専注力不足及過度活躍症(ADHD)兒童家長站

YanYee0208

香港既教育對adhd既小朋友真係支援唔多。只要係同其他人唔同，呢個社會就會排斥，其實大家咪一樣都係人。

但長期食藥，尤其西藥，對小朋友將來既影響會好大喎。咁細個就食精神科藥物，將來點算....

bbwai

昨天小朋友好努力在學校不犯錯, 沒有收到任何投訴, 並有老師稱讚... 他很開心.. 得到認同..
雖然只是一天, 都係一種鼓舞, 對他對我對老師都是一種鼓舞...
不過, 佢經過一天的努力後, 回來好似好倦咁... 倦到連一點好簡單的問題也不知你在說什麼... 真可憐...
繼續加油吧...

goodbaby

我個仔一早已經比人label咗... 今年仲多啲tim... 佢今年讀p.3... 唔單只, 老師, 同學, 連校長都label埋佢... 想佢走.. 總之, 有咩都係佢錯先..所以令到我個仔宜家冇晒信心, 唉... 一言難盡... 我會pm我個電話比你, 你得閒打比我啦..

原帖由 bbwai 於 11-3-24 11:42 發表


k3 做過 assessment, 話不是....
但我放下心頭大石.. 因為我其實覺得佢不是adhd...
暑假會再做多次.... 其實好擔心... 唔係因為擔心佢有冇, 係擔心佢會比人標籤! ...

bbwai

原帖由 goodbaby 於 11-3-25 12:00 發表
我個仔一早已經比人label咗... 今年仲多啲tim... 佢今年讀p.3... 唔單只, 老師, 同學, 連校長都label埋佢... 想佢走.. 總之, 有咩都係佢錯先..所以令到我個仔宜家冇晒信心, 唉... 一言難盡... 我會pm我個電話比你,  ...

我個仔小一都好似比人label左.... 我咪打去學校同佢地講叫佢地注意唔好label我個仔囉... 佢地話唔會... 但係都未確診已經有老師話要佢食藥..... 我好唔鍾意佢地咁.... 好似食藥就乜都解決晒咁... 我叫佢地refer 教育心理學家比我, 佢就話, 只是比意見架咋, 無藥食架喎... 我根本就唔想佢食.. 咁細個, 又唔係殺人放火, 佢地好似當小朋友有精神病咁... 好離譜! 佢地要食藥就真!
乜而家d學校咁架... 一d 愛心都無...
我得閒會打比你架啦, 你幾時方便架 ? 係咪都係小朋友返左學會方便 ?

MaMaMango

你好, 我覺得仔仔和你的真係好似, 以前每日返到屋企都好倦, 因為要諗辦法點樣令他聽話(做功課及其他事), 唉...
年半前已經懷疑是ADHD, 參加了個關於ADHD的小組, 令我們對他了解多左, 也學了一些教仔方法, 最重要識了一班志同道合的家長, 他們也提供一些有效的管教方法
未確診前, 我已經將仔仔的情況跟老師講, 希望老師對他包容多些, 鼓勵多些, 我不希望老師標籤他, 只是希望老師對他了解多些, 幸好, 今年和上年的班主任都是有愛心的老師, 今年竟然有機會代表學校參加朗誦比賽, 令他的自信心可以提升, 雖然他的表現仍然時好時壞, 但比以前已經有很大的進步, 所以你都要努力, 你對他的愛, 他會感受到的, 加油!!

原帖由 bbwai 於 11-3-22 14:26 發表
睇完你地講自己, 好想喊.... 我自己又無乜朋友... 老公又經常不在家.. 又無親戚... 乜都係我自己理... 無人支持我... 都唔知點算好... 好無助...

我想講下我個小朋友..

學習方面:
要佢背書, 佢讀幾次就識得背, 但 ...

phoebepanpan

我個仔小一小二時在校勁多投訴,小二summer 排到政府一見就話食藥. 食左全個小三, 見有進步亦唔想佢效藥物, 小四開學停藥, 後尾失控亦受到學校壓力, 又食返.;
到而家小五大左定左, 醫生同意下又停藥. 當然亦有大大少少的問題. 因為我仔其實都叫control 到, 佢唔會打人. 最多都係多口, 郁手郁腳同人玩. 好纏人果種. 所以唔係人人受到同佢玩..  
但我覺得學校唔夠包容, 講就好聽, 但一有投訴間接又叫你比藥佢食.  我都明邊有老師想教d 曳人, 最好人人派一粒食左位定定唔駛煩.  
前排因唔守紀律老師又打來了解, 言語間都係叫食藥.  第二日返學走去問我仔有冇食藥. 亦試過有老師同我仔講叫醫生加藥.
(依d 係阿仔覆述比我知. 唔知有冇作野.)
我仔好單純佢認為老師同佢講笑叫醫生加藥.... 我都係越來越覺入錯校...

最衰我老公老師同佢傾完, 回家叫阿仔你食返藥好唔好. 佢都明知個仔唔鐘意食藥. 應該鼓勵佢而唔係企係老師果邊哦.   

我問話阿仔點解咁抗拒食藥. 佢話: 食左藥之後果個都唔係邊個. 跟本唔係原本既我,  唔識形容總之就係唔鍾意食完藥果個人.

而家鼓勵佢平日做好d , 唔好咁衝動, 少食甜野. 明天第一堂上余德淳EQ course , 學費好貴, 好肉赤, 但如果有效就值得了.

goodbaby

咁都好呀.. 有一日冇complain.. 我個仔好耐都冇試過啦... 最大問題係佢control唔到.. 成日disturb 人, 又好易對人有敵意喎.. 所以呢... 好易會出事呀.. 我都唔知點算.. 再大啲佢一定會出事o架.

原帖由 bbwai 於 11-3-25 11:34 發表
昨天小朋友好努力在學校不犯錯, 沒有收到任何投訴, 並有老師稱讚... 他很開心.. 得到認同..
雖然只是一天, 都係一種鼓舞, 對他對我對老師都是一種鼓舞...
不過, 佢經過一天的努力後, 回來好似好倦咁... 倦到連一點 ...

goodbaby

教育心理學家黎過visit我個仔幾次啦.. 但有時佢比啲見意老師都唔定會做o既... 所以唔會話好有用囉... 始終佢唔係長期留o係學校睇住小朋友.

原帖由 bbwai 於 11-3-25 12:09 發表


我個仔小一都好似比人label左.... 我咪打去學校同佢地講叫佢地注意唔好label我個仔囉... 佢地話唔會... 但係都未確診已經有老師話要佢食藥..... 我好唔鍾意佢地咁.... 好似食藥就乜都解決晒咁... 我叫佢地refer 教 ...

bbwai

其實你地覺得小朋友係咪嚴重到真係要食藥控制? 若不是, 可否堅持?
我好驚.... 我驚好似你地咁比學校迫.... 可以抗旨嗎?

catfishhome

我個仔上星期比醫生評左adhd之後，我人生出現左dd變化，原本呀仔上小一之後識左一位朋友，佢有2個小朋友，一個5年級，一個2年級，當佢知道左我個係adahd之後，見到我都好快就閃開，其實有無需要咁呢，已經唔係第一次，我之前試過有個新識媽媽同我講，大家住得咁近又有小朋友一樣年幾，得閒一齊玩呀，點知玩玩吓......佢話我個仔好曳，教到佢個仔都唔乖....之後又係咁無啦啦好似要同我劃清界線咁，我個仔而家都未睇到精神科，要排年半，諗住比佢睇左私家先，眼見話藥物副作用真係睇見到心痛，心不其然希望個仔遲d先長大，唔使明白世間咁多人嘅咀臉，有病已經係無奈，加上他人不接受致悲哀，但我還是堅持我最愛我兒子是最好的，好好教他是我的責任。

    希望係度搵大家傾吓，有時真係好似好難搵到有明白我嘅人咁.....有d辛苦

Charlotte_mom

我仔食緊藥
學另一個媽咪話齋(我覺得呢句好有意思), 食藥有副作用, 唔食一樣有"副作用", 點去取捨真係要小心處理, 唔食又係咪一定最好呢?
我好興幸我仔第一次試藥已經好順利, 我見有其他小朋友, 又要轉藥又要試份量, 其實都有排攪, 做父母既, 其實都係想小朋友返學開心, 學習順利姐
星期六拎成績表, 老師都話我仔有進步, 對學習著緊左, 亦有新朋友(另一個同學會話我仔係佢BEST FRIEND, 我聽到都好欣慰), 學醫生話齋, 集中力唔好, 對社交都有影響, 因為佢地唔識專注去留意咩應該做, 咩唔應該做
唔好唔開心啦, 果個媽咪唔識唸姐, 我都有同我D朋友, 其他同學媽咪講我仔有ADHD, 可能我仔唔係真係非常唔停得果D小朋友, 其他媽咪都覺得OK丫
唔好咁易俾人打沉, 自己要同自己加油!

原帖由 catfishhome 於 11-3-28 06:32 PM 發表
我個仔上星期比醫生評左adhd之後，我人生出現左dd變化，原本呀仔上小一之後識左一位朋友，佢有2個小朋友，一個5年級，一個2年級，當佢知道左我個係adahd之後，見到我都好快就閃開，其實有無需要咁呢，已經唔係第一次，我之前試過有個新識 ...

Charlotte_mom

前排偶然發現一樣運動, 我唸我仔會好有興趣
尋日, 我地去試第一堂, 我仔鐘意到不得了, 我都介紹一下
呢樣活動, 係欖球(rugby)

前排, 發現屋企附近(銅鑼灣)有條banner話欖球會招生, 唸住"e? 岩我個仔wor, 佢咁多精力"既心態, 打去問啦, 原來係非牟利, 玩成年都係450幾蚊, 仲已經包制服

尋日去試第一堂, 係去草地既, 有得晒有得跑有得跪有得碌, 教練(都有d惡架)第一堂就教傳球, 跑等投巧, 我仔仲可以訓練埋手眼協調同團隊精神(仲有排隊), 我覺得呢個運動唔錯 (不過年中無休, 落雨照練, 你預左小朋友會變隻泥鴨)

我仔試完, 開心到丫! 返屋企仲同daddy練習交波 (之前我問過佢好幾樣運動, 佢連試都唔想試), 我地都應該會join入會, 不過rugby原來好得意, 球季去到4,5月就完, 暑假後至再開始, 所以而家會準備"抖暑", 不過唔緊要, 康文署+欖球會有summer course, $300玩2個月14堂:
http://www.hkrugby.com/en/summercourse


我都會報呀, 難得佢終於有樣有心想去玩既運動, 希望佢繼續有心機練落去

bbwai

請問causeway bay 玩 rugby 果間野叫咩名?
可否pm告知我?
thanks

Charlotte_mom

我都唸緊POST出黎會唔會俾版主"斬"
不過我見課外活動版都有了:
http://www.mkyminirugby.org/index.htm
(時間係星期日9-11, 4歲可以開始玩)

原帖由 bbwai 於 11-4-4 11:19 AM 發表
請問causeway bay 玩 rugby 果間野叫咩名?
可否pm告知我?
thanks

Charlotte_mom

另外, 如果之前無留意我POST過, 而家我都介紹多一次
呢個係洛克道小童群益會既訓練, 我仔係跟麥姑娘, 佢真係好好, 上左1,2班後, 佢仲會自己GROUP埋D近程度既小朋友自己組班, 效果比"公開組"更理想
每次落堂後, 都好多家長捉住麥姑娘傾計, 佢真係好有心機, 值我推介(呢期已經開左班, 而家隨時可以入會同埋入紙抽籤FOR暑假, 家庭年費都係$45)
http://hke.bgca.org.hk/0785/page.aspx?l=C&id=729

Geni

原帖由 Charlotte_mom 於 11-4-4 12:36 發表
另外, 如果之前無留意我POST過, 而家我都介紹多一次
呢個係洛克道小童群益會既訓練, 我仔係跟麥姑娘, 佢真係好好, 上左1,2班後, 佢仲會自己GROUP埋D近程度既小朋友自己組班, 效果比"公開組"更理想
每次落堂後, 都好 ...

好似幾好喎~~ 等我多多留意O下先 :)

Rugby 好呀, 我兩個仔都玩O左兩年O勒, 不過就唔係你O個個球會. 都幾好玩O家~~ 小朋友可以走O下, D rules 又簡單, 好似玩捉咁, 一年仲會有幾次JOINT球會比賽. 可能因為係鬼佬運動, 呢D比賽完全唔計輸贏, 真正志在參與~~

我個細仔第一年完全冇辦法JOIN到比賽, 因為佢行兩行就自己遊番出場或發脾四, 今年就好D, 最多都係O係個場入面遊雲, 得閒都會追O下球, 叫做玩到成場波(10分鐘)

[ 本帖最後由 Geni 於 11-4-6 20:26 編輯 ]

Charlotte_mom

我就笨啦, 成個球會O係屋企隔離咁多年, 我竟然唔知!
我個仔好怪, 之前家姐去果D活動, 問親佢都話無興趣(even試過o係果度遇到同學仔, 佢都話唔想試), 我成日想佢多d運動都群體活動呀, 問過佢游水, 體操, 彈網, 童軍, 全部say no, 都唔知佢想點
我唸住7月"塞"佢去童軍, 睇下點先

原帖由 Geni 於 11-4-6 08:22 PM 發表
好似幾好喎~~ 等我多多留意O下先 :)

Rugby 好呀, 我兩個仔都玩O左兩年O勒, 不過就唔係你O個個球會. 都幾好玩O家~~ 小朋友可以走O下, D rules 又簡單, 好似玩捉咁, 一年仲會有幾次JOINT球會比賽. 可能因為係鬼佬 ...

bbwai

聽聞螺旋藻對a 仔有d 幫助, 有冇媽咪比小朋友食過呀? 效果如何?

我個fd 叫我幫襯佢買來試下... 我會try, 不過我諗都要試半年或以上先有野睇, 到時再同大家分享

Charlotte_mom

請俾我晒命

平時我仔都係去補習(因為佢HEA), 所以一般都OOKK做完功課
尋日, 由於要就家姐時間, 去唔到補習, 都預左返到屋企要EE哦哦至有成果
點知我仔自己幾乎做晒! 其中常識科都幾多深字(例如問: 邊一樣不是健康家居的條件 A. 豪華的裝修和家具 B........) 另外中文仲有閱讀理解, 講牛頓同蘋果既事, 仲有計數, 我仔都自己攪掂晒

好感動啊!!!!

catfishhome

唉 唔知咁多位有小朋友食緊藥嘅媽媽布無呢個問題呢，我今日係學校聽酊另一媽媽同我講，話有媽媽話我無諗清楚就比個仔食藥，等自己湊得無咁辛苦~個仔食完藥之後根本就成個人唔同哂...好乖好有文路唔同佢平時，我只係答....如果我個仔真係要好難先湊得佢大，我唔會逃避，我只係要搵一個對佢最好嘅方式者，由佢第一日開始食藥我重有做好多野同睇好多書...重之就係...唔係食藥咁輕易一件事，我唔想講任何人不是，重之就係大家有緣就做朋友啦，無緣亦無辦法。
不過係我心中真係有說不出唔開心.....