊重呢一科...:evil:

joey媽媽 寫道:
WA,我仔d功課好深
今日有將德育功課紙做，雖然都係填ａ，ｂ，ｃ選擇題，但係你地睇下ｄ問題
1.孫中山先生是中個的(     )
2.指南針是中國的(    )
3,黃山是中國的(    )
4.長江和黃河是中國的(    )
仲有好多共16題

又問:
!.中國是一國歷史_____的國家.
2.中國有很多_____的風景.等等....