剛１歲證實發展遲緩（6歲放棄主流，入讀體障）

methy

呢個月,阿仔2歲5個月大,每週行程:

星期一:幼兒園暫託(2小時)
星期二:S位暫託(2小時)
星期三:醫院物理治療
星期四:S位暫託(2小時)
星期五:上門PST(1小時) +  醫院職業治療
星期六: +/-小兒推拿
星期日: 2歲playgroup (1.5小時)

methy

回復 波蘿包1 的帖子

正常幼兒園 &特殊學校(s位)暫託收費一樣，$16/2小時。
阿仔參加既pg 係大人陪同既。

你阿仔唔使再睇職業治療喇,追得好好呀~

methy

kikigal 發表於 12-5-20 23:42
我都講下阿仔近況啦.

1. 行路都係恐龍腳, 用了腳墊有了改善...

識唱歌,好叻仔呀,擔心少一樣野。
其他既都有明顯進步,大家一齊加油。

腦癱? 個OT以咩黎判斷?

我開始唔care阿仔係咩問題,有咩問題都要面對,盡自己能力,搵適合阿仔既野，比得幾多得幾多。

methy

阿仔返左第1日正常幼兒園暫託,好順利。2小時暫託,我就心情緊張得好緊要,怕佢唔適應,怕佢見到人地個個識行,佢唔識,佢會唔開心,發脾四。

接佢時,佢好開心.主任話:
1)我地離開後.佢喊左1分鐘就無喊
2)主任同佢每間房都坐下(等佢認識下間學校)參與下,轉課室時會喊一喊
3)最鐘意睇人跳舞、唱歌
4)主任放低佢比其他老師睇一陣,佢又無咩,好乖好留心老師講課,好反應
5)主任話佢發過d脾氣,抓佢,不過佢撥開佢幾次,佢就get到唔可以咁,就無再做。
6)主任拖阿仔係大廳行,佢自己扶住上sir滑梯,不過唔肯sir落黎,之後抱佢入課室玩。
7)因為第1日,佢未適應.無比佢跟程序飲水食水果,下次會嘗試。
8)阿仔好social.個個老師都打招呼。

夠鐘接阿仔時,佢笑哂口,問佢開唔開心,笑容燦爛地講:開心。其實我以為主任只係將阿仔放入其中一組,間中跟進下,我對主任既細心安排,感到非常感動。

methy

呢幾日,阿仔成日表演放手行,可以行到屋企半個廳,成日將d玩具來回sofa  &電視櫃,做完要人讚,比佢激d,,不過我真係好開心,唔使引佢行。

講野有對答:
仔: 媽媽,落雨wor.
我(望出窗)無呀,好好天呀
仔:有呀,落雨.
我:咁落雨要點架!?
仔: 擔遮遮lor..之後行去放雨傘既地方,拎起要我開...

methy

阿仔返緊普通幼兒園暫託,今日confirm左9月可以入讀喇,本來主任比佢讀下午班，因為上午班多d人手,佢話會將阿仔轉上上午班,等多d人可以幫手轉課室,我無要求,係主任主動講,我對佢既安排好滿意。

阿仔呢3星期進步左好多,行路成日放手,跌倒扶野起身再行過,講野更加係一句句黎。醫院PT & OT 都講明好快唔使再返去。

methy

回復 sarahkyu 的帖子

阿仔而家2歲半多d,,,

進步其實都可能因為訓練,比到刺激佢，又或者無關係。
發展慢個個小朋友既表現都好唔同，人地既個案可能同自己小朋友好似，嚴唔嚴重係由醫生及其他專業
係各方面做評估,,,智力,大肌,小肌,語言...每個月齡/歲數都有里程碑要達到。
已經轉介左cac,就由cac 醫生評估,再安排服務,我地未等到政府前,就去私人搵服務,。

無時間追post,我就做一個阿仔由一歲至現在的治療簡單撮要:

11個月: 被兒科醫生評估為體發展遲緩(大小肌肉慢)

1歲: 第一次cac見姑娘,同一時間透過step既心理學家轉介社署排 e+s位

1歲1個月: 睇中醫,針灸..同時間朋友介紹,協康開始物理治療及私人機構職業治療

1歲3個月:參加bb 游水班

1歲4個月:第一次cac見醫生

1歲5個月.停左針灸,開始推拿(當被動運動)

1歲5個月: 開始政府醫院物理治療,停私人物理治療

1歲6個月:上協康既playgroup

1歲7個月:開始政府醫院職業治療,停私人職業治療

1歲8個月:開始上門pst (pre-school teacher)

1歲9個月:開始基督教服務處既言語治療服務

1歲7個月:覆診遺傳科,,

1歲11個月: 睇義肢矯形覆診－整鞋墊,,停左游水班

2歲: 開始 s位(特殊學校) 每星期2日每次2小時暫託

2歲2個月:遺傳科覆診,一切正常,不需再返去,停言語治療

2歲4個月:再返cac 評估

2歲5個月:開始正常幼兒園暫託(一星期一次),keep住一星期2次既s位暫託,一星期一次醫院物理治療
                 3星期一次醫院職業治療,一星期一次playgroup,一星期一次上門pst,一個月一次推拿。

methy

回復 sarahkyu 的帖子

正常途徑:

母嬰健康院轉介cac,,,跟住cac 見姑娘,,等約半年見醫生,再安排排s/e/i位。

快d途徑:

自己搵私人機構(例如step).心理學家做評估(幾千蚊),之後佢地會將報告直接send 比社署,由社工跟進,安排排政府既s/e/i位。

咁樣就快左半年喇。之後半年返cac 見醫生,就可以話比醫生聽,已經排左喇,



如果你有睇我之前既分享,社署嗰到要跟緊d,,step 好快手,幾日內已經將評估報告比左社署,而社署應該14日內聯絡我,安排排服務,不過剛好我區內既社署未接觸過呢d轉介,將份報告放埋左一邊，要我追問,佢地先處理返。

methy

阿仔係屋企已經可以大部份時間放手行,佢真係好開心。

上星期 E位都接見左,見左社工,言語治療師&幼兒工作員,但因為物理治療師&職業治療師剛調去其他單位,接任既未返工,要下次再見。


黎緊9月,阿仔上午返普通幼兒園外,下午會返E位既訓練.暫時未知有幾多堂&做咩訓練住。

methy

真係難以決定．．要唔要個遲來既S位（昨日通知）．．

ｓ位難求．．返全日有哂3T訓練，阿仔雖然大小肌都進步，但仍然未達同齡，不過普通幼兒又園又適應得好，社交認知跟到．亦開心，放學返黎學返學校教既歌。係玩大肌活動時，佢會”靜雞雞”爬走去睇書ｏｒ玩玩具。

我估我地都係想維持原本安排：　上午幼兒園＋下午E位。

methy

通知E位主任,我地放棄了S位。社工好好,怕我做錯決定，同我一齊分析,不過知道我地已經參觀過s位& 跟普通幼兒園老師傾過,佢都明白我地既決定。

9月時間表出左:
逢星期一下午4-5pm 上小組(個時間係等阿仔返完上午班後可以nap 一陣)

-8月尾會見物理治療師做評估.再決定9月有幾多堂物理治療訓練,

-9月中就見職業治療師做評估，又係見完先知有幾多堂職業治療。

-9月有新生會+旅行。

$60/每月..無論幾多堂,收費一樣。

methy

９月返E位，醫院既PT & OT返埋下個星期就完喇，有ｄ唔捨得。




左：　醫院PT:幾星期開始放手行，物理治療師同阿仔包1KG 重既”鉛”係腳到，等佢行時要用力再提腳

右：　醫院OT:繼續練小手肌＋認知（顏色配對）

methy

昨日E位開學先，第一堂係個別PST堂,一對一，主要以認知為主，都係顏色，大小，併圖．學講野，學回應等．１小時坐定定．開心上堂。

methy

E位做哂評估

1.PST:一星期一堂，每次一小時
2.言語治療：無咩問題．無個別訓練．安排小組訓練．與同齡互動多ｄ
3.物理治療：問題多ｄ．下肢都係未夠力．一個月兩次個別訓練，每次一小時
4.職業治療：上肢唔夠力．叫爬多ｄ．小肌未得．練多ｄ．一個月一次個別訓練


暫時PST上左一堂．認識水果．入形狀積木，申珠仔．可能玩得太多，無難度．其實都幾悶。

methy

幼兒園開學第２星期．阿仔都ｏｋ．老師無咩講．只係話佢都暫託開，無喊之類，反而係我覺得佢無返ｓ位暫託時咁開心，多左反抗，唔肯刷牙．去廁所，一定要痌係尿片到，呢樣學校又話佢好乖．跟大隊ｔｏｉｌｅｔ　ｔｒａｉｎ。

E位咪一星期一次PST，其他3T只評估左，未開始訓練．下個月時間表都未有。
PST　次次都借玩具比我訓練小肌．上星期係穿珠．阿仔一ｄ興趣都無。
今個星期就係呢樣:


就咁併無問題，但一要佢拎起對應上下凸起既就發哂脾四。ｄ小手肌點先可以幫多ｄ呢？

methy

回復 cecilau 的帖子

多謝你既建議，我跟住都努力上網搵ｄ自制訓練小肌／大肌玩具，屋企ｄ玩具阿仔都玩到唔玩。

１．麵粉playdough　真係好正．阿仔自創好多野，又會講好多野：呢個係蛋糕．切”蛋糕”前唱生日歌。
　　不過佢手婉都未得，拎刀都係拎唔正，切唔到．要再練多ｄ至得。
２．紙箱：　更加多野玩．大小肌一齊玩住練

methy

E位終於出哂全部治療時間表喇：

1.PST：一星期一次個別堂．每次一小時
2.PST小組：兩星期一堂小組訓練，每次一小時，不過係安排係上午．要同幼兒園請假
3,PT:一個月３堂個別堂，每次一小時
4.OT:一個月１堂個別堂，每次一小時
5ST:一個月１堂個別堂，每次一小時
6.ST小組:一個月1堂小組訓練，每次一小時

暫時都ｍｅｅｔ到阿仔既需要．．阿仔大肌未得．PT最重要，難得個PT一星期３日先係中心，都比到３堂阿仔．真係好開心。

methy

E位家訪了～

中心三個職員：主任,OT&PST一齊上黎做左家訪．主要係了解下阿仔係屋企既情況，父母平日既管教，傾下計．問下我對阿仔接受緊訓練既期望，大家夾下。
佢地分別都將半年既訓練目標講解一次，我亦都提出希望得到既訓練次數＆頻率。

家居佈置方面．我估我已經將屋企整到好配合阿仔情況，佢地都無咩特別意見比我。

methy

阿仔明天3歲生日喇，我幾日前都坐完月，接佢放學時，驚訝佢呢幾個月進步左好多，包括離開校門，一支箭咁行，雖然行得唔穩，易跌，但我覺得好安慰，另外睇到佢叫同學仔個名，人地又回應，老師話佢叻左，證明佢好適應學校生活 。

methy

回復 djlove 的帖子

比同齡慢左d。
不過都可以用簡短句子同我對答:

我:你今日想食咩茶點?
仔:蛋糕
我:請你講全句...(我提示)唔該媽媽
仔:唔該..媽媽..我想食蛋糕(提高半個key)

我就會拎蛋糕比佢食。


佢近期講得最多既句子.例如:

1.你食左飯未呀!! (太概係因為管理員日日都問佢)
2.妹妹去左邊到呀? (妹妹一直都係床仔到.佢成日都問)
3.媽媽..我幫手換電呀 .(妹妹床頭有床飾.要經常換電.我地比佢參與.佢好期限每次幫手)
4.媽媽,我返黎喇...(daddy同佢去完街入屋第一句)