好擔心...醫生話BB發展遲緩~~

mamee

仔仔今日返半日, 轉個頭又要揍放學. 仲有丁丁咁多時間都要入黎傾下計.

678
你都住沙田架? 新地市開幕有無放煙花, 呢個無印象. 不過肯定係沙田睇過煙花, 仲記得企係近富豪出面, 城門河旁邊, 望住第一城方向睇. 好記得呀媽睇到嘩嘩聲

kakab105
大囡同細仔差9年=大囡都有11歲=下次睇真啲你先~嘻

JOANNA722
乜世界真係咁細, 定應該講"我地有緣份"?
你同呀詩住第一期定第二期? 我住第一期呀. 街市啲魚翅魚肉, 梗係有食過啦, 真係好鬼好食!!
你同呀詩唔係又讀沙官小同沙官中嘛? 我就係囉. 如果連學校都讀埋同一間, 就真係好驚訝.

hinhinmummy
黃姑娘好多呢道客仔架..其實係由我介紹先, 之後你又幫下手, 攪到差啲變左bk單市生意. 我老公笑我應該問黃姑娘拿commission/叫佢收平啲, 不過梗係無啦. 自己真係以平常心介紹下, 唔係有心幫佢宣傳.

mamee

mamee

tin_tin

過左去就算. 其實你都好辛苦, 又要返工, 放左工又要忙屋企啲野.
講到單字, (我覺得)實識講說話, 差在追得快定慢.
in親幼稚園唔收, 咁依家係咪跟住哥哥讀同一間? 如果依家無返學, 就俾佢讀住無乜名啲幼兒中心先. 話晒細仔都識講單字, 通常啲幼兒中心都實收. 等仔仔返學見多啲人, 學下同小朋友相處都好嘛.

至於評估後幾時見社工, 呢個我唔識答, 因為仔仔啲事係2年前既事. 或者你打電話問下.
S位=特殊學校.
I位=兼收位. 即係係某啲普通幼兒中心裡面, 額外有幾個兼收位. 1個兼收位老師對6個兼位位學生. 但其實兼收位學生絕大多數時間都係跟住大隊上堂, 除左每當有社署派st/ot去學校同小朋友做訓練時會離隊, 又或者每日兼收位老師同兼收位同學做訓練時離隊, 大概20分鐘.

學校方面, 幼兒中心全部都係返全日. 不過要有定心理準備, 幼兒中心既環境設施地方, 一定唔夠普通幼稚園新同大. 我覺得乾淨就ok啦. 另外, 我其實唔敢講何為好既幼兒中心(指兼收位方面). 我剩係會話, 仔仔間學校既主任老師同嬸嬸都幾好人.

我覺得, 可能的話最好繼續自費同仔仔上訓練. 一來自己可以陪到小朋友做訓練, 二來最重要係自己可以學到點去教佢.

夠鐘去接放學, 下回再講.

mamee

mamee

kakab105
年少無知..咁最緊要你先生對你負責任, 你兩個大人對個小朋友亦負責任(教養). 旁人, 你媽媽爸爸除外, 都唔講到啲乜野. 咁突然, 你地應該都好吃驚.
其實我仔仔班裡面都有個幾年輕媽咪, 依家應該22(舊年佢話佢21), 囡囡3歲半=都算早生bb. 不過佢地兩公婆都好錫個囡, 個囡亦好乖. 個媽媽仲餵左成年"媽媽奶", 之前又見佢去鋪頭學織冷衫俾個囡, 好有心機揍囡. 年輕亦可以係好媽咪,  不過我估會好辛苦囉.

hinhinmummy
介片, 就係咁上下. 我仔仔之前都差唔多, 突然起身摸住咕咕, 行近個potty, 就等如想去架嘞. 冬天都介到, 軒軒真係大個左咯.

678
生左仔仔之後, 真係好少過沙田. 不過我呀媽都嫌沙田實在太多人而唔去新城市.

mamee

mamee

tin_tin

其實我仔仔都鍾意留意住燈柱, 雪糕筒, 安全島(唔知係咪咁叫, 黃色既呢). 一見到, 佢就會問: 有幾多個xx呀? 亦在意啲門. 有陣時坐車見到安全島上面啲數目字, 都會讀俾我聽. 不過都算啦, 話晒佢識講說話唔係好耐(2歲11個月先真係講說話, 之前講左11個月單字), 所以都"忍左佢". 唯有盡快轉移話題, 講過第二樣.

我仔仔咁耐以黎, 由協康開始都係一個禮拜上一堂. 我諗差不多, 佢教完既野, 我地都要繼續每日教下, 俾啲時間仔仔去消化. 其實黃姑娘啲booking都好full.
你仔仔呢?

mamee

mamee

JOANNA722

...好驚呀, 你究竟係邊個?
我係讀官小下午班架, 亦係住"豐"呀, 住1x樓. 都唔緊要既, 我小學時係個好乖既學生, 中學就差啲囉(讀書), 有用功架, 不過都唔叻之嘛.

mamee

mamee

呀仔放左假真係無晒時間.

tin_tin
唔知有無記錯, 有位承承媽媽個小朋友好似就係參加香港痙攣協會的言語治療. 好唔好真係好難就咁講. 我覺得上st就好似睇醫生, 人"甲"人緣. 可能睇邊個醫生(st)最後都會好番(有進步), 不過就係多定少既分別. 別忘記, 最緊要我地都要用心上堂, 學下個st點教仔仔, 跟住係日常生活裡不斷再教.

陸美媽
恭喜晒!! 講說話就係咁開始, 睇黎仔仔好快又會有驚喜俾你.

以我仔仔小呀哥身份, 相對你地2歲3歲頭既小朋友(加上佢已經上左st一年半), 佢係識講"恭喜".
我教佢最招牌, 最有用果句"恭喜發財". 收左利是要講"多謝". 不過"多謝"呢句要提水先識講(提佢, 收左利是要講乜呀).

另外, 近期既佳句係: 嘩..百佳至抵(廣告對白).
其他的, 就今日飲茶再講.

mamee

mamee

好高興justjust, tin_tin, 12312同hinhinmummy既小朋友, 每人都送左"禮物"俾媽咪(有進步就等如係禮物).

其實我仔仔舊年收利是都會話: 唔要; 今年就好啲, 會話: 媽咪收埋去.

初一初二去拜年, 見到某一兩個親戚, 都聽到些說話.
舊年唔講說話就話唔講說話, 今年叫做識好講說話, 又話"做男仔唔可以咁怕羞", 唉..真係. 不過算啦, 都係一年見一次.

仲有幾日假期, 希望大家都同小朋友玩得開心d.

mamee

mamee

各位好

我亦返左黎. 仔仔放左10日假(聽日返學, 依家瞓緊), 真係俾佢玩到殘.
尋日同埋婆婆舅父仔地過澳門玩, 真係朝7晚11係咁玩. 係酒店就唔瞓, 5點幾係街就要瞓, 等我抱足佢45分鐘, 雖然唔係肥仔, 但都有39磅呀!!

聽日會去學校見學校個st, 同我講中期報告=放假前仔仔做左個中期評估, 聽日返學校接成績表. 唉..我自己其實就唔係太喜歡聽到任何評估結果.

mamee

mamee

拿左成績表, 都ok喎.
個評估係上個月做, 果時仔仔3歲10個月.
評仔仔理解有3歲4個月, 表達反而有3歲7個月, 即係慢左3-6個月. 好耐之前係慢9個月架.

通常係理解叻過表達, 但今次就調轉. 我咪問下個st點解.
佢話: 份評估裡面, 有啲問題比較長同複雜. 而呀仔就一如以往成日唔係幾專心, 所以遇到長問題時, 好多時候就會聽漏野. 而答錯一部份都會無分, 變相理解得分反而差過表達.

另外個st亦講, 仔仔係做評估,或者一對一做訓練時, 表現就會好啲. 但係好多應該識既野, 就唔多識應用係日常生活裡面, 叫我多加留意, 多啲教佢.

都算係咁, 希望今年可以改善到呀仔啲脾氣同行為>呢個係我今年既願望/目標.
大家都要努力啊!

mamee

mamee

kakab105

我"儲左好耐錢"架, 依家先叫做有啲回報.
第一次評估係22個月大時做, 當時話呀仔得1歲仔.
一年前都仲係話慢9個月, 今次就有進步.

如果我係你, 目標梗係叫媽媽先啦.

mamee

mamee

hinhinmummy
哎呀..軒軒出水荳, 今次真係辛苦晒你同軒軒. 希望軒軒快啲好番.
我仔仔都未出(希望唔會出). 返左N1後, 見隔離班有小朋友出, 先拿拿林同佢去打針.

mickeyma
Eye contact果道, 我都係用你既方法.
有陣時遇到佢有要求的話, 我要佢望住我講, 我先俾. 因為知佢已經識講, 咪要求佢做到望住我講. 呢輪望得自然好多, 之前佢會用手撐住對眼講, 都幾好笑. 彷彿講說話同望人係唔可以同時co-operate, 可能腦裡面某個function有問題.

貼紙係送外賣時貼係食物盒外面.
最初係我地貪玩貼落佢道(我同老公有時都幾過份). 無幾耐一有外賣送黎, 佢就要求要啲貼紙, 然後自己貼係臉道. 佢會自言自語話貼係眼道, 鼻上面等, 又會走去照鏡, 好似好好玩咁.

對仔仔, 我地都係期望佢可以過到正常人生活. 我估應該得既, 雖然同其他人比較, 個人同行為可能怪啲. 其他既都係見步行步.

mamee

mamee

對於小朋友發脾氣, 我覺得..第一樣, 就係我地唔好失控. 打呢, 好似無乜用, 又怕佢學埋打人呢樣野. 同埋打完佢, 我自己就會極度情緒低落=失多過得.

我都係俾時間大家冷靜下.
我口頭上會話: 你喊啦, 媽咪唔怕你喊, 喊係無用. 之後扮唔覺係旁邊睇實佢, 如果見佢好似有啲意思收聲, 我會俾張紙巾佢, 叫佢擦眼淚, 之後講幾句對白完場=發脾氣唔啱亦無用, 你頭先咁xxx, 媽咪好會傷心. 總之, 見好就收. 俾佢喊得太耐, 我怕佢根本唔記得左發生乜事, 事後亦講唔番道理.

仔仔2歲幾時, 我都覺得好痛苦, 可以話直情唔想出街. 大過仔d, 情況會好d.

mamee

ps 想講既說話, 其實同稚言治語差不多. 不過佢專業d囉

mamee

陸美媽

會唔會係講: 下個月仔仔"升唔班"既事, 再跟手叫你俾多d機會仔仔學自理咁呀?
我亦有估: 會唔會係派左I位呢? 你未知住, 但學校就被通知左.

mamee

mamee

陸美媽

我亂估架, 亂估千祈唔好當真. 哎呀..嚇親你添.
粗俗d講句: 煮到埋黎咪食囉. 見招拆招. 呢種態度你要學定.

笑下啦, 趙老師好好人, 唔駛擔心喎.

mamee

mamee

陸美媽

呢個"雪印"問題, 我都識答..因為12312仔仔食緊既係澳洲雪印, 你仔仔食緊係日本雪印, 兩隻唔同架. 我仔仔以前都係食澳洲雪印, 前一輪剛剛轉左牛欄牌皇牌.

mamee

mamee

four 44
d人話食左抵抗力好d，但我亞仔唔食次次都吐出黎~~

我個仔都係, 唔肯食呀.

mamee

mamee

陸美媽
我記得3號仔食1-3歲, 有隻4號仔就4-7歲架喎. 嘻~都唔知邊個啱
我轉奶粉係貪食牛欄牌皇牌, d便便好好嘛.

four44
我自己無食, 仲係櫃道. 可能俾婆婆啦(我媽咪), 老人家都好需要營養嘛.

mamee

mamee

four44
oh..我會望下架嘞, 多謝提醒.

陸美媽
我諗都係我攪錯多, 嘻嘻.

mamee

mamee

tin_tin

Hello..你又咁夜.
其實我差不多去訓, 通常我會12點前訓. 因為呀仔聽日6:30/7:00就會起身, 係我耳邊唱歌, 講Noddy劇情.

選左I位學校未? 我竟然係灣仔協康撞到個舊同事, 佢帶仔仔上去做st. 我見到佢仔仔係返緊西區婦女福利會鴨利洲幼兒園. 本來諗住今日幫你問下, 點知今日得番姐姐同個小朋友黎, 個舊同事今次無去(佢要返工).

真係要去訓, 你都唔好太夜訓.

mamee

mamee

12312 & 陸美媽

sorry..sorry..十成十係我攪錯左

mamee