聖公會李兆強小學(平田)

homingm

心美>>係呀，昨天的書包真係好鬼重呀，因補充作業老師話收回，我要比多一個袋比呀仔袋d書返學，又驚佢搭校車時漏o左係車度，所以千吩咐萬吩咐叫佢好好攬實個袋，點知放學回來，發現老師只收回一本，但唔明點解又要佢o地全部帶回學校 真係辛苦了d小朋友

心美 寫道:
4KidsMom,homingm

我尋日朝返學,天到c班既家長話個書包重到水,原來fri買果d補充作業派晒比佢地,尋日又要全部帶番晒返學喎,我地班主任就無全部派比我地,佢會用/做邊本先派,其餘就向學校.

homingm

心美>>昨天有英文&數學補充練習要做，今日要交比老師，其他我無比呀仔帶回校了，我稔應該唔駛交住o瓜

homingm

4KidsMom>>面對3個仔，真係少d精力都唔得呀，我兩個仔已經玩到我謝晒

homingm

1C班的中國語文已教完第5課，全本書只是12課，唔夠一個月已去了差不多成本書的一半，其實會唔會快O左D呢 你們小朋友班又如何呀

homingm

心美, ywtmama,

真係教得好快wor。係呢，請問你們的小朋友放學回家後有沒有小睡片刻然之後才做功課呢？

homingm

其實我仔仔放學返來都沒有訓覺，佢會休息一陣食小小o野就做功課，我通常要求他在弟弟放學前要完成晒功課，仲要做埋珠心算的功課，咁佢基本上都可以做到，但晚飯後要他溫書，有時他會表現得不合作，扭扭擰擰，令我發忟憎。爸爸解釋就話，果仔六點起身到而家成十幾個鐘頭，應該眼訓的了。放學回來，我都想他小睡片刻，但又驚d功課搞到夜夜咁咪仲c。

升上小學後，大人同小朋友的生活似乎變得好忙碌，做功課溫書默書，果仔埋怨話無mug時間比佢玩同睇卡通

homingm

4KidsMom>>我可以想像到你o既忙碌，因你兼顧3個仔，自從仔仔升上小一後，我覺得大部份時間比晒佢，感覺好似忽略了細仔，好彩佢而家只係k2，唉，他日一個小一，一個小三，到時都唔知點應付

仲有，今日中文無派到補充作業，少做一份功課 不過我估明天老師一定會派返比佢o地補做。

homingm

Creamyhouse,

我就做了兩年的全職媽媽，自從第一個工人走了之後，先後請了兩個都好唔滿意，好勞氣，結果自己揍番兩個仔。請工人呢樣o野，真係要睇彩數，好難請到令自己滿意的人。

做全職媽媽真係有著有唔著，雖然少o左D $$，但起碼可以親自教導d仔女，督促佢o地做功課，唔駛等到收工回家夜蒙蒙先教佢，但有時佢O地唔乖，又令我大動肝火，都咪話唔激氣

所以，我都好認同4kidsmon所講，全職媽媽真係唔易做，好大壓力，因24小時要對住佢o地，返工的話，起瑪可以分散d注意力呀嘛

homingm

4KidsMom>>嘩！你咁夜先比twins訓覺呀？唔驚佢o地唔夠訓咩？其實每日做完晒d功課，我覺得真係無mug時間做每日一篇囉。今日默1-5課中文，我昨晚都未同佢溫得晒，因呢兩日夜晚佢o既情緒都好唔穩定，同佢溫書，唔知係咪眼訓，發晒忟憎扭計。爸爸話唔肯溫就比佢試下無咁高分的結果wor。呢幾次默書成績都唔錯，希望今日一次過默5課中文佢仲記得番點寫啦。

講開溫英文默書，我會用每日同佢沖涼的時間同佢溫幾個生字，唔識就教佢點樣拼出來，每日如是，咁佢都會好快記得晒。試過叫佢坐定定串字，見佢真係無mug心機會坐定定同你串字囉

homingm

Creamyhouse good morning 你又咁早係度o既

homingm

係囉，唔知點解默完又要再默，琴晚同呀仔再溫，佢話咪默過晒啦，識o既啦唔駛再溫啦，見佢咁o既反應搞到我都好忟憎，結果大家都搞到好唔開心，之後就無同佢再溫後果兩課。唉，而家每日好似我o地緊張過佢o地咁 :cry:

homingm

今朝同呀仔講要佢抽d時間做下每日一篇囉，佢每日放學回來已3:45，休息一陣4點幾就開始做功課，做完已5點幾，之後細老又放學，又驚細老搞搞震，食完晚飯又話要溫書，九點又話要訓覺，我都唔知點擠d時間來同佢上每日一篇 :cry: 不過，都係要佢上番先得，如果唔係佢真係會以為唔駛做

4KidsMom 寫道:
homingm,
咁係咪即係放棄做每日一篇呀?
佢做晒d功課都11點咯,還掂都係昼架啦,問佢做唔做佢都話要做.....我驚唔做開佢就咩都覺得唔洗做!  會唔會愈來愈懶!?

homingm

4KidsMom,

我都覺得可以用做功課前的時間去做每日一篇，從今天開始，希望呀仔可以持以恆久去做每日一篇。

不過，稔番轉頭，對於一個六歲都未到小孩來講，每日做完功課，又話要做珠心算的功課，之後又要佢溫書，做完一樣又一樣，佢o地真係會覺得好辛苦，所以有時佢o地發皮4都可以諒解到。不過，當佢發皮4時，自己又控制唔到自己的情緒，又互相影響，所以，如何教導仔女大家真係有排學習

homingm

心美,

係囉，唔明點解C班要重默1-5課，昨天問過一些家長，佢o地話可能有d小朋友默書成績唔係咁理想，又可能月尾就來要測驗，老師想佢o地溫熟d wor，唔知係咪咁呢

homingm

4KidsMom>>今天細孖要唔要重抄13課呀？我仔仔昨天抄13課時，格式是跟書本的格式一樣，即係一句一行，但今日老師要佢再抄多一次，話唔係跟書中的格式，我都唔明點解唔係跟書的格式

homingm

心美>>學校有派到聯校教育平台試用帳戶資料比小一學生bor，我仔仔都有收到，今晚都有比佢上去做過下d練習，見佢又玩得幾有興趣咁。你搵清楚下，果張表格兩面都有字o架，一面係寫住：寄中環.....朗晴xxxxx公司收，另一面半版是聖公會小學聯校教育平台報名表格，另一半寫住聖公會李兆強小學，有提供埋試用o既Password(用label紙貼住o既)

homingm

4KidsMom>>原來大家都要重抄過 ， 早知係咁o既格式就唔幫佢擦去啦 :cry:

homingm

Good morning

homingm

心美>>你會唔會請假去出席「小一測考睇真D」講座呀？就來第一次測驗，唔知學校測考的模式係點樣，有點點緊張

homingm

Creamyhouse>>聽我仔仔講，臨尾果兩堂老師會比時間佢o地寫家課手冊。

至於網上查閱功課，之前都有問過校長，佢話暫時都唔會有呢樣o野囉。唔想小朋友太過依賴父母，要比番個責任比佢o地 咁又係bor，我稔如果佢o地知道有網上查閱功課，佢o地可能連抄家課手冊都唔抄啦，因為返到家中自然有爸媽幫手睇睇有何功課。所以，我每日都叮囑仔仔小心d寫家課手冊，以免寫漏。