士啤酥之(好擔心...醫生話BB發展遲緩~~)大個仔喇

mamee

  

mamee

以下內容(問題)轉貼from Chole(她放左問題係舊topic內), 現請大家幫幫手吧.

大家好。 我最近才看這個topic o既。

我個仔宜家15個月啦，十一個月時他會叫"ba" ， 後來又會叫“姐”。 但到現在都仍然唔識講多d野。 我開始有d擔心.

請問我應該留意他什麼呢？ 幾時我可以帶他去做測驗呢？

有無媽媽可以分享一下？唔該o西!

Chole

mamee

唉..8:20黎除風球, 呀仔咁就無啦啦多左一日假期, 都唔知同佢去邊好. 今朝屋企仲無水添.

mamee

mamee

justjust 寫道:
mamee,

我大女返全日﹐工人而家帶佢返下晝囉。

尋日我地帶埋兩個女去屋企附近既兒童游戲室﹐其實同一般clubhouse差不多﹐但佈局唔同﹐又有唔同主題﹐有新鮮感﹐免費入場﹐可考慮一下。俾條link你睇睇﹕康樂及文化事務處--兒童游戲室

justjust

多謝你quote條link俾我喎
雖然其實睇下呀仔個時間表, 只係得番星期日有時間去玩. 有機會我會試下同呀仔去玩.

mamee

mamee

請報名：

107 LUNCH老地方飲茶：
(1）HELEN
(2) caroleks
(3) 小艾比

1010 LUNCH 韓國燒烤：
（1）HELEN
(2) four44
(3) caroleks
(4) mamee

mamee

頭先接放學, 被老師叫住話想留底傾計, 變相成為開了次家長會.
所傾既就係話仔仔今日係學校發左好幾次脾氣, 全部原因都係因為唔俾人話得, 一話就出事. 例如仔仔堅持要寫某一行字先, 老師又要堅持從另一邊開始, 最後就出現了, 仔仔特登大力寫字寫到出晒格~真係寫到落晒紙尾果種反叛行為.

現在位i位老師, 其實係今年先跟仔仔呢班. 某情度上可能老師仍未清楚仔仔脾氣, 二來每位老師教導既方法亦唔同. 我好認同仔仔脾氣係有問題, 聽到negative句子就容易發脾氣.

好想講既係, 其實要講一個意思出來, 有好多方法. 老師理所當然可以直接講: 唔可以. 我明白係好應該. 只係仔仔係受軟唔受硬. 好多時候你唔理佢, 轉個頭佢自自然然會做左. 如果調轉你不斷提佢, 佢道火就無里頭會出黎.

同i位老師傾完, 離開學校時亦同教仔仔既班中普通位老師傾計(係咁岩撞到佢都放工). 可能因為那位普通位老師已經教左我仔仔2年, 好明白仔仔既個性, 知道好多時仔仔都係想要attention, 你唔理佢/轉而話題的話, 根本就唔會去到失情緒階段.
不過老師亦有講, 始終i位老師是i位老師, 佢自覺唔可便直接提出佢自己既睇法~即係好多事唔需要成日提示, 因為仔仔好多事係明白, 到最後佢自己會死死地氣去做.

我好認同i位老師出法點係想教好仔仔, 亦明白每個老師也有自己教學方法, 只係呢刻既我覺得好倦, 好失落 . 努力了兩年多, 教仔仔自理, 等到他學識講說話, 讀書寫仔等等, 其實已經係好努力好努力. 只係事實上好像永遠都教不完, 好像怎樣努力都達唔到標.

自己亦有同i位老師解釋, 我好明白仔仔既脾氣係一個問題, 需要面對亦需要教導. 只係相比2年半前(2歲)一個只識用喊去表達, 到3歲學識講說話, 到4歲可以好好聽教事認字, 其實已經係好有進步. 面對住老師自己都可以控制得到, 不過返屋企就忍唔住.

改善脾氣, 我知道係要一段好時間, 亦可能根本最後都改不了. 現在可以做的, 除左同仔仔講解講解再講解外, 都沒有甚麼靈單妙藥.

多謝大家聽我傾訴.

mamee

mamee

多謝joeyma同小艾比既鼓勵.

44
呻完當然舒服好多. 都預左以後, 可能一世都係要咁呻法. 連老公都好似唔係幾開心, 可能見我變左個豬頭啩, 攪到佢自己個樣都唔安樂咁.

mamee

mamee

stellacl

睇左你果面篇文章, 性格上可能有點相似, 但當然你仔仔就高班d果種.

我都係同老師講, 只要堅持原則, 可以不必同仔仔解釋甘多, 因為佢一定明白當中道理, 但如果繼續同佢拉据, 佢一定發晒脾氣...

有無好方法 ? 我知佢明白所有道理, 我朝朝同佢洗腦果陣, 佢答得我不知幾流暢, 但耐何講一套, 做一套...點算好 ???

呢句真係似足我個仔~老師越提佢要點做, 仔仔把火就越燒得勁; 轉頭你唔多理佢, 佢反而死死地氣就照做. 又或者如果你問番, 你應該點做吖? 佢可能會答到個正確答案同照做.

我都估到往後既日子都係要咁過.
查實有無藥食, 可以我地/老師話佢時, 佢無咁容易發脾氣既呢??

mamee

mamee

hinhinmummy
蛀牙蛀到流血, 聽到都鄧軒軒痛.
希望軒軒快d無事!

justjust
我個仔都成4歲先戒奶樽, 係戒到不過最後連奶都戒埋, 佢直情唔再問我拿奶飲. 依家有時會俾盒裝鮮奶佢飲, 不過佢其實唔太鍾意飲.

mamee

mamee

justjust

我都覺得佢要奶樽其實都係享受歎係sofa啜下啜個感覺.用奶樽飲奶5分鐘攪掂, 用杯就一時即刻飲晒, 好多時直情飲唔晒.

mamee

mamee

hinhinmummy

個牙醫真係講'過主'呀, 唔係嘛

mamee

mamee

hinhinmummy

星期日晚都上黎蒲, 唔似你平日喎. 你梗係對bk中毒日深喇, 呵呵!!

mamee

mamee

Joanna

我個仔曾經都怕過沙, 同埋小艾比一樣, 唔知幾時突然間又唔驚.

你今日去有無帶地x鋪係沙上面, 有無帶玩沙玩具呀? 你試下抱實佢坐係地x上面, 跟住同埋姐姐daddy一齊食下野先, 等佢無咁驚時先嘗試放底佢自己坐, 之後再有機會先俾佢試下玩下沙.

慢慢再試吧.

mamee

mamee

hinhinmummy

唔好太唔開心啦. 其實係語言前技能裡面, 我個仔都仲有好多樣要改善, 好似目光接觸同專注力; 連帶輪流作轉同都要繼續努力架, 因為我個仔實在太心急喇.

努力呀))))))

mamee

mamee

呢兩日真係橋, 尋日朝早就撞到678, 今日就係赤柱撞到小艾比一家.

入得赤柱, 當然會去沙灘. 本來只係諗住玩下沙, 點知玩下玩下, 最後阿仔落埋海玩水~今日係阿仔"處男下海"啊(第一次落海)! 阿仔玩得十分之開心

mamee

mamee

hinhinmummy

oh..真係病左, 好慘啊.
又發燒又發炎, 都係要食抗生素. 病其實最緊要休息多d, 聽日拿sick leave啦. 快d好返, 唔係野到......就唔好啦.

好好休息喇!

mamee

mamee

44
落水, 我當然無啦. 無謂嚇走其他泳客, 我渣機影相得架喇.

陸美媽
我無去入貨呀, 其實連街都無行. 我地9點3去到沙灘, 玩到11點之後去醫肚, 12點已經上車走人.
入貨, 梗係找埋你啦~vip客仔, 9折啊.

mamee

mamee

HelenMrs.Lau 寫道:
1010 LUNCH 韓國燒烤：
（1）HELEN
(2) caroleks
(3) mamee
MAMEE: are you ok today

Helen

Pls check pm.

mamee

mamee

justjust 寫道:
no la, hinhinmummy,

they open a new store in Central recently.  

1002 Century Square, 1-13 D'Auilar Street, Central, HK (above Page One bookstore)
M-F 10:30-19:30
Sa,S,PH 11-17

suits me better as my office is in Central.

justjust

上面地址果間, 我都有上過去, 鋪頭名叫Honey B. 中環果間我會話主力係賣Honey B傢私, 另一半先係賣玩具, 唔係太多玩具囉.

如果兩邊本來都唔近, 又真係想睇玩具的話, 都係上番銅鑼灣間Stepping Stone好d.

mamee

mamee

justjust

生日快樂啊   

mamee