05年入讀主流小學的障礙兒童家長~請進!!(PART 2)

rachaelmum

Stellacl,

謝謝您的祝福!

您仔仔學校的中文默書範圍都好大喎, 平日默書範圍? 咪要溫好耐?

我囡囡學校通常每星期一次中文默書, 一課詞語, 一課課文, 由一年級到現在三年級如是。而默書前幾天會抄課文一次交功課, 我就順便幫囡囡讀默當溫習。

rachaelmum

Stellacl,

莫講話您個仔仔, 我囡囡在今個學期都有出手, 不過我們的小朋友"出手"好多時是出於正義感(簡真當正自己是超人的化身)!

今年開學第一個月, 老師發現亞囡總是在學校追打一位高年級的男仔, 而該男仔沒有還手但就一路走一路避我囡囡, 老師同我講該同學都係屬頑皮一類, 而亞囡就最愛為別人抱不平,後來老師都有教囡囡有事發生一定要同訓導主任講由她來主持公道。 後來我同囡囡講番這件事, 她話那個高年級男仔是學校的小霸王, 時常欺負同學, 她要主持正義喎! 我再問番佢mug您唔驚個男仔打您咩? 佢話自己生得高, 一定夠打唔使驚, 死未!

rachaelmum

Stellacl,

聖誕會到那裏旅行? 祝您們一家人玩得開心, 聖誕快樂!

還有好多謝您咁有心, 給我們提議咁多好玩的遊戲.

引文:

給你參考一下, 但因為我23-26不在香港, 所以怕協助不了你.....  ...有無其他媽咪可以幫忙的 ? sjmama太辛苦了...

  

rachaelmum

Joeymama,

您仔仔退了燒未呀? 希望他今朝已冇事可以返學參加聯歡會。 如果仍然會到disneyland, 記得幫仔仔囡囡戴頂冷帽,
今日好大風, 不要吹親個頭否則好容易頭痛發燒架。

rachaelmum

Joeymama,

仔仔囡囡真係陰公, 病完一個又一個, 希望他們好快冇事, 有一個開心愉快的假期, 我知道您為他們已安排了好充實的節目呢! 我今天放工後都要去診所幫亞囡配定些傷風退燒藥看門口。

仔仔假期功課多唔多, 我亞囡就好多喇, 還要是放完假後第二星期就要考試添     

您地就好啦, 我之前去disney是和學校一起去所以都沒問kmwun申請assistance card, 所以有些遊戲都沒有玩到

rachaelmum

sjmama,

我好明白您為孩子之旅真的投入了很多時間和金錢, 不過我們的孩子的表現就往往出人意表, 無計啦! 唔開心都一日好了! 今天是平安夜要開心番啦!

22/12那天我囡囡學校開聖誕聯歡會可以穿便服回去, 囡囡特別扮得漂漂亮亮帶了一大袋禮物回校送給同班同學(她話要做santa clause), 原先我都想她會開心順利地渡過聯歡會(她好容易在人多的地方例如禮堂鬧情緒), 點知就因為大抽獎時抽不中而大吵大鬧發脾氣, 放學時同學講給我們知時真的好upset. 心裏總會嘆氣為甚麼我們做幾多預備功夫也好, 但臨場時總回"出事"呢


各位:

祝您們及家人有一個開心溫馨的聖誕節!

rachaelmum

ALAL,

說得很對呢!     

ALAL 寫道:



It is important that our kids are improving! And they need time to improve.

rachaelmum

Stellacl,

Pls check pm, tks!

Rachaelmum

rachaelmum

wewangwang,

您仔仔好犀利呀, 最近我在明珠台/國際台曾看過一個節目講一些小朋友雖然某些能力好差但音樂方面卻有驚人的天份, 所以將來您仔仔也可能是個出色的音樂家呢!

今個聖誕紅色假期除了26日外, 每天囡囡都要做2個多小時的功課, 最慘現在還有好多未完成, 真的不明白為甚麼學校不讓學生在假期時做些讀書報告或寫寫日記之類? 似乎現在是放假還要比返學辛苦!

不過講番d開心的事, 26日我們一家三口到了大尾篤,看完日落才走, 已經很久沒有到郊外, 所以感覺好舒服, 好溫馨!

rachaelmum

wewangwang,

大家咁話   

wewangwang 寫道:

雖然27號和你第一次傾計,但感覺是一見如故

rachaelmum

ALAL,

請check pm.

我囡囡都係咁喎, 由細到大都不願意唱學校的歌, 叫她唱最叻話唔記得左, 但最近看到電視有播聖誕歌的廣告, 會講自己在學校學過重大大聲唱出來, 雖然聽起來好似張柏芝唱緊歌咁,但我和daddy聽到都會互打眼色相對而笑!

ALAL 寫道:
今天我也有喜事﹐仔仔在幼兒園時教十首歌有八首都無識﹐但不知是以前幼兒園太差﹐或是現在的音樂老師太好﹐他竟然可以唱出他在音樂堂學過的歌給我聽﹐我心想﹐足之有一課是不用我和他溫習的

rachaelmum

wewangwang,

請check pm.

Happy New Year!

Rachaelmum

rachaelmum

各位,

願通過我們大家的努力, 每位孩子都有他們一片天地! 發揮他們的優勢或潛能!

還有, 好似kmwun咁講, 最緊要健康快樂   

rachaelmum

Joeymama,

歡迎您回來, 您唔係度呢度特別靜呢!

囡囡話要學溜冰好耐了, 是否有"耐性"的教練介紹?


Stellacl,wewangwang, alal,

亞囡都學了鋼琴差不多3年, 一樣沒有考琴試, 由於她大小肌協調有困難, 所以我們對她彈琴就沒有太大的要求, 只希望通過學琴讓囡囡學習耐性。

stellacl,

好似我亞囡這些好怕失敗又脾氣大的小朋友, 上圍棋班騷擾性大嗎? 會不會成日俾導師投訴架?

rachaelmum

joeymama,

我真係要好好考慮下時間點安排好, 因為星期六,日已經安排得滿滿了:

星期六:上午返畫班, 下午返小組
星期日:上午學琴, 下午學游泳, 回家溫習應付每週的中英文默書

至於圍棋只是我自己一廂情願希望幫亞囡訓練下EQ,不過她話冇興趣喎,所以我都唔迫佢。

講開學琴初初的階段都不容易捱架, 囡囡話好悶又唔肯練琴,以前我都講過自己 到琴書都撕爛埋, 同亞囡講不如唔好學啦, 後來亞囡偷偷從垃圾桶執番本書後好似真係"生性"左, 雖然偶而練琴或學琴都會大發脾氣, 但當隻歌仔上手又會冇事了, 我不期望她能公開表演但見到她能彈下歌仔我已經好開心   

rachaelmum

wewangwang,

您都好呀,亞仔淨係詐病唔返學(亞囡呢一招成日用我已經唔上當了), 她居然在今個學期初去到學校門口扭計, 哭晒仲大大聲話最憎返學, 最慘當時校長企正係門口度(校長是今年剛接任的,對我們的A仔的情況並不太熟悉), 我們兩母女就係門口扯來扯去,  幸好危急關頭救星到(融合主任)至攪掂亞囡入番學校, 但我望住校長時真係面x到揾窿捐

rachaelmum

kmwun,

我每次收到來電顯示是學校打來的電話便有"奪命追魂call"的感覺, 未聽電話心裏已經會唸唔知今日又闖甚麼禍呢?
我都知咁樣唸亞囡真係好唔岩, 對佢冇信心

Stellacl係"淡淡定有錢剩"的人, 我想應該唔會好似我咁騰雞(趁Stellacl唔得閒上bk笑下佢先 )

rachaelmum

Stellacl,

亞囡都係咁喎! 唔通係AS/HFA小朋友"解讀過度"的特徵?

所以我囡最怕就係做數學功課簿的, 因為太多格式要遵守, 測驗或考試成日扣分就是這些地方,太多careless mistake

同埋好鍾意心算, 看條橫式來計就冇問題, 一用直式就眼定定,唔知自己做緊mug, 做卷就一味快,做完就畫公仔, 永不會覆卷

stellacl 寫道:


(2) 第2個問題係佢諗野經常會轉牛角尖, 例如一條很簡單的問題 :
(?) + 12 = (?) + 7  答案係照抄 7+12 = 12+7
唔知佢點解會諗左一條算式 : 4+12=9+7    

有時真係唔明佢個腦係點樣構造

:evil:

rachaelmum

joeymama,

我囡囡久不久都會話唔返學, 上學途中有時是用口講話返學好悶, 不如返屋企訓覺, 但都試過幾次係學校門口扭計, 今年也試過3次入了學校又走返出來跟住我話唔返學, 都攪到我很upset架!

所以, joeymama都要慢慢同亞仔溝通下為何唔想返學, 是否學校的學程太深太辛苦, 同學之間相處是否有問題, 如果都不是的話, 應該是一般小孩子扭計, wewangwang的仔仔和我囡囡都試過詐病唔返學, 你不用太擔心, 你不妨同老師了解下仔仔係學校的情緒是否開心, 有時佢地返到學校見到同學仔又會冇事了

我而家會係返學時同囡囡講一些佢鐘意的話題, 例如她喜歡的故事又或者學校曾經發生有趣的事和同學, 等她帶著愉快的心情去到學校門口上學。

rachaelmum

stellacl,

知道您仔仔近日愈來愈進步, 而學校的老師又肯花時間在仔仔的身上, 真是好鼓舞呢!    希望我們這裏的媽媽所花的心血沒有白費, 每個小朋友都健康快樂地成長, 在人生路途上總能遇上欣賞他們的伯樂。

講開畫畫, 我囡囡d畫都好好架, 不過並不表示學校的美勞科成績好, 一般都係70-80分, 因為太有性格唔肯跟隨指示, 鍾意自由發揮, 我樣樣都會執得緊, 唯獨繪畫我就由得佢讓她有宣洩的空間。