請教各位中學的讀書方法

jessie_CC

小朋友band2自行收左，小學一直陪讀書，中學唔放手唔得但小朋友又唔自律加少少懶，想請教成績好學生平日時間表係點，自己唔識教，想請教成績好有咩方法，謝謝

LeeCC

自行收咗，如果無打算叩門，畢業試就放手畀佢自己來，自己摸索，賽後再同佢一起檢討，再討論下點改善溫習方式

中一第一次測驗繼續放手，睇下成績點


小朋友自行入到的，一般都係個間學校頭20～30％，中一二係學習自學的階段，唔需要太擔心


小朋友要跌下先成長既，最緊要係父母捨得畀佢跌，陪伴佢面對失敗和鼓勵佢繼續向前

gracelam

jessie_CC 發表於 23-4-27 01:45
小朋友band2自行收左，小學一直陪讀書，中學唔放手唔得但小朋友又唔自律加少少懶，想請教成績好學生平日時 ...

中學唔同小學，中英數常→多咗好多科，b2中學如果入到英文班，數學 History Geo IS全部英文讀，如果小學係中小，一般b1英文中學嘅學生適應期大約2一3個月來轉Channel 。

另外各科會多咗quiz, 唔似小學定期有默書測驗，家長會出手温習，到中學常見孩子quiz完家長都唔知

中學階段靠自律，好多野家長想管亦管唔到，成績表反映一切，如有需要就去補習啦!

Yanamami

自律、專心、有效率同良好時間管理就係成績好既學生既特質。就算俾佢地個time table你跟都無用，治標不治本。成績好既學生有自動波功能，家長都無得插手。成績好既教法係從小培養責任心，知道讀好書係為自己，唔係向家長負責，係自己責任。

2010YL

jessie_CC 發表於 23-4-27 01:45
小朋友band2自行收左，小學一直陪讀書，中學唔放手唔得但小朋友又唔自律加少少懶，想請教成績好學生平日時 ...

1. 畢業試放手俾小朋友自己溫書, 之後先再賽後檢討!

2. 如果B2 係英文班, 最好每日抽時間串英文生字, 我每日都叫小朋友串3個英文生字, 一個月後唔記得一半都仲有45個

3. 做自己既筆記,  每科都要, 之後溫書會舒服好多

jessie_CC

謝謝各位回覆，小朋友英文同中文都係一般，特別係聽同講，現打算盡量每日睇美劇訓練聽，可能中一先開始遲左啲，中文真係唔知點幫，母語係中文但係聆聽同說話都麻麻(emoji)

2010YL

jessie_CC 發表於 23-4-27 13:41
謝謝各位回覆，小朋友英文同中文都係一般，特別係聽同講，現打算盡量每日睇美劇訓練聽，可能中一先開始遲左 ...

中文既聽&講都唔係最重要，最重要係作文，一卷定生死

jessie_CC

2010YL 發表於 23-4-27 14:03
中文既聽&講都唔係最重要，最重要係作文，一卷定生死

作文我都知睇書有一定幫助，我小朋友睇書好單一，科幻小說果類，想中學作文好，睇邊類書比較有幫助？文言文係唔係好重要架？

天外之人

回覆 jessie_CC 的帖子

中學真係唔同小學，中英數常→多咗好多科，自行又順利收咗，中學入英文學校，肯定大部份都係英文讀，如果小學係中小，真係睇小朋友基礎能力去到邊，冇補習考到適應期大約2一3個月到半年都講唔定，但若小學都依靠補習，父母自己其實心中有數，肯定適應期耐啲，所以若夾硬入仲辛苦。

講到讀書方法，小朋友到中學會慢慢有自己主見，衹係呢個自律同主見什麼時候出現，睇小朋友對學習心態有多喜歡，中學正常家長唔好涉及太多，因為仲加上青春期，真有需要補習孩子應會向家長提出。

天外之人

回覆 jessie_CC 的帖子

冇限定睇咩書,我衹係同小朋友講作文絕唔可以離題就可以,天馬行空隨自己意思去寫.
雖然我在EK回覆,好多人都話離題及歪理,呢個亦都係我訓練小朋友其中一個方法,加上學校老師指導,讓她知道什樣唔離題,什樣離題, 亦可令佢說我什麼不足,籍此更增強自信心,所以佢既中文我從不擔心,有幸多年來幾本書內容都有佢手筆.

jessie_CC

天外之人 發表於 23-4-27 15:08
回覆 jessie_CC 的帖子

中學真係唔同小學，中英數常→多咗好多科，自行又順利收咗，中學入英文學校，肯定 ...

小朋友小學係中小，小學一直都要補習加上我陪讀，所以而家雖然自行收左，但係擔心佢跟唔到，自覺自己真係唔識教，所以上嚟呢到請教有經驗既媽媽，都打算比佢繼續補專科，自己就要改變唔想下下望實佢，之前半迫半氹咁讀，而家就打算開心啲學習，唔想親子關係變差

天外之人

回覆 jessie_CC 的帖子

輕鬆啲,孩子正常永遠都感受到父母對佢真假關懷,特別已上中學既小朋友,自我意識高咗好多,加上青春期問題,唔需要比太大關於學業壓力佢,都已經補開,且基礎野唔呃得自己,佢自己覺得有需要都會主動要繼續補下去,除非真係冇心向學了.  
-
其實開心學習應該由幼稚園就開始,開心學習影響孩子成長求知路態度,且好多家長以為母語係中文就稔住容易上手或重視英文問題,加上太多自然性口語,作文都會因應自己平時多聽多講多睇而寫出來,到中學先著緊基本上有點遲.

2010YL

jessie_CC 發表於 23-4-27 14:38
作文我都知睇書有一定幫助，我小朋友睇書好單一，科幻小說果類，想中學作文好，睇邊類書比較有幫助？文言 ...

睇咩書都可以, 不過多元化會好啲, 另外, 文言文唔係唔重要, 如果你唔係想DSE摘星, 咁...個人覺得文言文唔係主力, 考試中, 文言文可以攞到一半分已經叫好架喇

jessie_CC

天外之人 發表於 23-4-28 10:51
回覆 jessie_CC 的帖子

輕鬆啲,孩子正常永遠都感受到父母對佢真假關懷,特別已上中學既小朋友,自我意識高咗 ...

我小朋友由小一墊底果浸一直想辦法幫佢，比左好多心機，直到小六去到band2有學校收都感恩，成績經常上上落落又有拖延症欠自律，我都再想希望中學有6年時間，訂定學習計劃，唔知有冇幸運dse 有好成績，雖然遲都好過咩都無做

jessie_CC

2010YL 發表於 23-4-28 13:04
睇咩書都可以, 不過多元化會好啲, 另外, 文言文重唔係唔重要, 如果你唔係想DSE摘星, 咁...個人覺得文言文唔 ...

我都盡量引導佢睇多啲唔同既書，佢欠動力興趣睇其他書，唯有自己睇埋一份，Dse希望有好少少成績就好感激

kirstyau

jessie_CC 發表於 23-4-27 01:45
小朋友band2自行收左，小學一直陪讀書，中學唔放手唔得但小朋友又唔自律加少少懶，想請教成績好學生平日時 ...

成績好，唔計先天，最少同學自己有要求。 但仔女自己，唔通放棄咩，如有需要入屋收手機，話要用黎做功課，屋企有電腦，whatsapp有 web版（同同學傾野），用平板我行過會望下畫面。唔識我就幫唔到了，佢地自己會上網搵，細既就可以問大。

天外之人

回覆 jessie_CC 的帖子

興趣,永遠都係接觸過後慢慢形成,呢啲就叫後天做成,不論先天有幾高幾低(冇人會知),有了興趣就可以,所以點解幼稚園及小學這方面要攪好,更唔需要做到收手機限制玩樂,且到中學更難支援到孩子(因為有自己主見),家長衹有多支持佢做既野,令佢自信心唔好失去,真係需要補習就繼續做,主要都係睇孩子是否願意(強迫係會有效果,但長遠唔係好事). 就算測驗唔好,家長向答得好方向給予支持,答錯那些讓孩子了解錯在那裡,不用漫罵及指責,我從孩子小學開始都是這樣子做,因為孩子不論0分或100分都會主動說我知結果或比我睇,一起分享成果.
-
DSE有冇好成績,未必對孩子將來生活有否好壞處,衹要佢正正常常健康有思想向著好方向,一樣都可以有好既生活及工作.

小黄蜂

jessie_CC 發表於 23-4-28 18:09
我小朋友由小一墊底果浸一直想辦法幫佢，比左好多心機，直到小六去到band2有學校收都感恩，成績經常上上落 ...

Never too late唔係賣緊廣告