☆屯門聖公會青山聖彼得堂(兆麟苑)家長請進~

Ding

加加媽咪

天氣乾燥...你個女個喉嚨可能唔係好舒服..試俾d蜜糖水佢飲下.. 你囡囡都好乖好好學 .. 咁主動睇書係好事黎架..你有無帶佢去圖書館呀.. 有時我都有去..不過唔係時時都去囉..上個星期日帶個仔去..佢借左3本書..

LongLong_ma

N1時都有認字..不過著重英文字母多d .. 中文就較少 .. 而d字唔係我教架.. 係老師教.. 係佢地本"認字薄"入面d字..見老師"級"左日期..我咪問下佢..同佢溫下...本主題書就當故事書同佢睇...你地有無認字薄呀?

大家一齊努力啦...   

加加媽咪

Ding,

我有沖柚子茶俾囡囡飲, 都不知飲得幾滋味~~

我星期日(昨日) 都有帶囡囡去圖書館, 佢都好鐘意去架, 可能係有新鮮感啩.... 昨日大約兩點幾去到圖書館, 我叫佢自己去攞書睇, 頭個兩次佢攞咗d簡體字既雜誌, 叫我講d內容俾佢聽, 我都睇到眼花花, 文字又多, 都唔知點講俾佢聽, 之後我叫佢去第度攞, 佢好開心咁一路走, 一路舉起一本封面有兩隻老鼠仔的書(簡直開心到忘哂形...) 點知就差5步...佢砰嘭一聲咁趴咗落我面前, 跟住d眼淚就標出黎~~~~ 成間圖書館d人都望住佢 , 我立刻走上前抱起佢, 起初都喊到收唔到聲架, 可能真係好痛..   點安慰都冇用, 後來我問佢攞咗本咩書返來, 佢即刻收哂聲同我講話有兩隻老鼠仔… 唉! 都唔知喊定笑好. 最後我因為喉嚨有點不適, 冇辦法講故事俾佢聽, 唯有叫囡囡選幾本書借番屋企睇.. 佢不知幾開心, 本本都話要借, 不過因為太重的關係, 最後只係借咗4本……….唔知幾時有機會係圖書館見到你同仔仔呢??

siu lun 都有本"認字簿", 不過都冇見老師級"已授"的印

LongLong_ma

加加媽咪,DING,

最近天氣轉涼,乾燥.....小心身體呀!!仔仔都中左招!!!!
好慘呀 .....仔仔感染"手足口"病.....全個口都起晒"飛滋"....起碼10幾粒......醫生話手腳仲會出水泡....仔仔昨日只是飲左2支奶&半碗粥........我諗今個星期都返唔到學.....唉!!
圖書館我仔仔都啱喎.....佢都好鐘意去....毎次都借好多書返屋企......第日可以約埋一齊去呀!!


加加媽咪,"認字簿"咪已經教左"朋友"囉,已經蓋印!!

加加媽咪,
妳囡囡咁乖...會自動攞功課做.......我仔仔就無咁主動啦......而且到現在都唔多講學校D野......問佢....好多時都答"唔知"......我只可以睇老師蓋印.....幫佢温習   :cry: .......不過....有一次我同老公用普通話對答......仔仔突然用普通話講"曾老師.....再見"....都幾正架 我已報名去座談會....應該趕到既....妳呢?

加加媽咪

LongLong_ma,

你仔仔點呀?? 點解會感染到手足口病嘅?? 嚴唔嚴重呀??? 你幾時發覺架仔仔唔妥架???  唉∼∼有時d病菌真係防不勝防, 尤其係返咗學之後.....真係要為小朋友打好個底子, 你都要小心身體   

記得上個星期囡囡冇返2日學, 但有一日帶埋佢返學校攞功課, 佢返到學校時有幾個同班同學仔同家長竟然認得佢, 知道囡囡病咗冇返學, 仲問囡囡好番未... 果刻囡囡真係好開心, 因為知道同學仔同老師都好關心佢, 所以有時佢大風唔肯著衫, 我就同佢講:"如果你唔著衫冷親就要去睇醫生, 又要食藥, 又冇得返學, 又冇得同小朋友一齊上堂架....." 咁佢就唯有乖乖地著衫 等我今晚返去問吓佢知唔知道有小朋友病咗冇返學先...

"認字簿"度"朋友"有級印咩?? 等我返去望真d先   你仔仔識得同你講普通話, 真叻仔.

我都報咗名去座談會, 到時"相認"   , 搵日約埋你同仔仔去圖書館吖!

Ding

LongLong_ma

oh~~你囝囝病左..仲生左咁多飛滋..一定好痛..又唔肯食野定喇...聽到我都心痛..衣家天氣時熱時涼..好易仲招..我個仔因為天氣轉..鼻敏感..每天都打乞嗤 .. 真慘.

加加媽咪..你囡囡真係好好學..咁鍾意睇書係好事..仲咁主動添..抵你錫晒佢啦 ..     .. 見到d小朋友返學開心.. 自己都開心...

似乎我地本認字薄同你果面唔同..第一, 二頁係"玩具"同"月亮" .. hahaha.. 講起普通話我個仔就無LongLong_ma個仔咁叻.. 我曾經用普通話講 "老師好".."小朋友好"..佢只係掩住面笑得 kekeke 聲 .. 有時同普通話問佢 .. "去不去"..佢又係猛咁笑..俾佢激死...    

iris_yu_him

Ding,

Thanks a lot!
但係, 唔係好多幼稚園有website, 仲有咩辦法呢?

加加媽咪

Hello iris_yu_him ,

你可以去明報個教育網站, 佢有全港各區幼稚園的資料可以參考吓. http://life.mingpao.com/

加加媽咪

Ding,

你仔仔既鼻敏感嚴唔嚴重呀?? 囡囡都有我的遺傳有鼻敏感, 不過只係喺冷氣地方容易流鼻水 :-|
我返去睇過本認字簿, 兩間學校所教的真係不同, 我囡囡果本認字簿都有"玩具", 不過係最尾果頁, 但係冇"月亮".

LongLong_ma,

你仔仔好番未呀?? 我前日有問囡囡老師有冇同佢講話有小朋友病咗冇返學呀, 佢話係呀.... 不過講唔出個名, 到我問佢係咪朗文冇返學, 佢話:'係呀係呀..." 都唔知係咪真係知~~~   仔仔請咗假, 你有冇返學校攞功課呀? 係呀..出咗購買冬季校服的通告, 要今個星期五前回覆及交費, 老師有冇打電話同你講呀??

認字簿到真係冇級過印仔喎??? 唔知係級漏咗定係唔同組所教有不同.    我都有問囡囡教普通話果個係咪曾老師, 佢話係呀, 佢都有用普通話同我講:"曾老師再見"    雖然唔係講得好正, 不過我都好開心       

LongLong_ma

加加媽咪,ding,

多謝妳們關心....仔仔己經好番好多....肯食野.....而且昨晚同佢覆診.....醫生話唔係"手足口".....因為手腳無出水泡......只是口腔感染.......都唔知點解咁跨張....所以今個星期都唔返學......等佢完全康復先返.....小朋友都係小心處理好!!我有攞功課......由老師交俾校車......我在屋企侯車處同校車姐姐交換(交&攞功課).....很方便!!!!我都已經買左校服.....但太大要換呀!!妳呢?妳囡囡(其實妳囡囡叫什麼名字)著幾大呀?我仔仔校褸買中碼....覺得好大件!!!
係咩?????.....仲未蓋印??.....我見仔仔响9月24日已經級左啦!!妳囡囡真好.....肯講咁多野俾妳聽.....咁不如叫妳囡囡幫我監視朗文......然後話俾我聽呀!!!!HAHAHAHAHA...靠妳啦!
我都要讚下黃老師.....佢打左幾次電話俾我....關心仔仔情況......而且仲同仔仔傾計......另仔仔覺得好開心!

VanessaMeMe

各位聖彼得堂(兆麟苑)家長,

現想低價出讓這校的校服(size M), 其如下:
夏天:  裙2條, 運動服1套, 外套1件
冬天:  裙及恤衫各1, 運動服1套, 褸1件
書包1個, hat 1 件

如有趣興, 請e-mail 我。

謝謝!

Ding

iris_yu_him

加加媽咪提供嘅網站都幾好架..去睇下幫唔幫到你.

加加媽咪 & LongLong_ma

LongLong_ma囝囝口腔感染..真係點感染到都唔知喎 ..真係點小心都會有事..防不勝防 .. 不過你囝囝病過今次..佢d抵抗力又加強左 ..  

加加媽咪你囡囡好叻呀...肯同你用普通話講野 .. 我問個仔佢都一係笑..一係話唔識.. 激死...   .. 我都未收到學校訂校服d資料..

而家個仔晚晚訓覺時都要我講故仔.. 講左幾日..我d故仔已買晒啦 .. 都唔知講咩好喇 .. 你地小朋友有無叫你講故仔訓覺架 ..

iris_yu_him

多謝你們提供的網站, 我研究下先!
iris

加加媽咪

LongLong_ma,

知道你仔仔冇事真係舒一口氣 希望你仔仔過多兩日好番晒, 下個星期可以返學啦.   係呢, 平日由誰照顧仔仔? 咁你呢幾日都係咪都有請假留係屋企照顧仔仔呀??   
你咁快攞咗校服喇, 我今日先交錢, 不過未有得攞住, 我都係買中碼的校褸、校服裙同運動服, 小朋友大得好快架, 預鬆D好, 不過太大件又好累贅, 真係好矛盾    咁件校褸有冇得換細件d呀?

你想囡囡幫你監視仔仔, 咁就要交d線人費喇.......     講笑咋, 我諗你仔仔都應該好乖, 互相照應就真

Ding,

暫時我都未有同囡囡講故事訓覺, 我諗遲D都會試下, 你可以係圖書館借d故事書講俾佢聽.

iris_yu_him,

唔洗咁客氣, 只係大家分享下啫, 希望D資料岩用

zyrtec

hi dear all ~~~

我呀女係讀青山村n1, 斟唔斟埋我傾呀???

LongLong_ma

加加媽咪,DING,
其實呢個仔己經身經百戰.....水痘,風疹,手術樣樣齊.....今次又咁......唉!! :cry:真希望佢可以健康一點.....開開心心!!
件校褸中碼真係覺得好累贅.....而且仔仔比較細粒....所以我諗都唔可以慳......如果仔仔真係快高長大....咁就多多錢都要俾啦!!

DING,

我都靠圖書館借書同仔仔講故事......依家仲有學校D書....我都會同仔仔當故仔書睇......不過,點解妳仔仔要毎日新鮮既....仔仔可以聽一個故事可以數以十次喎.....試過講三隻小肥豬......講左2個月(毎晚).....悶都我都唔想講

zyrtec,

歡迎啦......多個人傾計喎......我仔仔是讀(SIU LUN) K1.....多多指教!　

情情媽咪

zyrtec ,

你好, 我囡囡都係讀青山村n1, 上N1A, 你囡囡呢?

iris_yu_him

大家好,

我剛上網(明報), 但d資料有d奇怪:
話路德會/聖公會青山聖彼得堂/雅麗斯/美樂都係天主教的幼稚園?
請問你們知唔知邊d係基督教幼稚園? 邊d天主教的幼稚園?

情情媽咪

iris_yu_him


聖公會青山聖彼得堂係基督教幼稚園, 其他我就不清楚.

Ding

zyrtec

當然歡迎啦.. 我囝囝讀青山村 上幼B1.  

加加媽咪, LongLong_ma

頭先見到有個媽咪投訴兆麟果邊老師遴選一排先話唔收佢個女參加童軍..令到佢好激氣好嬲. 乜咁細個就可以參加童軍嗱..你地有無收到通告呀. 青山村未有通告話招收童軍..兩間行政方面真係完全唔同喎.

LongLong_ma

個仔鼻敏感都唔算太嚴重..都係每朝起身後打4,5個乞嗤囉..
天將降大任於斯人.. 你個仔一定係叻仔定喇… 我個仔歲半時都因為”川奇病”住左10日醫院..當時真係好擔心架..
我都有重覆講故仔架..不過自己都覺悶之麻 .. hehehe.. 想話講多d唔同故仔俾佢聽.

情情媽咪

好耐無見 .. 你好嗎
    

情情媽咪

Ding ,

你好, 因為囡囡咳了一星期, 我都無時間上綱同你哋談論.
你仔仔好嗎?