各位特殊障礙小朋友既媽咪,開學順利嘛?

~仔仔媽咪~

原帖由 12312 於 09-9-29 20:51 發表
明天數學 & 中文測驗, 阿仔都未有"心理" &"打算" 去看下本書, 唉 !!!!!!

你形容得好精警~~~完全形容哂我地呢班友仔既style~~~佢地係咁架,谷佢又話佢有壓力,所以我地都係要下下半氹半迫咁呵我地家大少爺至呵到佢地讀書...

~仔仔媽咪~

今日我去咗一個自閉症聯盟既記招聽一班自閉青年既分享,聽完佢地分享,再睇埋佢地新出既書,完全係叫醒咗我~!

平時我地湊呢班友仔就湊到仆心仆命,但實情我地真係聽到或知道佢地幾多心底話同感受實情真係近乎零,睇咗佢地寫既書,我先至發現我地班仔都好苦~!我地至少都有一兩個人明我地諗乜野,但佢地偏偏幾乎一個都無,我地成日話捉摸唔到佢地呢班友仔既脾氣,但原來佢地又何嘗又係覺得呢個世界既人個個都咁難捉摸令到佢地恐懼同不安...呢下我真係當頭捧喝!

所以本書真係值得買黎睇,平時睇乜乜心理學家乜乜醫生寫自閉就睇得多,依家有幸可以睇睇佢地自閉兒親自寫既書,正如其中一位自閉青年响記招度講,佢地大大話話都有廿幾卅年'專業'經驗,一定唔會輸俾醫生寫嗰D書囉.大家想買黎睇既話,可以到三聯同商務印書館度搵呢本書買.真係正野黎架!今日我都聽到好感觸.

天恩媽媽都有開ｔｏｐｉｃ介紹呢本書架！仲有得試睇添！
http://forum.edu-kingdom.com/viewthread.php?tid=2154180&extra=page%3D1

[ 本帖最後由 ~仔仔媽咪~ 於 09-9-29 22:32 編輯 ]

zater

原帖由 77777 於 09-9-29 19:40 發表
有時睇您講您隻肥貓仔真係好似我個肥豬仔, 間直一模一樣, 都係話得架啦, 會幾時幾時溫, 不過一到個時候, 佢就會比個超倦個樣我睇, 有時係唔舒服tim, 如果唔比佢休息, 好似我虐兒咁, 我隻c6就會話比佢訓下先啦, 咁佢 ...

比佢瞓下先, 咁就中左佢計喇, 我囡經常玩呢樣, 我唔會心軟架, 一定要佢搞掂晒至准瞓.

zater

原帖由 12312 於 09-9-29 20:51 發表
明天數學 & 中文測驗, 阿仔都未有"心理" &"打算" 去看下本書, 唉 !!!!!!

我囡都係咁, 唔好話測驗, 考試都係唔會睇書.  不過今年有進步喎, 起碼知道要默書都會睇下本書咁.

zater

原帖由 ~仔仔媽咪~ 於 09-9-29 22:19 發表


搵日真係要約出黎等您仔同我隻曳野拼埋一齊,睇下佢地似唔似孖生兄弟~~~

我仔聽日都放假,頭先至同佢講要佢今晚做哂D功課佢先,等呢兩日可以盡興,佢嗰頭應承得好爽呀,但轉個頭依家咪又 ...

聽日開始放假, 咁好 ge, 我兩個都要返學, 家姐仲要有中文評估, 頭先溫書溫到 12 點, 細佬就有家長日.

zater

原帖由 ~仔仔媽咪~ 於 09-9-29 22:21 發表


你形容得好精警~~~完全形容哂我地呢班友仔既style~~~佢地係咁架,谷佢又話佢有壓力,所以我地都係要下下半氹半迫咁呵我地家大少爺至呵到佢地讀書... ...

可能老師問題, 今年阿囡真係比之前 2 年好教好多, 起碼有少少心去睇書, 唔會考天才.

~仔仔媽咪~

原帖由 zater 於 09-9-30 00:48 發表


比佢瞓下先, 咁就中左佢計喇, 我囡經常玩呢樣, 我唔會心軟架, 一定要佢搞掂晒至准瞓.

講真自己都做過細路,我細個又係一聽到話要溫書做功課就即刻睡魔急CALL...查實真係唔好俾小朋友養成呢個習慣囉!幾歹都要佢完成哂功課同溫書至好俾佢瞓.

~仔仔媽咪~

原帖由 zater 於 09-9-30 00:52 發表


我囡都係咁, 唔好話測驗, 考試都係唔會睇書.  不過今年有進步喎, 起碼知道要默書都會睇下本書咁.

好明顯係您囡囡唔想見到我...哈哈!(kidding~~~)之前暑假我已經兇咗佢話如果佢搞唔掂學校D功課就要跟姨姨補習...嘿嘿~~~!!!

~仔仔媽咪~

原帖由 zater 於 09-9-30 00:55 發表


聽日開始放假, 咁好 ge, 我兩個都要返學, 家姐仲要有中文評估, 頭先溫書溫到 12 點, 細佬就有家長日.

聽日學校教師發展日呀,我仔學校好興咁架!專登痴埋D一日半日既假期黎放發展日,所以咪有兩日假期玩囉~~~聽日又要我湊住佢,我又要去買教材...真係希望聽日咪再落雨...呢兩日落哂狗C咁湊隻肥仔番學放學,我已經心臟衰竭...佢隻肥手又Q實我又'隊'矮我喎,我又要拎手袋又要拎遮仲要俾佢Q,我真係好大負荷...

~仔仔媽咪~

原帖由 zater 於 09-9-30 00:57 發表


可能老師問題, 今年阿囡真係比之前 2 年好教好多, 起碼有少少心去睇書, 唔會考天才.

都好大關連架!淨睇我仔就知啦,雖則今年班主任嚴格,但又唔會係真係亂咁發脾氣發惡嗰類人黎,又鍚住我仔又識得氹下我仔,但同時又對我仔有要求,我仔到依家都仲未有投訴,仲番學番得好開心添.

不過噚日我仔個常識科老師打黎搵我,話我仔原來之前有個常識小測架!因為唔計分,所以我都唔太知有呢個測驗,但就係因為我仔响呢次小測肥咗佬,我仔接過份卷睇到自己咁既分數,竟然激氣到怒掟份卷落地~! 老師'好心'幫佢執番俾番佢,佢又是懶係型咁掟番份卷落地... 搞到老師唔知點對佢好...我聽完電話後,我即刻詐我仔型,問佢做乜蝦老師?我話男仔蝦女仔(指常識科老師)係好無風度亦好無品既行為黎,我話如果再俾我聽到佢咁樣蝦老師,我實唔會放過佢...

珀珀,慧慧媽

原帖由 zater 於 09-9-30 00:52 發表


我囡都係咁, 唔好話測驗, 考試都係唔會睇書.  不過今年有進步喎, 起碼知道要默書都會睇下本書咁.

係咪我哋d小朋友的共通點來的
他們好似唔在乎成績似的

zater

原帖由 珀珀,慧慧媽 於 09-9-30 08:12 發表

係咪我哋d小朋友的共通點來的
他們好似唔在乎成績似的

佢地唔係唔在乎成績, 只係經過無數次挫敗之後, 佢地只有挫敗感, 沒有成功感, 久而久之, 佢地就真係唔會再攞起本書黎讀, 因為佢地認為讀唔讀, 佢地都係最差果個.

zater

原帖由 77777 於 09-9-30 11:32 發表
係我隻c6做佢前面個盾牌, 所以我做唔倒規舉, 我都知一比訓就中計, 咁佢咪唔駛溫law.....

不過, 而家點都好, 我每日都同佢溫小小, 考試就無咁驚....因佢真係唔可以溫太長時間....

...

我隻 c6 都係種佢, 阿囡一有唔高興就揾 baba, 但我會鬧鬼 c6, 一係佢教, 一係我教, 我教緊仔女時唔准佢多多事幹, 佢果套同我果套又唔同, 咁 d 仔女聽佢定聽我好呢

阿囡依加都係盡可能每日溫 dd, 仲要重覆又重覆, 希望佢聽聽埋埋, 睇睇埋埋, 到考試測驗時會 :idea: 記得.

zater

今日 d 功課多到......
加加埋埋有 14 樣, fri 仲要中默 + 數學評估

~仔仔媽咪~

原帖由 zater 於 09-9-30 18:22 發表
今日 d 功課多到......
加加埋埋有 14 樣, fri 仲要中默 + 數學評估

多成咁...你囡囡應唔應付到架...

~仔仔媽咪~

原帖由 77777 於 09-9-30 11:26 發表
愈聽您講愈似我個仔, 佢有時明明話倦架, 不過一有vcd, 鬼打都無咁精神, 所以有時我都真係無晒氣....

佢昨日話假期功課重有一樣, 咁我叫佢做埋, 跟住佢大發脾氣話好多話會做c佢, 后來我扮晒體諒咁話好啦, 咁溫書唔寫 ...

我仔會成日扮攰扮無心機囉!但我都係要佢做,不過呢兩日放假,我自己都有少少本PEA,希望今晚可以叫到個仔做哂所有功課啦.

zater

原帖由 ~仔仔媽咪~ 於 09-9-30 18:27 發表


mouth:" /> 多成咁...你囡囡應唔應付到架...

做左 2.5hrs 功課, 仲有 2 樣未做, 聽日要搵國慶日資料圖片, 中默大至上溫晒, 仲差數學, 要比 d 應用題佢做下.

zater

原帖由 77777 於 09-9-30 19:00 發表
嘩, 真係幾多枉.....叫佢快d做完溫, 放假真係忙過返學....

長假期我先驚, 佢又鍾意拖住黎做, 中英數常咩科最少都有 3 幾樣要做.

~仔仔媽咪~

原帖由 zater 於 09-9-30 22:14 發表


做左 2.5hrs 功課, 仲有 2 樣未做, 聽日要搵國慶日資料圖片, 中默大至上溫晒, 仲差數學, 要比 d 應用題佢做下.

佢真係好忙喎。。。仲以為依家Ｄ學校唔會咁多功課，原來仲係咁。希望星期五唔會又是咁多功課就好喇。

~仔仔媽咪~

今日我好無ＭＯＯＤ呀...屋企D貓大混戰,搞到全屋貓到依家都係失哂常...頭先同貓義工傾過,決定將成日搞事嗰隻黑白禮服貓送走,幫佢搵人領養佢...隻貓基本上如果佢唔係咁樣成日打其他貓,查實我都好鐘意佢,隻貓超級勁嗲人架...............