今年考小過程的總結同反思

快樂火雞

踏入十二月，主要直私的小一面試已經基本結束，家長所能做的就是靜靜地等待結果。在這短暫的安寧時光，我也想同大家分享一下自己，以及身邊那些一起參與這一個游戲的家庭的經驗同總結。

1. 幼稚園的評估非常非常重要
    好多家長都忽視了一件事情，決定小朋友會不會被錄取的，最重要的不是面試表現，而是幼稚園評估。好多學校的面試只有短短十分鐘，所以好多家長都疑惑，這十幾分鐘能看出什麽來？
    但如果我們按照升中派位的游戲規則來看，我們就很容易明白了。學校早已根據幼稚園的評估對小朋友分成幾檔，一檔是完全不想要的，一檔是勉强想要，一檔是完美符合學校檔次的，還有一檔是要不起的。 到了面試的時候，完全不想要的那檔，直接應付了事，勉强符合的，就要發掘亮點，看下在wating list排前還是排後面，完美符合的，只要沒有嚴重缺點就收了。
    講到這裏，大家就很容易明白爲什麽名幼那麽重要了。對於大部分直私來講，LH，SC這些成名私幼的前50%，甚至前75%都是他們的目標範圍，而一般的村幼，可能前10%才能進入視野

2.校外獎項要有代表性    小朋友多多少少都有一些校外的獎項。但有些獎項只係豬肉獎，比如什麽什麽數學比賽的金獎，什麽什麽體育競賽的優異獎等等。
    但從身邊朋友的反饋來看，校外比賽，基本上要去到三甲才是一個加分項。如果無三甲的話，可能對村幼會有所幫助，如果本身係名幼，可能都不用浪費時間了。
    但另一方面，有些不起眼的獎項可能有更大幫助。比如某些朗誦，合唱，因爲某神校特別注重。
    所以挑選課外活動的時候要有針對性。比如某運動會，就同拔萃有千絲萬縷的關係，也有些運動俱樂部話明同一些小學關係密切。

3. 地址也是一個考慮因素
    大部分小學都希望學生要在校車覆蓋範圍内，所以如果住址在覆蓋範圍之外，就是一個比較嚴重的扣分項。因爲會大大增加家長放飛機的概率。另一方面，直資和大抽獎是衝突的，對於向住在11 12 14 41這些好校網的小朋友發offer上都好小心。


4. 學校有幼稚園黑名單
    我們猜測一些幼稚園是上了黑名單的，典型的是龍幼，龍幼小朋友出去面試，經常會被waiting，哪怕是頭部都經常收reject，因爲校方不認爲你會放棄自己的結龍小學
    而龍幼之外，據説某些相當出名的幼稚園，他們學生的訓練是以叩門爲主的，也很不受直私歡迎，因爲隨時到了六月，叩門成功立刻放飛機。
    所以有時小朋友沒有offer，不一定是表現不好，有時候是他的幼稚園不在對方的心儀清單上


小小感觸，希望對大家有幫助，希望大家在接下的時間還有所斬獲，大抽獎同叩門順利

西瓜包

hkpapa852 發表於 22-12-31 17:18
你太不了解那些名校畢業生的心意，因為他們知道，傳統名校嘅家長網絡，比一般官津校強，對佢哋嘅事業可能會 ...

可能男校好啲，女校唔覺

Imstillalive

神校老師用 10-15 分鐘 interview 已經足夠有餘， 點都估到小朋友 7-8成，揀臨場醒目Smart clever 先係首選
有錢人仔女唔叻收來有咩用?
收來拉低自己學校成績揾自己笨嗎?  


點會信你拿過咩獎乜獎呢

天外之人

luckyhei 發表於 22-12-30 20:10
回覆 Jean1769 的帖子

真心唔明白，呢度係教育王國，上來睇留言應該都係想學習點樣為子女爭取入讀最好嘅學 ...

其實你知唔知學校存在為了什麼?來教育王國有好多不同想法既家長,但唔應該將教育分化出什麼學校,特別係小學,學校用意應是所有小朋友入學,都係學到應有知識.對自己及社會將來有什麼好既貢獻,
名校所指氣質,唔代表學生會係學得好,現今社會好多名人坐監或做壞事既人都係名校出身,有呢啲氣質有咩用? 反而我睇到唔少名校既小朋友成長得唔開心就好現實,父母做咁多野夢寐以求可以比子女最好嘅禮物,唔知佢地知唔知孩子真正想要啲咩.

anna_8211

hkpapa852 發表於 22-12-31 17:18
你太不了解那些名校畢業生的心意，因為他們知道，傳統名校嘅家長網絡，比一般官津校強，對佢哋嘅事業可能會 ...

呢樣真，出門靠朋友，識人好過識字

Jean1769

azure7689 發表於 22-12-31 21:43
同意人係獨立個體，子女只係通過父母嚟到呢個世界。
又，上司下屬只係工作夥伴，大家都係受薪。正常唔會好 ...

睇佢句職業有分高低就知啦

azure7689

hkpapa852 發表於 22-12-31 17:18
你太不了解那些名校畢業生的心意，因為他們知道，傳統名校嘅家長網絡，比一般官津校強，對佢哋嘅事業可能會 ...

唔知hkpapa 嘅意思係對家長定小朋友將來事業有幫助？
名校畢業生已經有自己舊生網絡，如果仲要覬覦仔女同學父母嘅網絡，只能話天外有天～

azure7689

Jean1769 發表於 22-12-31 17:03
係啦，父母要面子，仔女係棋子。
做到咁上下職位，難度唔知乜名校都好，實力最重要。地區名校有時仲實幹過 ...

同意人係獨立個體，子女只係通過父母嚟到呢個世界。
又，上司下屬只係工作夥伴，大家都係受薪。正常唔會好煞有介事強調永遠唔會話自己比下屬成功，除非係成日用事業成就/收入去衡量其他人嘅人。

哈哈好似同考小扯得太遠～

hkpapa852

Jean1769 發表於 22-12-31 17:03
係啦，父母要面子，仔女係棋子。
做到咁上下職位，難度唔知乜名校都好，實力最重要。地區名校有時仲實幹過 ...

你太不了解那些名校畢業生的心意，因為他們知道，傳統名校嘅家長網絡，比一般官津校強，對佢哋嘅事業可能會有幫助

Jean1769

azure7689 發表於 22-12-31 16:40
會覺得係一場戰爭，因為they are fighting a proxy battle，分唔開個人同子女嘅成績/成就。
會喺教育王國將 ...

係啦，父母要面子，仔女係棋子。
做到咁上下職位，難度唔知乜名校都好，實力最重要。地區名校有時仲實幹過名校神校。應該話，人係獨立單位

azure7689

hkpapa852 發表於 22-12-31 14:50
考小是一場殘酷又折磨人嘅戰爭

會覺得係一場戰爭，因為they are fighting a proxy battle，分唔開個人同子女嘅成績/成就。
會喺教育王國將個人名校背景同公司職位掛在口邊係一個indicator。

hkpapa852

luckyhei 發表於 22-12-30 21:46
本帖最後由 luckyhei 於 22-12-30 21:49 編輯

本帖最後由 luckyhei 於 22-12-30 21:47 編輯

考小是一場殘酷又折磨人嘅戰爭


去唔去考學校係家長自己揀
唔去考學校讀派位學校唔通會死咩？
每年最後都有～80%小朋友要讀派位學校㗎啦！
唔通佢哋父母係唔用心栽培子女，或者係失敗者？

hkpapa852

Jean1769 發表於 22-12-31 11:32
hkpapa講得好中。依我觀察而家香港d家長就係執輸行頭慘過敗家的心態。見人哋做乜學乜就自己跟住學。幼稚園 ...

從報考既學校名單同數字就知，有幾多家長只係漁翁撒網式，根本無認真瞭解過去考既學校
否則如果本身有清𥇦目標，根本唔會考各類教學方針完全不同既學校

Jean1769

hkpapa852 發表於 22-12-31 01:42
其實你似乎只係想盡力去「爭取」番政府既資源，而唔係想子女入名校噃？
如果作為名校畢業生依家係一人之下 ...

hkpapa講得好中。依我觀察而家香港d家長就係執輸行頭慘過敗家的心態。見人哋做乜學乜就自己跟住學。幼稚園都要上中文認字班，金撈張面試班自稱考小成績優秀就撲去理得你用乜方法，缺乏自我思考能力。真係悲哀

hkpapa852

luckyhei 發表於 22-12-30 22:21
回覆 Jean1769 的帖子

香港一直以來最可愛的就是對和以不同的尊重，我尊重你對愛小孩初衷的堅持。

其實你似乎只係想盡力去「爭取」番政府既資源，而唔係想子女入名校噃？
如果作為名校畢業生依家係一人之下千人之上既管理層都唔明白「盲目」考小學既失敗之處，實在可悲。

認真去睇，有邊間小學有公開過佢地小一收生要求同評分準則？如果無，點解你以為乜乜物物班會有能力幫到你？其實咪只係寧願做多唔好做少，執輸行頭慘過敗家既心態。

現實中，有冇瞭解過香港升學同考試制度？

f00130

對於考小學 我覺得只要小朋友、父母盡咗力就夠了 成功與否交給個天 無需太大壓力俾自己 就算考唔到又點 大把人都考唔到啦 又唔會無書讀 前面嘅路仲好長 毋需將呢一刻的失落無限放大囉
同埋有些父母為考學校 搞到小朋友好忙又上興趣班又面試班又補習班 其實又係咪真係需要咁多呢 定人去我去驚執輸心態為主 可以認真反思一下係咪真係有用先啦

f00130

考學校目標一定係要入名校？上EK又係為了想入名校嗎？
可能本身唔係「名校」出身 有些想法真係跟唔上….

adako728

呢個社會係有啲家長自我感覺十分良好，可能係本身自己都係「名校」背景，加上工作又一人之下萬一之上，難免唔多唔少都中了少少「名校」啲毒，搞到自己可能都開始已經有少少情緒問題卻不自知。回憶返，我自己細個冇讀名校，打工也沒有人地打到咁叻，卻從未睇少自己，亦從來都唔覺得自己/仔女需要呢一類的標籤，唔知點解我成日覺得其實內心越係自卑嘅人先越需要外界一些所謂的「光環」來很多來填充自己內心的不安⋯簡稱：焦慮症

sandra1004

Carly0909 發表於 22-12-30 22:31
神校名校，宜家冇，唔等於將來會冇，就算讀街市隔離嘅小學，唔代表將來考唔到神校，唔好用個框框，框住唔係 ...

認同
而且唔係人人受谷
唔係個個家庭都support 到小朋友入名校
我仔女自由慣，冇外補習慣
突然要佢地出去外補，可能會弄巧反拙
令佢地失去學習興趣
應付到學校之餘有時間一齊睇下書
就已經ok了

Jean1769

luckyhei 發表於 22-12-30 22:21
回覆 Jean1769 的帖子

香港一直以來最可愛的就是對和以不同的尊重，我尊重你對愛小孩初衷的堅持。

既然你講呢d，我又分享下我睇法。現今香港向上流機會接近無，因為幼稚園開始已人以群分。

我認同你所講名校神校有一d普通學校無的例如人脈或較好語境、學校設施（係咪就等如其他學校就不是好學校就睇你點定義好）。而要入呢堆學校又的確如你所講要「栽培」包括兩文三語一體一藝見慣大場面唔怕生保，而呢d，好老實，都係要用錢去堆砌（又稱栽培）。

「考名校其實係我哋爭取回我的應得嘅權益。」

而好明顯，而家只有中產或以上先有機會爭取「呢d應得的權益」，名校神校轉直私，考小面試過三關，我只能說是基層的悲哀。

Anyway，我在笑怪獸風氣時認同是香港教育制度所做成，要玩呢個遊戲唯有跟返規則，只不過想各位父母諗真d，香港的學校其實一般黎講都唔會差，入唔到神校名校人生唔會玩完，亦唔需要為左入呢d學校而逼迫子女忙過返工，又或上埋d甚麼老師班。