致聖公會的高層們, 聖三一中心幼稚園家長上

Emilycc8

今日學校旅行，校長係一開始到烏溪沙N班活動出現過之後，就全日消失左，真係離普得緊要，究竟聖三一高層們，你地覺得校長表現點呢？面對住日日都有人表示不滿嘅校長，你哋係未覺得一D都冇問題呢？

Emilycc8

這個幾星期，校長已消失左好耐，有家長問學校，有人答去左開會，有人答病左，個個講嘅都唔同

Emilycc8

因為我哋確確實實已經喺學校幾年，睇得到新校長上任之後，學校嘅極大變化。上年七月我哋好多家長同校董會開咗一次大會，我哋無數個家長亦去信聖公會大主教

Emilycc8

但係最終，校監只以新校長沒有真正極大嘅過錯，唔可以就咁即刻炒佢，只係管理不善，佢會搵教育界楊馮慧懿女士做聖三一嘅教育顧問，校監就會加強指導新校長

Emilycc8

好可惜，由新學年九月開始到而家一月，睇唔到有任何改善，以前好多嘢都係由主任去管理，佢哋去安排，實在太唔好彩，本身資深嘅四個主任全部辭哂職，開學至今啲主任根本都唔知點樣Pickup，任何活動佢哋而家只可以外判俾錢搵出邊啲公司幫手舉行

Emilycc8

校長今個星期一朝早返過工之後，到今日都冇再出現過，學校有一班學生，開學至今換過好多個班主任，不停重重複複咁辭職，搵代課，助教，真空冇班主任，D家長真係忍無可忍投訴無門，真係好慘，搵左校長幾日，學校冇人確確實實回覆班家長究竟點解校長冇番學

Emilycc8

學校地下個女孩子廁所，有兩個廁板壞咗，起碼兩個星期，總共都係得幾個座廁，壞咗兩個可以咁耐都冇人理，係有個小朋友返屋企同阿媽講，喺學校爭啲瀨尿，因為排極都未排到自己，班學生每次去廁所排隊要排好耐先有得去，其實究竟學校有咩問題？除咗校長，D主任究竟做緊乜？

Emilycc8

聽聞又有個新嘅主任唔做，點解係聽聞？！我哋啲家長都覺得好匪夷所思，因為個主任已經幾個星期冇返，問學校，一時又答佢唔舒服，一時又避而不答，究竟個主任已經辭咗職，定係一直請病假，全校家長都唔知。而家聖三一其中一個好大嘅問題，就係所有嘢都唔清晰，學校完全冇透明度。

Emilycc8

我哋真係由上年七月不停去信聖公會大主教、校董會，校牧同校監，但係佢哋都只係話知道晒全件事，明白學生同家長嘅擔憂，佢哋都好希望件事可以盡快解決，但係都係只可以交返俾學校處理。
時至今日已經過左半年，我哋呢班家長真係睇唔到學校處理咗啲乜嘢，解決咗啲咩問題！

Emilycc8

聖公會大主教，各位聖公會高層，你哋真係忍心見到聖三一中心幼稚園繼續咁樣臭名遠播落去？
由梁校長陳校長帶領嘅聖三一中心幼稚園，一直係教育界好出名好出色嘅學校，點解你哋明明知道而家聖三一中心幼稚園問題嘅嚴重性，但係你哋都唔去接手處理？！

Emilycc8

高校長，聖三一中心幼稚園係你幾十年來嘅心血，我哋知道你一定好心痛，希望你都幫我地再同校董會，聖公會反映下啦(emoji)(emoji)(emoji)(emoji)

Emilycc8

唉！剛剛收到學校通知，明天學校又有3個資深老師離職！！