小朋友剛升上小一既媽咪請入黎傾下!

GaryF

各位好呀!
我個仔剛升上小一, 但係我覺得佢仲好似返緊幼稚園咁, 有時上堂仲會玩下/惡作劇, 我好擔心比老師既印象會唔好?!:cry:  有時又唔記得拎餐具盒回家, 又唔見通告, 問佢野又唔係好知, 無理由成日打去問老師架嘛!  妳地會唔會有d咁既煩惱呢?  其實對於一個小一既小朋友來講是否正常現象呢?

qqwong

原文章由 GaryF 於 07-9-19 13:37 硐表
各位好呀!
我個仔剛升上小一, 但係我覺得佢仲好似返緊幼稚園咁, 有時上堂仲會玩下/惡作劇, 我好擔心比老師既印象會唔好?!:cry:  有時又唔記得拎餐具盒回家, 又唔見通告, 問佢野又唔係好知, 無理由成日打 ...

我囡囡都係升上小一, 每次寫手冊總會寫漏野或寫錯字, 問她老師今天講過乜野, 佢乜都話唔知....試過打去問她的班主任, 班主任有點不耐煩咁款, 又話我地唔使咁緊張...我地要上班, 有好多事情唔知道, 當然都問清楚....又話要學校及家長多啲溝通, 只係得個[講]字...

Shirley31

我個女今年都是剛升小一，佢比較好，手冊寫得很清楚，
可能幼稚園K3時已有寫手冊。但佢都是十問九不知，
每次問佢做功課佢都答唔知做邊本，又冇帶作業返屋
企，都唔知佢有冇上堂???

剛返學第一個星期，佢返屋企講比婆婆聽上堂唔小心
睡著咗!!!

現家第三個星期啦，佢好似都ok，沒有跟我講唔想返學。
我想佢都好快適應。

October

我個女又是小一, 也說在堂上睡覺, 真激死人, 功課對我說做完, 但到我檢查的時候總是有漏, 但當我下班回到家的時候, 實在時間緊迫, 真激死.

每天也和時間徑賽.

mandyman234

我的小朋友都係剛剛讀小一, 要同他一起識應小學生活, 返全日, 好似沒有什麼時間. 要check 功課, 溫書, 晚上10時要訓... 唏.. 要安排時間恰當. 否則我和小朋友都好辛苦.....anyway, 一起努力..

原文章由 October 於 07-9-19 15:10 硐表
我個女又是小一, 也說在堂上睡覺, 真激死人, 功課對我說做完, 但到我檢查的時候總是有漏, 但當我下班回到家的時候, 實在時間緊迫, 真激死.

每天也和時間徑賽. ...

Yingmom

我囡囡又係升小一，佢話返學好開心，但我問佢學校教咗D咩呀，佢奉旨答我：都係個D、咪同平時差唔多、唔記得喇...等。 我真係覺得我好似係度同McMug傾緊計咁:tongue:

銘銘媽

我個仔都係小一, 佢未適應哂既, 最唔適應咪做功課囉.
可能由於佢以前係讀幼兒園, 好多功課都係喺學校度做哂, 所以以前星期一至四唔洗做功課, 返到屋企可以玩, 而家升咗小一, 梗係唔得啦, 日日都有功課做, 佢擒日先第一次喺我放工之前做過吓d 功課, 之前日日都係等我返黎先做, 攪到我想同佢溫書都唔得, 佢成日話想玩, 不過當我返到去果陣, 見佢未做哂功課, 一定捉佢做埋d功課, 佢下星期開始默書, 我當然要佢溫書啦, 結果無夜咗瞓, 又無得玩囉, 希望佢自己知道要珍惜時間, 早早做哂功課為上策.
我個仔好在到而家都未試過漏野喺學校, 都叫做 ok.  只係遲過兩次到, 再遲多次就俾人圈手冊(好似小過果類).  而家佢知死啦, 唔會'mor'咁耐, 準時出門口.

apple_lee

我囡又係今年小一, 我覺得佢都OK, 無話唔適應,我問佢鍾唔鍾意返學, 佢話鍾意, 不過就要好早起身返學好辛苦,到目前返咗三星期佢都祇係昨日抄手册時, 寫少咗兩個字(都算係咁架啦)。各位DADDY及MAMI我哋要比多D愛心佢哋, 齊齊陪小朋友渡過小一適應期啦, 加油呀

[ 本文章最後由 apple_lee 於 07-9-19 17:11 編輯 ]

JODY媽咪

我呀女就都算ok啦, 我問佢習唔習慣, 佢都只係話d老師惡左d囉, 反而我唔習慣有好多野要幫佢跟進囉, 例如睇通告同學校派番黎既單張, 好鬼死多, 睇到眼都朦。

肥嘟媽

我個囡呢兩日終於寫齊手冊，謝天謝地，希望繼續寫齊
我同老公都返shift，囡囡放學就由老爺奶奶揍，欠缺主動是最大問題，要三催四請先肯做功課，不過星期一佢煲了很多個鐘電視，結果成九點半先做完功課，很累，唉，有時未必係小朋友問題，我地大人抽唔到時間陪佢係另一大問題

GaryF

原來大家都有著相同既問題, 唔好話小朋友難適應呀, 我地大人第一次幫佢地跟咁多野都覺得好難適應呀!
最慘係有問題都唔知問邊個好, 問當事人又答妳唔到, 問老師又怕煩死人, 真係唔知點算好! 希望過多一兩個星期佢地會好d啦, 佢好即係我好!

E2經理人

原文章由 qqwong 於 07-9-19 14:11 硐表


我囡囡都係升上小一, 每次寫手冊總會寫漏野或寫錯字, 問她老師今天講過乜野, 佢乜都話唔知....試過打去問她的班主任, 班主任有點不耐煩咁款, 又話我地唔使咁緊張...我地要上班, 有好多事情唔知道, 當然都問清楚... ...

因為我個女在校內比同學叫”死蠢”, 我都試過打去問我個女的班主任, 班主任都有點不耐煩咁款, 唔係好理我. 言談間仲暗示只係我個女問題, 最後我至電比副校長. 件事先似有人理下

E2經理人

我個女回到家仲好唔開心, 同我哭訴. 話佢因覺得有一個A小朋友比B小朋友笑文具”核突”, 所以我個女把所有自己的文具同A交換, 等A不用比人笑. B就叫佢”死蠢”令佢唔開心. 最後, 我同佢回幼稚園, 幼稚園老師同佢傾完先至對自己”肯定”番, 而家做小一亞媽, 我覺得好辛酸… 好心痛佢的唔開心

Karinachu

Hello各位,

我囡囡都是剛上小一, 可能幼稚園程度比較深, 現在我反而好輕鬆, 我暑假時都報名等佢去補習班做功課, 現在我睇她自己都ok, 反而補習班老師教錯功課, 我可能補多一個月唔補tim.


我個女回到家仲好唔開心, 同我哭訴. 話佢因覺得有一個A小朋友比B小朋友笑文具”核突”, 所以我個女把所有自己的文具同A交換, 等A不用比人笑. B就叫佢”死蠢”令佢唔開心. 最後, 我同佢回幼稚園, 幼稚園老師同佢傾完 ... [/quote]

edea

E2經理人:

妳囡囡真係好乖, 我感動到眼濕濕, 一定係你地教得佢咁乖, 咁善良。

maycheung1

原文章由 GaryF 於 07-9-20 08:23 硐表
原來大家都有著相同既問題, 唔好話小朋友難適應呀, 我地大人第一次幫佢地跟咁多野都覺得好難適應呀!
最慘係有問題都唔知問邊個好, 問當事人又答妳唔到, 問老師又怕煩死人, 真係唔知點算好! 希望過多一兩個星期 ...

Me too, I also have the same problem!
Fortunately, I let my son cope with difficulties on studying & social relationship with his peer group. I found that children have a great potiental to solve their problems if parents hand over and give a time to them.
Bless all P1 parents & kids.

嘉嘉mama

我囡囡都係小一學生.佢話返學都好開心,但有時都好烏龍,有時功課會做漏,而且有冊啲字又寫錯晒.剛剛同佢驗眼,原來有近視,1隻150度,1隻175度,醫生話咁細個有近視會加深得好快,慘!!

另外,因為囡囡返全日,成4點幾先返到屋企,又要做功課,又要學嘢,真係好忙,我而家要幫佢重新安排啲活動,唔想佢太辛苦.

係呢,唔知各位有冇好嘅eng centre (近太子道西明愛附近)/ private tutor可以介紹呢?

lulupopo

兒子被選為班長時,早期有一些同學仔針對時,常有惡作劇,但是學校家長會曾提及應放手給他們自己面對和解決,一星期後已老友鬼鬼,有時家長要教他們包容,盡量看輕一點,不要太執著,小孩子的世界有他們的一套方法.由K1開始我已教他每天都要溫習,好似擦牙一樣,當一件事養成習慣,他便自動自覺去做,最重要父母不要比太大壓力,令他們生厭.
(以上是本人少少意見,請各位見諒)

銘銘媽

E2 經理人,
我反而覺得你個女好好就真係, 死蠢果個係佢同學, 有個咁好既同學, 都仲要笑佢, 結果損失果個一定係佢自己.
嘩~~~ 你個女果D 咩教師黎既!!!  :tongue: :tongue:

apple_lee,
你就好啦, 我個仔唔想做功課, 做到發皮四, 話唔想返學.
唉~~~

肥嘟媽,
我個仔都係咁, 亞嫲控制唔到佢, 日日放學返去,都係要睇電視, 結果等我放工返去佢先肯做, 咁我放工返到去都成7點啦, 又係食飯時間, 咁我地又要趕住由亞嫲果度返屋企, 我又唔想佢太夜瞓, D 時間咁少, 咪成日做到好晏, 佢想玩都無得玩囉. 唉!!
好在佢呢個星期都有D進步, 不過相對功課又多咗, 佢繼續做到發皮四.