小朋友剛升上小一既媽咪請入黎傾下!

ChuMom

我囡囡都係剛剛升小一，佢都OK，因為佢性格好主動, 但我就好大壓力，因星期二默英文，星期四默中文. 英文每次默12個生字, 中文就默7,8個生字加一段中文課文. 每天放工就跟佢D功課, 然後開始次默中英生字… 我覺得佢記中文快過記英文, 英文成日將D 字母混淆, 其實剛剛升小一, 真係要比D時間佢, 但我又唔想佢默書太低分,所以真係要好用心跟佢D功課.

我們作為一個working mom, 真係有苦自己知, 老公放工有睇住個囡,咪就係睇住我同個囡做功課,又唔幫手,有咩就得把口.

小丑魚

係呀, 老公真係得把口。 閙佢叫佢幫下手, 佢會諸多籍口, 我冇你跟得敢好/我又吾知你教到去邊, 費事攪亂檔啦!!

原文章由 ChuMom 於 07-9-25 10:28 硐表
我囡囡都係剛剛升小一，佢都OK，因為佢性格好主動, 但我就好大壓力，因星期二默英文，星期四默中文. 英文每次默12個生字, 中文就默7,8個生字加一段中文課文. 每天放工就跟佢D功課, 然後開始次默中英生字… 我覺得佢記中文快 ...

helenhhh

唉,很有同感呀. 最激氣外婆(即是我阿媽)還時常話我"冇人好似你那麼紧張,是龍是鳳已注定..."
還有,以前幼稚園時時可以同老師傾,又有相片等,都知道他在幼稚園的情況.但現唔同,什麼也不清楚. 唔知同班同學?老師的樣?班上的情形?大息時呢?

虫虫主人

原文章由 小丑魚 於 07-9-25 10:59 硐表
係呀, 老公真係得把口。 閙佢叫佢幫下手, 佢會諸多籍口, 我冇你跟得敢好/我又吾知你教到去邊, 費事攪亂檔啦!!   

好彩我老公都肯教個女做功課同溫書

小晴媽

原文章由 小丑魚 於 07-9-25 10:59 硐表
係呀, 老公真係得把口。 閙佢叫佢幫下手, 佢會諸多籍口, 我冇你跟得敢好/我又吾知你教到去邊, 費事攪亂檔啦!!   

你哋都好呀…有個老公係度…我一個人咋…唉…

虫虫主人

原文章由 小晴媽 於 07-9-26 22:09 硐表


你哋都好呀…有個老公係度…我一個人咋…唉…

小晴媽,

加油~~~~

jk923

今日先留意到呢度，我仔仔都上小一，佢好鐘意返學，重話d飯好好味，手冊都算抄得ok，除左有時少咁d筆劃外，功課都算係咁，有時會係導修時做晒，做唔晒都完成7、80%。返到屋企4點半度，沖埋涼食d野就check功課同備課，我同佢而家都算習慣，所以都無特別上網同佢check功課。下星期先開始默書，所以未知成積係點？ 佢係學校都試過比個女同學搣佢本書，重次次都係中文堂先搣，阿仔第3次終於話比老師知，重有用顏色畫佢件衫！ 最後老師幫阿仔調埋位！而家終於聽到佢講幾個同學既名啦。

GaryF

小晴媽,
有老公都未必幫到手架!  早幾日我老公教個仔做功課, 好彩我有檢查咋, 教到錯晒, 激死我!
大家努力啦!

原文章由 小晴媽 於 07-9-26 22:09 硐表


你哋都好呀…有個老公係度…我一個人咋…唉…

銘銘媽

小丑魚,
你個仔都好呀, 會話你知係秘密, 如果我個仔發生咗d 唔好既事, 佢會直頭話無野, 當我傻既咁呃.

Olkan,
唉~~ 亞仔果間學校, 我仲未上入到佢學校個內聯網, 都唔知幾時先可以上網同佢睇吓有咩功課做, 日日要我放咗工, 返到屋企先可以睇到佢有咩功課做.
亞仔間學校, 會要家長買埋個袋功課既 file, 每日第一課, 所以小朋友都會拎返呢個file d 野出黎交, 所以一定唔會漏交.
我知呢個學期學既野, 好多都係舊年 k3 既野, 呢個學期, 只係重溫, 同埋俾佢地適應既咋.

Garyf
我仔個間學校都係用代號既, 頭果幾日睇, 真係唔知佢字咩, 問亞仔, 亞仔又話唔知, 我唯有估啦.

Chumom,
你個女果間係名校黎既, 咁深既, 我個仔都未默英文, 只係星期一默咗次英文, 就好似填充題咁, 唔算太深.

Helenhhh,
我都覺而家好似同學校隔絶咗咁, 咩都唔知, 又唔想好似為咗d 小事, 打去問佢班主任咁, 好似好緊張咁, 但實際上自己又好擔心喎, 唉~~ 咩家校合作呀, 咪又係家有家做, 學校有學校做.

小晴媽,
我同你一樣, 當我老公放工返到屋企, 我自己都攪掂哂.

召藥師

我個仔都係小一學生，依幾個星期真係日日都好似打仗咁。
一早要起身整早餐，叫醒佢食，又要同佢check多次書包，預備水、毛巾盒、小食、紙巾同手巾仔，有時佢食得慢又要不時叫佢食快d。

午餐又要整飯盒俾佢，日日都食淨，只係試過整韭菜煎蛋個日先食哂。

放學就成日唔記得清櫃筒，要我係學校門口即時check佢書包見冇帶齊功課再入番去攞。剛剛星期二佢daddy接放學，daddy問佢帶齊野未佢仲好快應執好哂，番到屋企先黎冇，daddy話唔理佢要佢自己受教訓等佢下次記得喎!

返到屋企佢做功課又唔專心，對住個窗發呆，唔係一對一睇住佢做就會神遊。人地做個零鐘頭功課，佢就要做2個幾3個鐘(寫字勁慢)，搞到冇哂時間玩同溫習，跟住又眼訓喇......

學校生活方面，佢俾人攞過八達通黎doo野飲，又唔同我講(學校一早提左家長要教小朋友，我一早多次吩咐佢唔好，都次次都話記得)，等件事過左成個星期到我check卡時先發現洗左至少30蚊先知，人地要求阿仔請飲野就攞黎doo，doo左兩包就有時俾一包佢飲，死唔死，而家唯有用哂d錢等佢淨係用黎點名。

跟住又有同學係學校長不文歌'see my fly 個羅柚跌落街......'同埋有d死死聲ge唸口黃，返到6299度仲懶醒唱俾阿叔聽，當然俾我訓話一輪，仲要教佢唔好學唔好聽。

最激心就係，俾d新文具佢用，俾同學惡意整爛，仲死口唔認。個位男同學自己都有新ge就係都要攞阿仔個d黎用，新擦膠筆擦斷左就俾塊舊擦膠，點知又俾佢整爛。全新ge doraemon間尺就俾同學係櫃筒度敲到凹哂花哂!問阿仔點解俾人地咁整，佢話自己冇俾人做不過就係唔出聲(omg!!)，我興到寫手冊同老師講，個位同學就梗係唔認架!老師問多幾次，阿仔仲驚俾先生鬧竟然認借俾同學時已經係爛左!!好在有另一位同學目擊依件事阿仔同我先至唔會俾老師誤會我地屈人。

ChuMom

銘銘媽

我囡囡不是讀什麼名校, 佢現讀 Delia (ManKiu) English Primary School 小一，我自己都覺得幾深! 因為我囡囡比其他同學細，她現在 5.7years, 但其他同學仔已經係 6 , 7years．．．她之所以讀  Delia,係因為其他 local school  唔收細過 under 5.8 years　既小朋友，所以佢係考入去的，好在囡囡性格主動，所以都好快適應到．其實我既心態都只係想佢讀得開心，所以每天都係讀少少默書既內容…. 希望唔好 push 得佢太緊要. 你呀仔功課OK嗎, 得閒可以大家分享下.

原文章由 銘銘媽 於 07-9-27 10:25 硐表
小丑魚,
你個仔都好呀, 會話你知係秘密, 如果我個仔發生咗d 唔好既事, 佢會直頭話無野, 當我傻既咁呃.

Olkan,
唉~~ 亞仔果間學校, 我仲未上入到佢學校個內聯網, 都唔知幾時先可以上網同佢睇吓有咩功課做, 日日要我 ...

YanYan0116

原文章由 召藥師 於 07-9-27 11:05 硐表
我個仔都係小一學生，依幾個星期真係日日都好似打仗咁。
一早要起身整早餐，叫醒佢食，又要同佢check多次書包，預備水、毛巾盒、小食、紙巾同手巾仔，有時佢食得慢又要不時叫佢食快d。

午餐又要整飯盒俾佢，日日都食淨，只係試過 ...

你個囝有無因為呢d嘢而唔開心呀, 你唔好比有$的八達通佢帶返學啦, 會令小朋友更加無$的概念架.

[ 本文章最後由 YanYan0116 於 07-9-27 12:32 編輯 ]

GaryF

召藥師,
睇到都登妳煩!
不如叫班主任調位啦, 唔係就真係仲有排煩呀!

原文章由 召藥師 於 07-9-27 11:05 硐表
我個仔都係小一學生，依幾個星期真係日日都好似打仗咁。
一早要起身整早餐，叫醒佢食，又要同佢check多次書包，預備水、毛巾盒、小食、紙巾同手巾仔，有時佢食得慢又要不時叫佢食快d。

午餐又要整飯盒俾佢，日日都食淨，只係試過 ...

召藥師

原文章由 YanYan0116 於 07-9-27 12:25 PM 硐表


你個囝有無因為呢d嘢而唔開心呀, 你唔好比有$的八達通佢帶返學啦, 會令小朋友更加無$的概念架.

佢冇因依件事唔開心，好快仲忘記左，不過佢同daddy講返學唔係咁開心，覺得上堂好悶(d野一早係高班時識哂)，而且又對住d自私ge同學，平時樂於同人分享快樂ge阿仔覺得人地好冷漠而冇咁活躍。開學初番到屋企好開心同我地講同邊個同學玩乜野，而家就日日都返黎同我地講邊個教邊個唱不文歌，邊個搞邊個d文具，邊個上堂周圍走，邊個成日同人鬧交。

召藥師

原文章由 GaryF 於 07-9-27 01:33 PM 硐表
召藥師,
睇到都登妳煩!
不如叫班主任調位啦, 唔係就真係仲有排煩呀!

班主任打左電俾我問件事ge始末，班主任話班裡面有幾個un皮學生，佢都打算再調位，希望阿仔唔會再俾人恰啦!

jk923

原文章由 召藥師 於 07-9-27 14:08 硐表


班主任打左電俾我問件事ge始末，班主任話班裡面有幾個un皮學生，佢都打算再調位，希望阿仔唔會再俾人恰啦!

我個仔既情況雖然未至於好似你個仔咁，我都好明白你既擔心，但我更要明白去到邊度都會有乖同唔乖既學生，只係希望個仔知道唔岩既野唔好學，其實倒返轉頭你個仔唔同人爭執已經好好，起碼佢無做錯過，唯有當學習之一啦！

召藥師

原文章由 jk923 於 07-9-27 03:10 PM 硐表


我個仔既情況雖然未至於好似你個仔咁，我都好明白你既擔心，但我更要明白去到邊度都會有乖同唔乖既學生，只係希望個仔知道唔岩既野唔好學，其實倒返轉頭你個仔唔同人爭執已經好好，起碼佢無做錯過，唯有當學習之一啦！ ...

我擔心都冇用，處處都有咁ge學生，避無可避，只好教佢要保護自己，有咩事一定要即刻同老師及父母講，遲左就幫佢唔到。

而家當係等佢學精d啦!不過依一代真係多左好多自私ge父母教出自私ge細路。

銘銘媽

召藥師,
唔好咁激氣啦, 我個仔同你個仔不無多樣, 只係佢無俾同學仔 du 八達通, 而變咗係唔見咗八達通, 由於我個仔間學校係用八達通返學點名既, 所以一定要帶.
可能因為佢係男仔, 對用既野無咩要求, 我知佢又唔係好識錫住d文具黎用, 所以我無買過新文具俾佢開學, 如果唔係一定發生你仔既事情. 筆又唔見, 擦膠又用爛, 如果係新既我一定把幾火.
大家一齊努力啦.

原文章由 召藥師 於 07-9-27 11:05 硐表
我個仔都係小一學生，依幾個星期真係日日都好似打仗咁。
一早要起身整早餐，叫醒佢食，又要同佢check多次書包，預備水、毛巾盒、小食、紙巾同手巾仔，有時佢食得慢又要不時叫佢食快d。

午餐又要整飯盒俾佢，日日都食淨，只係試過 ...

召藥師

原文章由 銘銘媽 於 07-9-27 10:29 PM 硐表
召藥師,
唔好咁激氣啦, 我個仔同你個仔不無多樣, 只係佢無俾同學仔 du 八達通, 而變咗係唔見咗八達通, 由於我個仔間學校係用八達通返學點名既, 所以一定要帶.
可能因為佢係男仔, 對用既野無咩要求, 我知佢又唔係好 ...

我阿仔都係要用八達通點名先至俾佢帶咋，否則我唔到要搭車都唔過佢手，而家要開多張卡俾佢用。

今日阿仔又俾個位同學蝦佢，個男仔用間尺拍阿仔跟住講'對唔住lo!'，妳話死唔死。

希望大家都能放鬆d去面對啦~

[ 本文章最後由 召藥師 於 07-9-27 23:36 編輯 ]

銘銘媽

咁你個女真係好細呀. 我個仔年尾出世, 係細仔, 咁你個女係咪2002年年頭出世呀??

原文章由 ChuMom 於 07-9-27 11:56 硐表
銘銘媽

我囡囡不是讀什麼名校, 佢現讀 Delia (ManKiu) English Primary School 小一，我自己都覺得幾深! 因為我囡囡比其他同學細，她現在 5.7years, 但其他同學仔已經係 6 , 7years．．．她之所以讀  Delia,係因為其他 local ...