小朋友剛升上小一既媽咪請入黎傾下!

銘銘媽

可能我個仔果班女多過男好多, 而女仔一般都未必會蝦人, 所以我仔都無俾人蝦, 只係佢自己比較論盡/大頭蝦, 所以成日漏野喺學校, 同埋唔見野.

原文章由 召藥師 於 07-9-27 19:14 硐表


我擔心都冇用，處處都有咁ge學生，避無可避，只好教佢要保護自己，有咩事一定要即刻同老師及父母講，遲左就幫佢唔到。

而家當係等佢學精d啦!不過依一代真係多左好多自私ge父母教出自私ge細路。 ...

GaryF

咁橋既!  我個仔都係細仔呀, 佢12月出世的!
好彩佢在學習上都無乜問題!

原文章由 銘銘媽 於 07-9-28 00:55 硐表
咁你個女真係好細呀. 我個仔年尾出世, 係細仔, 咁你個女係咪2002年年頭出世呀??

召藥師

原文章由 GaryF 於 07-9-28 08:38 AM 硐表
咁橋既!  我個仔都係細仔呀, 佢12月出世的!
好彩佢在學習上都無乜問題!

我個都係細仔 9月尾出世。

carmenshek

我個朗囝囝今年都係讀小一．．．番左十日八日個傻豬豬就話習慣哂ｌｕ
第一日就開始教書．．第二個星期就讀默中文第一課．．之後第二課．．．每個星期默一課喇．．．英文都係．．．．

每日家課都幾多丫．．．又作業．又補充又功作紙．．仲要抄課文同生字．．一日多起上來成十樣家課架

佢仲係番半日制．．．所以ｄ課程好緊迫咁．．．星期６長週仲入圍左要番小童軍．．．

佢學校每日都ｕｐｄａｔｅ　要做咩功課上個校網度．．．我係在職．．收工番去咪同佢對一次囉．．
不過．．依家ｄ　ｃｏｎｔｅｎｔ真係好深．．英文都幾吃力．．串字係最難．．依家教緊分ｈｅ　ｓｈｅ　ｉｔ　ｍｙ　ｉ　ｔｈｅｙ．．．佢都明明地咋．．．
加油丫．．．都唔係太辛苦．．．大家努力丫．．．

chuyuk

我個女今年升小2,係細女,聖誕節出世.
起初都同你地一樣,
覺得好辛苦,時間不夠用,
個女又超懶,叫又唔聽,鬧又唔得,
我仲試過嬲到將佢既校服同書包放出門口,
嚇佢話你咁懶,以後唔洗返學啦,
現在回想起都肉痛!

其實,無論佢地物野月份出世,都係5,6歲既小朋友,
係幼稚園既時候,係玩下玩下就一天,
突然,1個月後,放完暑假,
要做5,6,7樣功課,
又要黙書,真係要時間識認架,
唔好講話小朋友,
就算係自己都要識認佢一下子要負那麼多責任.

後來,2-3個月後,情況慢慢好,
現在,物都做得好,
1年班時尾考成績也好好,
所以比時間自己與小朋友,
放鬆d.

ChuMom

銘銘媽，

係呀,我個囡囡係２００２年２月尾出世,所以相比之下，我囡囡係細細女！

原文章由 銘銘媽 於 07-9-28 00:55 硐表
咁你個女真係好細呀. 我個仔年尾出世, 係細仔, 咁你個女係咪2002年年頭出世呀??

mandee2621

原文章由 ChuMom 於 07-9-28 10:54 硐表
銘銘媽，

係呀,我個囡囡係２００２年２月尾出世,所以相比之下，我囡囡係細細女！

點解上年你個女報到小一 ? 今年九月都未夠yrs (5yrs 8個月)

chuyuk

係呢,我都唔係好明?

我個女已差不多全班/甚至全級最小個批,
物仲有人可以再細入學咩?

入學起碼要5歲8個月,聖誕出世都差幾日就要下年,
所以..........

YanYan0116

原文章由 ChuMom 於 07-9-28 10:54 硐表
銘銘媽，

係呀,我個囡囡係２００２年２月尾出世,所以相比之下，我囡囡係細細女！

你個女係咪讀國際學校呀.

jandtfamily

我個仔也是剛上小一，回家起初問佢，佢都是話好似自已仍在返幼稚園，不會不開心，只說很不習慣。第一個星期是適應週，各方面都很包容，讓他們適應一下小學生活，之後便開始嚴格，做錯事都會有少少罰，不像以前幼稚園般寬鬆呢！這也很正常o既，好讓他們要守規則和早點適應小學上課正式模式，而學習時更要留心。他的小學起初對他們說教時還有簡單的口號呢！「眼望前，手放低，用心聆聽。」我覺得幾好，好易記住！
抄寫手冊，是他在學校時每天重要的工作之一，我們家長每晚都要檢查他有冇寫漏手冊，做好每一樣功課和溫習好便√一下，之後便要他自已拾書包，一定要他自已做，若拾錯書或帶錯東西才在旁邊提一提，切記一定不要幫他們放，因為他們非常聰明，好易學會依賴，初初時比較難做，尤其當很夜時，很多家長都忍唔住幫手做，好o既始是成功的一半，好讓他們培養自已的責任心！日後我們家長反而才會變得輕鬆呢！
試過一次漏帶東西上課，回家記憶很深，不要即時責罵，只要講出他因做錯變會有如此後果，再提他下次要做好，這樣他真好快記得改善，多花點工夫在這方面，很有效。(有些家裏有工人的，也不能依賴工人姐姐，要自己處理，事前要和工人溝通好，避免工人濫用，甚麼都不做！)
另外有些是藉得和大家家長分享的，就是「身教」，我們以前都很喜歡看TV、VCD......之類，自從要為了能有效地教導兒子，連電視劇也戒了，不再追劇，回想真很浪費時間，看了對自已半點幫助也沒有，反而害了子女一同浪費時間在看TV上(尤其NDS、games........)真害人不淺！有家長朋友的子女，小一就沉迷了，你說日後點教？o甘就一世！雖少了看TV，但卻幫孩子養成好習慣，連我們自己也得益不少，多做了有益和有意義的事，真是「學到老，做到老」

ysl

原來每位小朋友的情況都差不多, mon cha cha, 我e家都不擔心啦, 大家努力啦

jk923

原文章由 mandee2621 於 07-9-28 11:25 硐表

點解上年你個女報到小一 ? 今年九月都未夠yrs (5yrs 8個月)

點解讀幼稚園時無人話比你聽未夠5歲8個月係報唔到小一呢？

minma

原文章由 jk923 於 07-9-28 17:08 硐表

點解讀幼稚園時無人話比你聽未夠5歲8個月係報唔到小一呢？

唔夠五歲八個月係可以報小一, 不過無足齡分數, 所以比較吃虧. 即連一般人基本個十分都無喎! 而大部份小朋友都有十五分.

銘銘媽

咁你一定識我個仔幼兒園個同學仔媽咪, 佢叫mangtau, 都係01年12月媽媽會既.

原文章由 GaryF 於 07-9-28 08:38 硐表
咁橋既!  我個仔都係細仔呀, 佢12月出世的!
好彩佢在學習上都無乜問題!

銘銘媽

九月尾就唔算細仔啦.

原文章由 召藥師 於 07-9-28 09:32 硐表


我個都係細仔 9月尾出世。

銘銘媽

而家好少學校半日際既啦喎.
其實半日唔係應該會有多D 時間做功課咩??

原文章由 carmenshek 於 07-9-28 10:01 硐表
我個朗囝囝今年都係讀小一．．．番左十日八日個傻豬豬就話習慣哂ｌｕ
第一日就開始教書．．第二個星期就讀默中文第一課．．之後第二課．．．每個星期默一課喇．．．英文都係．．．．

每日家課都幾多丫．．．又作業．又補充又功作紙．．仲要抄課文同生字．．一日多 ...

銘銘媽

咁佢都讀得上, 真係好叻女呀.

原文章由 ChuMom 於 07-9-28 10:54 硐表
銘銘媽，

係呀,我個囡囡係２００２年２月尾出世,所以相比之下，我囡囡係細細女！

銘銘媽

我自己就戒咗啦, 不過我仔女日頭喺嫲嫲度湊, 老人家一定要睇電視, 所以真係無計, 唉!!
多謝你分享, 我非常之認同'身教'

原文章由 jandtfamily 於 07-9-28 15:37 硐表
我個仔也是剛上小一，回家起初問佢，佢都是話好似自已仍在返幼稚園，不會不開心，只說很不習慣。第一個星期是適應週，各方面都很包容，讓他們適應一下小學生活，之後便開始嚴格，做錯事都會有少少罰，不像以前幼稚園般寬鬆呢！這也很正常 ...

銘銘媽

多謝你既分享.
睇黎大家都真係要放鬆D.  我都覺得自己緊張咗, 日日癲哂咁.  而家一放假, 就俾佢輕鬆D, 自己又可以放鬆D.

原文章由 chuyuk 於 07-9-28 10:22 硐表
我個女今年升小2,係細女,聖誕節出世.
起初都同你地一樣,
覺得好辛苦,時間不夠用,
個女又超懶,叫又唔聽,鬧又唔得,
我仲試過嬲到將佢既校服同書包放出門口,
嚇佢話你咁懶,以後唔洗返學啦,
現在回想起都肉痛!

其實,無 ...

clementbaby

你地好！
我個仔今年都係讀小一
我都覺得e+ D小朋友真係冇乜家教(小部份)
好似今日我仔放學返到屋企
佢同我講話今日有同學仔(但唔知係邊個)
撕爛佢盒顏色筆盒入面個張發泡膠紙
你話無唔無聊ar
跟住我問佢當時唔係度咩
佢答我話去左廁所
跟住問有無同老師講
佢就答我都唔知係邊個做
所以就冇同老師講喎
跟住我同仔仔講話如果有下次都應該同老師講
因為唔同老師講 個果同學會以為做得arm
而唔知係做錯左
好彩聽日家長日，我會同老師反映下先得