心大心細

fifi1017

大家好有一難題想大家幫下手，小女今年k3，成績一般屬於無心向學做功課懶散的小朋友，起初決定比佢讀南元小，因為環境好好，但同家人討論過後選擇了宏信，但小女一直溝通都只得廣東話，對英普完全不通，我怕入了宏信會好吃力，想問下宏信教學係點？大家可否比D意見以我女兒程况嚟睇適唔適合讀宏信呢？

bananalemon

咁細個就會無心向學做功課懶散???

我會覺得, 除了是否適合你個女, 仲要適唔適合你, 元官同宏信係兩間完全唔同既野黎, 你是想走傳統進取果條線, 定係開心愉快果條線先? 先唔講去唔去宏信, 如果好似你咁講, 你個女去元官都唔得啦, 至於語言方面, 我覺得只要你自己唔會覺得比人差既, 咪由佢 law, 細路仔, 去到自然就識架喇, 一日唔識咪兩日 law, 仲細ma

我個仔都係咩都唔識架, 我地都係用廣東話架, 返左幾多日學遮, 佢日日返黎讚我 good job, 所以呢 .............

[ 本帖最後由 bananalemon 於 11-9-1 18:32 編輯 ]

fifi1017

我都相信小朋友適應力應該應付得嚟，我係對自己冇信心，因為本人讀書少，怕配合唔到呀，宏信比我嘅感覺好似所有嘢都要以英語溝通，唉~~~~其實我想佢讀得開心之餘又學到嘢又唔太吃力我就ok了！

bananalemon

原帖由 fifi1017 於 11-9-1 19:23 發表
我都相信小朋友適應力應該應付得嚟，我係對自己冇信心，因為本人讀書少，怕配合唔到呀，宏信比我嘅感覺好似所有嘢都要以英語溝通，唉~~~~其實我想佢讀得開心之餘又學到嘢又唔太吃力我就ok了！ ...

呢條問題, 想當年我都有問過現場觀眾, 我咪又係!, 正所謂讀得書多, 識得字少 , form nine 都未畢業, 見人地個個高學識, 打英文, 又怕自己比人睇少, 又怕問左 d 蠢問題比人笑, 咁, 今日睇番, 人地都無咩野丫, 大家都係家長遮, 大家都係為細路遮, 只要你自己唔覺得比人差, 就無問題架啦,配合呢 d 野, 學校同家長係"策略性伙伴" 我相信學校好都願意去配合一下既

bananalemon

原帖由 薯媽 於 11-9-1 20:42 發表
請問妳小朋友是否year 1?
有冇打算同他惡補英文oral?

暫時都唔洗住, 有咩好野 ?? , 要組 group 嗎 ??

有無 form nine 組下

fifi1017

我小朋友出年打算入宏信，而家k3剛開始，我計劃cut左d玩多嘅興趣班，報番d例如英文會話，普通話班谷一谷睇下點先，大家又覺得我嘅做法可行嗎？各位家長宏信教學方式又是否適合我女兒嗎？宏信係咪真正嘅活動教學？

kamtsk

要找一所適合小朋友和家庭的學校, 實在不容易.

不過如果你心儀宏信, 我也會建議你讓小朋友多點接觸英文和普通話, 因為面試是以這兩種語言的. 當然, 我相信學校不只是選語文能力佳的小朋友, 小朋友的個性也十分重要. 因此, 只須多給小朋友機會接觸, 不用'谷'呀!

fifi1017

明白了，我已開始搵小一面試班比佢打底先，如冇意外係咪10中開始1st面試架？