2.2歲確診語言遲緩（5歲3個月更新, 進步中)

sorjomui

20160714的老師回覆
其實暫時黎講,大囡係好似治療師所講咁,不斷進步咁,咁以同齡黎講,佢真係較弱,而家上K3係有啲吃力,需要媽媽沿途Keep住,但我好難講佢需唔需要重讀K3,我只係可以話,如果佢一上K3後,追得到的話,就唔使重讀,追唔到升小一就再吃力啲,其實好在乎大囡升K3後的進步幅度。


最後決定
阿囡今日結業日，又完成一年了，好開心阿囡的進步，老師讚大囡下學期進步追得好快，如果以現在情況，其實k3可以唔洗重讀，再加上之前同治療師傾過，我會繼續比阿囡上P1，有問題就一齊面對啦！大家一齊加油啦……

sorjomui

Shirleyloveyou 發表於 16-7-15 10:12
Jm點解打咗2017?

寫錯

sorjomui

回覆 sorjomui 的帖子

話咁快，大囡已5歲了。講返佢進度，上星期五，我帶咗大囡去見以前個私人治療師，因為有咗細細B，太遠唔方便，同阿囡進度ok，所以治療師提意暫時停咗個治療無再做，個治療師好好，叫我有時間就打去話比佢聽進度。點知佢現在開分店開在我對面約行十分鐘，再加上我家姐個仔在那裡做治療，所以上咗去比佢睇睇阿囡情況，佢無收我錢㗎，真係好好人。

見面後，好開心，今日見治療師，佢話琳琳情況理想，醒醒地，唔似以前咁，而且講好彩阿囡早做治療，所以現在ok，d字d畫都唔錯; 但好似我家姐個仔咁小三，就要d時間先可以攪好。但寫的英文字，唔跟紅線藍線，d字升咗上去或者落咗落去，有d會唔見咗，例如：This is my family. 佢會寫寫吓變咗成This my family; d中文字有時唔見咗某d筆劃或方向寫錯(雨)，有時大細不合比例。


而且我係懶媽，完全無同佢温書，更無同佢做訓練，只係同佢玩，差不多日日都帶佢落樓下玩，之前生細細B停咗1個月無落去玩，我睇到有去玩同無去玩真係有d唔同，只係1個月都有分別。

sorjomui

回覆 sorjomui 的帖子

20161121:我幫大囡揀咗間寶校，唔知對於佢好唔好，希望佢適應到同開心啦!

20161123:大囡老師打來，話大囡認多咗好多字，教1至2次就識。

20161201:
前2日，我見大囡又進步咗少少，可以前後腳落樓梯。而阿細差唔多尼段時間，又係可以前後腳落樓梯。一齊玩一齊開心一齊進步，咁我就好開心了。

20161123：
今日細囡老師打來，原來今日有k1適應會，但我唔記得咗，之後我叱佢長話短說，因為細B要飲奶，老師話恩恩係個開心小朋友，無咩負面情緒，而且好多嘢都可以自己做到，食得瞓得玩得，但最後老師加咗句，總括來講恩恩比琳琳叻，我立即打個凸，因為老師竟然講尼句，我盡量唔把她們做比較，而老師自己都將小朋友比較。

sorjomui

回覆 kiki8958 的帖子

我唔知有無分别，但阿囡真係好咗好多。

sorjomui

回覆 sorjomui 的帖子

20170120:
好開心，今日係今年學期的家長日，老師話大囡在學術上，社交上同同齡差不多，即係追到同齡。尼方面好咗但排隊差咗同多口咗，表達上多咗好多自己意見。老師仲分享咗d少少學校上d生活，話說聖誕後大囡寫嘢無咁專心，老師就話佢2句，點知阿大同佢講，假期後d嘢難咗好多，所以寫得慢咗，開始識攪笑，老師話估唔到佢咁講。

當老師講到追到同齡，我真係好感動，感動阿大自我提升能力，尤於阿囝仲細，我尼段時間真係少咗理佢哋，但仍然日日都同佢哋去玩，阿大的努力，我真係好 驕傲。

仲有阿大好鐘意人讚，當人們讚她，她會越做越好，但某方面，我會覺得佢自信心還欠少少。

阿細把口超叻，好多嘢都可以自己做到，而社交上同任何人都可以相處，我真係好開心。