假想性玩具對兒童的語言發展有很大幫助

ttlucky0303

我都係晶晶行左一陣, 不過佢係每套計,都幾貴, 不過之前有朋友俾左晶晶系列書俾我, 又幾好睇,最緊要係呀女岩睇, 佢又肯講書既內容我聽, 又會問下我問題...都幾好架!!

Janicechong

由於有人問,我想向大家分享下我小朋友的情況.希望可以幫到及鼓勵有言語障礙小朋友的家長.

我個小朋友由上年足3歲,只可有時可說出簡單句子(但大部份時間都是用詞語表達)時, 現在是練習用連接詞將幾句句子串連成小故事.
我就是利用磁石貼同佢做以下3樣嘢:

1,介紹物件和人物,
由於磁石貼每套有很多不同物件(包括人物)(大約有40+個),可以先給小朋友底板,再每次給他介紹一定的數量物件(一定要有人物)(大約5-6件).用自問自答的型式要小朋友重複說出你介紹的物件才把磁石貼給他 (例如:衣個係咩嚟架? 原來係(物件).磁石貼會比圖卡吸引,因小朋友可用小手拎住玩及在底板(場景)貼來貼去. (值此又幫助佢手眼協調)

2, 鼓勵小朋友表達
當介紹完物件和人物,我會用磁石貼示範一邊玩,一邊形容在做什麼,小朋友從看及聽到我玩會專心學習句子(注意:所用的句子由簡單開始, 例如:人物+動作+物件),如果小朋友想玩,要多鼓勵比佢自己拎住玩,這時候可以用自問自答的形式希望他可以表達, 有時我會形容要小朋友做我所說的動作(可了解小朋友的理解能力), 最好可輪住玩, 鼓勵小朋友重複我所說的句子(一邊說一邊做).

重複1(介紹不同的物件)及2(由簡單的句子發展成複雜句子)
簡單的句子: 人物(郵差叔叔)+動作(去)+物件(郵筒)
4詞句: 人物(郵差叔叔)+動作(去)+形容詞(綠色)+物件(郵筒)
5詞句: 人物(郵差叔叔)+動作(去)+形容詞(綠色)+物件(郵筒)+動作(收信)
+位置: 人物(郵差叔叔)+動作(去)+位置(路邊的)+形容詞(綠色)+物件(郵筒)+動作(收信)

由於我買了全部5個主題,所以小朋友已學會很多詞彙.
亦可用來學英文及普通話.

3,講故事
如果小朋友已可以用句子形容. 我會做一個簡單的故事開始
首先(句子)+跟住(句子)+最後(句子)
我會一邊用磁石貼做動作,一邊講故事, 跟住要小朋友做一次, 之後可以我用磁石貼做動作,要小朋友講故事.

可能磁石貼比較吸引及變化比較多, 所以小朋友都好喜歡玩及可以玩好耐.最重要係"唔貴".

我自己覺得好正, 希望買了磁石貼的家長可以好好利用這套功具. 其實用來訓練幼稚園 (看圖說出物件名稱)及升小學(看圖說故事)的面試都有很大的幫助.

希望大家一齊努力呀!