剛１歲證實發展遲緩（6歲放棄主流，入讀體障）

methy

我信困難既日子會過去既,不過唔知幾時。

都叫做有樣野開心下,就係本來2009年尾排既遺傳科,要2013年先有得睇,打去問可唔可以提早,又好彩有個空檔,今年年尾有得睇,睇血報告，到時知道阿仔有無遺傳病。

methy

老公同阿仔去左個一日既協康playgroup, OT主持既,阿仔係唯一一個唔識行。
活動內容: 玩太陽傘、OT器具等，一人一份玩具自己玩下，之後再同其他bb交換玩，有d穿朱仔玩具。食茶點,bb拎spoon "筆"栗米片黎食，阿仔小肌明顯比其他bbs差."筆筆"下唔得,改用手指拎黎食，飲水(杯仔)最叻，最快飲完高舉再加bb音示意飲完。活動完大家散band~浪費左個OT，等我以為佢可以比d專業意見。

我聽完都覺得悶,各有各玩，加上阿仔未識行，本來打算試完ok,之後報十幾堂既playgroup。睇黎又要再搵下其他。

邊到有d arm我仔能力玩既playgroup 呢!?

[ 本帖最後由 methy 於 11-7-27 17:31 編輯 ]

methy

原帖由 波蘿包1 於 11-7-30 23:30 發表
methy 你講個協康會係咪私人?個網頁話一堂要成幾佰蚊   

唔知係咪叫私人,$220一次，帶既係OT,佢既專業唔似幼兒工作者咁識得控制個流程,做就做哂佢要plan既野,不過一班小朋友無互動，又無OT既專業意見。

我搵左另一個機構既playgroup.資助機構攪既,朋友介紹話個幼師hold得好好。8月玩幾堂。

原帖由 123mummy 於 11-7-31 12:46 發表
Agree!!! My son has development delay as well and was arranged for PT at a public hospital. There were few kids being booked in one session and they are not professional enough. I totally understand ...

我阿仔轉左另一個PT跟,佢肯聽下意見,改一改流程,阿仔由喊足全程變成唔多喊,我就由得佢返醫院做運動，始終醫院PT難排，唔想無左個support~
你阿仔全部私人治療師跟?

methy

原帖由 波蘿包1 於 11-8-8 00:22 發表
methy
之前我都諗住搵半日N班比阿仔,我住元朗區,得6,7間 搵唔岩比阿仔,我決定左比阿仔反2-3歲學前班 一星期反3,4日每次2個半鍾,又要做物治,反全日N就唔太岩我,有樣擔心一報左堂先派到位咪浪費金錢,仲之報唔報都煩:na ...

學前班? 有d咁既班架。無話浪唔浪費既,未派到位前,都要比阿仔學野,時間過左就無,錢可以搵返。
我報左4間幼兒園,有一間報名幾日後就叫我阿仔面試，我話阿仔2歲都未夠(未想講話佢未識行)，個職員話攪錯左,叫我地係阿仔2歲時都未收到電話,就call佢地，提一提約面試。

上左第一堂playgroup,由幼兒導師帶，氣氛好好多，阿仔頭４５分鐘好開心．原來佢聽到明好多指令，比我想像中識得多野，要用腳既活動當然係由大人拖住。過程中有幾次要一齊去洗手，阿仔對個自動出水既水龍頭好有興趣，去洗第３次手時唔肯走，拖佢繼續上playgroup,扭哂計，扭到要抱阿仔離開現場。

methy

阿仔返醫院OT已經返左兩次,個治療師真係好得呀,好有心機，一間房,一對一,主要訓練小手肌，阿仔坐定定玩玩具，全程唔喊,係尾段同佢玩大肌(四點跪)就喊哂口。

8月阿仔每週節目豐富、行程緊湊:
星期一:上午醫院PT;下午醫院OT(隔週)
星期五:上門PST
星期六:推拿
星期日:上午playgroup;下午游水

歲半人仔,"節目"多過大人,好彩阿仔又頂得順之餘,仲幾enjoy。大人放假無哂自己時間

methy

原帖由 kokoalex 於 11-8-13 23:20 發表
耀能既playgroup終於有位...仔仔9月開始每個星期1及4都要返2hrs,希望有用啦~

有得返playgroup,好開心呀~
返2小時,都幾長~
我阿仔返個半鐘playgroup,第一堂一到茶點時間已經落watt,好扭計，第2次就好小小。

原帖由 波蘿包1 於 11-8-15 11:48 發表
聽講N班可以掐班

如果有位既話可以插班。你報既有無位?

methy

原帖由 berrysuki 於 11-8-15 15:57 發表
你地好呀, 我啱啱先睇到呢版,見到各個媽咪咁有經驗, 想問下, 我個女而家十一個月大, 仲未識企, 淨係識爬爬下(肚貼地), 有無問題? 駛唔駛去做評估?

兒童成長里程
大肌肉發展

• 成人雙手抱嬰兒盆骨，並向前傾斜時，嬰兒能主動伸手按地（6個月）
• 坐地時，能保持平衡30秒，並能用雙手嘗試取玩具（7 – 8個月）
• 能保持四點跪，並伸手向前取玩具（9個月）
• 獨自站立5秒（9-12個月）
• 扶著傢俱，由坐至站起（10-12個月）

如果你擔心，可以返健康院比醫生睇下，等自己安心ｏｒ早ｄ發現早ｄ開始治療，追返發展。

methy

原帖由 berrysuki 於 11-8-16 09:49 發表
唔該哂, 其實6個月個時醫生已經話差少少, 叫9個月再返去健康院, 到左9個月去到, 原來係見護士, 佢做少少野就話呀女唔差, (樣樣都剔, 但其實當時呀女連坐都唔穩), 跟住下次咪1歲先返去睇lor, 我見到原來bb都要做咁多 ...

如果你唔堅持要轉介，佢地通常都會"觀察一排"，有d細路真係追得返，佢地見到多,當然無我地做阿媽既咁緊張既,自己仔女ma，好難唔緊張。
多唔多訓練,睇需要既姐。你1歲返健康院要求轉介先,咩都排左先,如果你睇哂我個post,你就知道政府治療(PT &OT)排好耐,另外想入幼稚園前追返既早期訓練(E位)及特殊幼兒中心(S位)，要排年幾以上，so排左先到時需唔需要唔要入一件事。
未入到呢d位&政府治療,唔想浪費治療黃金時間，就搵資助機構入面既自負盈虧治療服務(e.g.協康)。未有政府治療前,我係 $7xx- $1xxx/小時,咁比阿仔做訓練的，好肉尺,但無計。好彩今年6、7月慢慢有政府治療，每次$60/小時,當堂減輕左好多經濟壓力呀。

methy

原帖由 berrysuki 於 11-8-16 15:49 發表
多謝你既意見, 我打算下個月(呀B1歲時)去健康院再同護士講, 睇下佢可唔可以幫我排D評估/訓練, 係咪可以叫埋佢排定E或S位(因為咁長龍)?
我剛剛找到協康青蔥電話, 打左去問, 佢話要排隊, 未知幾時有, 除左呢間, 仲有 ...

程序係:
健康院轉介-->(一個月左右)第一次見CAC護士----->半年後見CAC醫生,轉介PT &/orOT, 並安排 排I / E &/or S位，排至少一年再入讀(之前會再見一次醫生)I/ E &/or S位。

以我所幫襯過既,最平係協康。


轉介流程圖:
http://www.dhcas.gov.hk/tc_chi/health_pro/develop_dis_dd.html



[ 本帖最後由 methy 於 11-8-16 16:28 編輯 ]

methy

原帖由 berrysuki 於 11-8-20 10:22 發表
我當然唔係想仔排左先算, 我都想佢無問題, 只是阿b出世後已因頭大,氣管,呼吸等問題穿梭醫院做不同檢查(抽血, cp, mri等), 加上佢表現落後我至開始天更擔心遮... ...

一出世就出入醫院，真係鄧你同阿仔辛苦。

個個媽媽都係為自己仔女憂心，做自己認為arm既野，有無問題,唔係我地話既。delay 呢個term 好廣闊，delay幾多先需要排I/E/S位，係由專業入仕決定，我地做父母又無見咁多細路，無相關知識，唔知自己既小朋友係咪真係需要呢d額外服務。

我能力上可以為阿仔做既就係正視問題，及早轉介，早d排服務，入服務前都要再接受評估，到時唔需要服務既話，家長放心哂，個位自然分派比其他輪候緊既而有需要既。

methy

原帖由 波蘿包1 於 11-8-16 17:55 發表

而家阿仔一星期上3堂學前訓練 等阿仔2歲程度去到邊先決定搵N插班 如果無就搵多間2歲學前PG 比阿仔上,到時成3千幾蚊一個月,好彩有千幾蚊資助幫保下

私人s位嗎?阿仔上完有咩改變呢?如果我阿仔識行,我都想安排佢返。

每月既傷殘津貼,心理上幫輕下,真係幾好。

methy

私人s位= 私家3T既服務.當然叫得做私家就梗係貴,一個月學費要$8xxx。

阿仔返埋playgroup都夠了.佢可以學到常規、禮貌、跟指示做野&社交，而佢又enjoy,我已經好開心。
因為PT、OT都係一對一，阿仔只有返playgroup先學到同其他小朋友相處，認字既野我唔急。

methy

原帖由 berrysuki 於 11-8-22 10:52 發表
我啱啱趁阿女兒睇病時同醫生講, 醫生check左一陣, 跟住就話可以寫封信俾我去醫院物理治療睇下, 信就交左, 不過姑娘話遲d先電話通知個期, 唔知排幾耐先有得見呢? ...

唔知你係邊間醫院.我新界西,舊年12月尾排醫院物理治療，今年4月電話通知6月頭有得睇，最後今年6月中正式開始睇，排左半年多d~

[ 本帖最後由 methy 於 11-8-22 11:42 編輯 ]

methy

原帖由 波蘿包1 於 11-8-31 14:33 發表

你阿仔識講野未??? 而家20個月媽媽都未識叫 其他人又比壓力我

都係mama,daddy,波波.車車,姐姐,哥哥.基本用語,暫時夠用，我無加強.我只想佢快d識行,佢越來越重,連企都未得，好唔方便。
識人d仔一係好早講野,一係遲d識講(2歲之後),之後把口唔停，如果佢明白你講咩,就唔使太擔心,睇下健康院有無建議?

原帖由 urme1997 於 11-9-1 14:47 發表
各位媽咪 & 小朋友

今日囡囡正式返幼稚園第一天, 終於告別 S位勒, 一切都算順利, 我祝各位小朋友學業進步、身體健康 ^^

好叻女呀~返幼稚園第一日有無喊呀?

methy

阿仔20個月,終於都"突然"識得由瞓轉坐，佢做到時自己都笑笑口拍哂手，下一組目標動作係屈腳起身,而唔係用上臂力拉自己起身,唔知又要幾耐先學識呢。

協康既playgroup終於都排到,上星期去參觀中心，雖然佢未識行，但智力唔覺有問題,so導師編阿仔入正常組，話對佢身心發展好d,9月中開始。

methy

排左心橋既言語治療服務，前一日通知，突然有位做評估。
１.開頭比一個類似煮食器皿，入面貼了火鍋食物．比ｄ可以”meet”既食物，引阿仔放入去，再教佢炒，再剷起食物上碟。阿仔未玩過，姑娘示範左佢都跟到。

２.之後比匙羹、叉＆碟，要佢拎匙羹　or叉比姑娘，佢認到匙羹，好快都識比．叉少見ｄ，要提示先比到。再黎係用刀切食物，示範佢睇都照做，目的係睇下佢工具的認知＆運用。

3. 之後姑娘拎佢一套既評估玩具出黎，等佢自己玩．睇佢既聯想能力

1.公仔、梳、匙：阿仔都識拎梳同公仔梳頭，再梳自己，之後拎起匙羹餵公仔食野

2.木枱、木椅、碟、公仔：阿仔見到張椅，好開心咁敲，之後都識將碟放上枱。但唔識將公仔放木椅上，扮食野。

3.車、公仔：一見到車就最開心，推住玩，要提示邊個搓車，先將公仔放入架車入面
4.小童床、枕頭、被、公仔：阿仔見到長方型既枕頭，開心咁拎起玩．呢套玩具佢聯想唔到，係要將公仔放上床　＆幫佢蓋被．．

治療師建議同佢玩多ｄ呢類遊戲．過程可以學多ｄ物件名稱．工具運用，只係比架車佢推黎推好學唔到野。
結果係：專注能力良好，１０個字時間可以坐定定
　　　　目光接觸＆溝通意願良好
             物件概念＆模仿能力一般
             最差係玩玩具技巧
語言理解要加強簡單詞彙、配對，學多ｄ手勢表達，除左手指指，要學伸手表示要物件、學有ｏｒ無、係唔係等理解問題
學講野之前，要識多ｄ物件先有能力表達．如果唔係就好似我地學外語咁，聽左ｄ發音．但唔知係咩，自然就唔會講。

建議參加小組、言語治療訓練，都會繼續排服務。

methy

幾日前覆診了遺傳科，醫生問下懷孕次數、同阿仔影張相，做下簡單檢查，望下阿仔個樣，話阿仔額頭突，即場再抽血驗基因病。

我話1歲時醫院都抽左好多,佢話佢地同醫院驗既野又唔同，問醫生驗左阿仔有野有咩跟進，佢話如果係"嗰種基因病"就要同我抽血，睇下我係咪帶有呢種病既基因，如果係,下一胎生仔就會好有大機會有問題。
報告要等4個月

methy

阿仔已經21個月了，10月開始,佢既生活日程更加豐富，不過佢全部都享受，當去玩。
星期一:上午playgroup;下午醫院OT
星期三:醫院PT
星期五:上門PST
星期六:推拿+心橋言語治療訓練
星期日:親子游水班

大肌:扶sofa、牆周屋走.四點爬已經好靘,不過慢d，雙手拖住，行得快.單手拖,可以行幾步，企可以維持數秒,推豬仔車,可以行下飢下控制架車。

小肌:進步左好多.醫院OT覺得問題唔大.係動作未夠fine,疊杯杯時疊高到第3隻時就會唔夠fine推倒哂

語言:根據上門pst講,以同齡男仔計.差不多,算好肯講野.係屋企食一餐飯.佢出聲既時間估左2/3,呢排最鐘意指住自己d身體位置,講:頭頭、眼脈、鼻鼻 & 叫媽媽叫到暈。

社交:由bb到現在都無問題.鐘意笑,同d大哥哥玩、主動揮手say hi &bye,飛吻.指住我地介紹daddy/mama比人識。

整體都追得頗理想.只欠自己行路, pt話腳力已夠,平衡差小小,2歲前應該自己放手行，扶住野行既階段唔知要維持幾耐呢?

阿仔.你快d識自己行喇~

methy

就黎23個月,開始想放手行.平衡未得,不過都可以唔扶住行一、兩步喇!

言語治療上左兩堂，治療師教認知多，可能上多幾堂唔再上，上playgroup既刺激仲自然過私人教,拎d疑似水果、肉片、菜,問阿仔係d咩,之後要佢用匙"筆",一d都唔真實。

不過都學到d skills，例如輪流玩玩具.阿仔要張開雙手,表示要架車,我推比佢，到我要時又張開手.等佢推架車比我，我玩緊時,要佢學等待學專注,要睇住我玩架車，呢d細微既野,唔學唔識。

methy

原帖由 ihpekkleduck 於 11-10-27 16:28 發表
我仔26 months 都係講太空話, 終於排到心橋做評估, 想問下你覺得治療OK ?? 隔週一次會不會太耐??

我覺得ok架，我阿仔22個月大，上堂主要係比d生活既工具,例如匙、fork、之類,一路比佢認，再教佢講，我地都有做，不過去到嗰到，加埋治療師既專業引導，又真係刺激阿仔好多野講架。

我地個個星期去,隔週定每個星期,好睇小朋友既情況 &治療師既期。咁個個星期點都好過隔個星期既。

你阿仔幾時做評估呢?

原帖由
波蘿包1
於 11-10-28 00:16 發表
methy~~
你個仔仔都好叻喇
學行都叻左好多
最緊要佢有想行ge動作而家行1,2步
我估2個月到會自己識行
我個仔都係
你講個d推拿+心橋言語治療訓練係點ga?? 物理治療都係多做按摩有冇分別架??
我個仔就快23個月喇
行路 ...

阿仔有進步，佢已經好努力,唔使理其他人講咩。你阿仔都好叻呀~

推拿:全身按穴位..由頭至背咁按。阿仔雙腳之前無咩反應,打唔痛,"meet"無反應，推拿師大力按都無反應.係搵到穴位按先有反應，之後先開始識"第"腳。近日開始放手行一、兩步到，我都想佢快d識行,出街無bb車唔得。


個別言語治療: 阿仔仲細,唔係好似大仔咁執發音，而係教認知，認識物件工具的名稱，再學講,亦都學專主、輪流玩。

上完兩堂,學識運用以下動詞(呢個年紀要識用動詞):

比(伸手),切(拿著玩具刀),唔要,抱,擺,坐等.

治療師係有方法可以刺激到小朋友講野。

[ 本帖最後由 methy 於 11-10-30 22:46 編輯 ]