朋友的囡囡有"大腦麻痺症"，有無其他小朋友一樣？

超級魚

Bell,

咁係屋企有無同佢拉根, 唔好停佐訓練, 如果唔係, 就有排追...

超級魚

BELLFOK0318

超級魚,


亞女今早八點又發燒38.2度~~ 不過下午就無~~唉~~令到我好頭痛呀~

我間唔中啦~~ 因為佢好唔舒服~~如果強迫佢幫佢拉筋~~怕會弄傷佢呀~~ 無辦法啦~~ 有排追就慢慢追囉~~ 最重要佢好番~~

bell~~

BELLFOK0318

超級魚,

今日我亞女又肺炎~~ 我帶左佢睇私家醫生又$400...醫生話剛剛起~~唔係太大問題~~ 要食7日抗生素同埋一個星期返去覆診~~

不過佢無發燒~~ 咳+痰聲比較多~~食粥仔麻麻地~~食食下會咳..咳到會嘔返到粥出黎~~ 都唔知點解亞女成日肺炎~~

你帶亞仔睇邊個家庭醫生呀~~'

bell

超級魚

BELL,

我仔仔睇緊幾個唔同o既私家醫生, 不過我多數帶佢入醫院睇A & E, 因為醫院佢有file, 而且可以照肺片, 知道佢係咪肺炎, 要留醫都無辦法...

保重

超級魚

BELLFOK0318

超級魚,

多謝你的關心~~~

最近天氣轉得快~~ 時冷時熱~~

我亞女呢兩日無之前張力甘高~~ 暫時都無發燒~~ 不過佢食野比較緊張~~次次都會好唔小心會咬到自己的舌頭~~
一餐奶都會咬幾次~~~ 佢唔用奶樽有年幾喇~ 用匙飲~~

bell~

超級魚

Bell,

囡囡可以用匙羮飲咪好囉, 我仔仔而家都係要用奶樽飲,如果用匙羮飲, 就要飲好耐....

超級魚

BELLFOK0318

超級魚,

其實亞女唔夠兩歲時,佢自己緊張過頭成日咬到自己咀唇咬到腫哂流哂血~~唔肯用奶樽飲奶~~唯有轉用針筒or匙羹飲~~亞女都飲好耐~!無辦法~~ 到而家比返奶樽佢飲都唔飲~~只係識得咬~~ \

bell

Wong_bb

Hi 超級魚,

i mworking ka.... yes u are right , 其實在家咪一樣係工作的一種. i have 2 kids, one is 21 months and 4 months...... also very tired.....

so happy to hear your son has improvement.......

BELLFOK0318

超級魚,

我好唔開心呀~~ 我亞女呢幾日又咬自己下咀唇 , 咬到損哂 , 又紅又腫 , 流哂血添 ~   都唔會自己放開口 , 要我強勢按佢塊面 , 要好大力先會放開佢d牙~~

間唔中食野都會咬到自己條脷都會損哂~~

我見到佢自己成日甘樣好唔開心呀~~ 覺得自己好似唔係甘識得照顧佢甘~~

5月31日我會帶佢去菲獵牙科睇牙~~ 係唔係應該叫牙醫脫哂佢d牙會好d呢~~ 反正佢都唔識用牙食野~~

bell

reginang

bell

我係隔離topic 架,間中都有睇你地既留言,大家都要努力呀!

亞女既問題,你有冇致電回校,問下老師或治療師既意見,或者同社工傾下,就算暫時未有方法解決都好,至少你傾左出嚟個人會舒服d.

BELLFOK0318

reginang ,

多謝你關心呀~~ 我之前都有睇你個topic呀~~ 我覺得你好樂觀~~

我有同中心d姑娘傾過~~ 亞女咬唇事件唔係第一次~~ 姑娘有同我提過不如去牙科果邊問下會唔會有方法令到佢唔會咬到自己下唇~~

都要等月尾見牙醫先知~~

我最唔開心得唔到自己老公體諒~~ 佢唔明白我照顧亞女的辛苦問題~~~ 雖然有時佢間唔中都會幫手~~ 真係好偶然一兩次囉~~

bell~~

超級魚

Bell,

你女女的問題, 我仔仔都經歷過...佢之前(10月)因為肺炎菌勁得濟, 以至口腔爛晒, 佢自己又唔能夠好好咁控制口肌, 成日重覆又重覆咁咬損自已個咀咀, 佢都好痛架, 係咁流血, 醫佐成半年, 佢試過咬佐成塊肉出黎, 係咁流血, 我就係咁喊....最近先好番, 但係個咀都有疤痕, 耳鼻喉科醫生比佐2隻藥比佢渣, 係醫"飛枝"o既, 查果陣好"那"架, 不過過佐一陣佢無咁痛架, 你都可以問下醫生, 如果唔係, 佢會重覆又重覆咁咬損自己....

唔好灰心....要加油...係有難度, 不過最難果d關都過佐啦(入院), 係咪

超級魚

BELLFOK0318

超級魚,

多謝你鼓勵呀~~

唉~~ 有時睇見自己果女甘樣會好心痛~~唔知道點樣可以幫到佢~~我打算今個星期都唔會比佢返中心住~~ 等佢食埋今個星期四d抗生素先~~  因為醫生開7日比佢~~ 又要星期四返旺角中心比佢聽多一次個肺~~ 睇下清哂未~~

有時會覺得亞女點解會可以甘樣對待自己呢?? 雖然明知道亞女本身控制唔到自己而咬下唇唔放~~ 但會見到佢甘令到我自己會好忟~~

bell~

reginang

bell
我本身都係比較睇得開,因為吾想日日苦口苦面,想深一層,真係仲有好多人比我地可憐或需要幫助,現在我地一家比上不足比下有餘,相比起你地,要照顧仔女身體上既問題仲多,所以我已經輕鬆好多好多.

男人有時吾係好似外表看來咁strong,做媽媽既一份堅持/包容同耐力,佢地可能要做好耐人才能學會,所以你不要太介意,可能他真的是有心無力,而且不好抱期望之心,咁樣會令自己失望,但如果他間中做到,你便會覺得更開心!

超級魚

Bell,

我而家每次仔仔食野, 我都會好小心咁睇住, 如果佢又想咬自已個咀, 我就用手幫佢張開下唇小小, 等佢唔好咬到自己, 佢食一餐飯, 我就忙足成餐飯, 又要餵, 又要用手幫佢....佢而家只係食到流質, 我會將d粥攪爛, 等佢食得容易d...平時就會比餅餅佢練習咀嚼技巧, 你女女係咪唔洗攪爛d飯飯, 如果唔係, 就煲(琳)小小, 等佢食得舒服些...

超級魚

BELLFOK0318

reginang ,

我都知道男人永遠都好難明白女人的偉大 , 如果唔係點解個個都會話母愛最偉大~~

如果你係我會唔會生多一個小朋友~~ 而家我得亞女一個子女~~

我想聽下你們意見~~

bell~~

BELLFOK0318

超級魚,

本身我亞女係幾個月大時自己可以食腸粉... 河粉... 唔駛用攪拌機攪爛d食物~~佢自己本身可以吞到~~

唔知點解由2歲開始食野麻麻地~~ 因為我不嬲煲飯仔比佢食時會煲到d飯好(林)佢可以食到~~但係佢本身唔識得咬肉連菜都麻麻地~我怕佢唔夠營養~所以之後開始用攪拌機攪爛哂d野比佢食~~都ok~~不過有時攪得唔夠爛會吞唔到仲會咳返出黎~~可能佢成日係甘~~令到佢間唔中肺炎~~ 住院d醫生成日話佢可能食野時吞錯左落肺~~

之後我都好小心餵食~~飲水都會加凝固粉比佢飲~~

bell~~

reginang

bell
你都或會知我將會生第2個,月尾就生得tim.
呢個問題好難比意見,一定要你同老公大家取得共識才可決定.你們相方家人有冇支持呢,不是行動上的支持,而係精神上的支持,有沒有,家中經濟能負擔嗎?
當初想生多個,係希望細既可以同家姐互相刺激,令家姐可以學多d 正常小朋友既野,擴闊家姐既圈子,雖然我地咁做吾多吾少係自私左,因為好似要細果個肩負咁多野,但係我老公都好喜歡小朋友,所以我地就一同達致目標.
現在有了第2個,我既想法又有了新思維,現在真的害怕第2個會受到太大壓力,所以又想再要多一個....... 好茅遁!

超級魚

Bell,

女女肺炎咁入院時, 醫生有無轉介去醫院個ST部門同佢做吞嚥測試, 照X光, 即時比野佢食, X光片可以見到佢吞嚥時係唔係吞佐落個肺度, 朗朗係醫院做過一次, 報告話佢吞得好好, 如果訓練多D, 可以食好多唔同種類的食物...或者, 你會唔會問醫生可唔可以幫佢做測試....

超級魚

超級魚

Bell,

另外你問好唔好生多第二個o既問題, 其實每個家庭都唔同, 都要視乎自已o既能力同體力而定...看, 我咪有等2個囉, 妹妹好鍚哥哥架, 但係係生之前, 一定要同先生有共識, 而且, 唔好林住生個細出黎幫手照顧大的, 咁細o既就好慘, 但係朗朗自從妹妹出世後, 雖然佢會呷醋, 但係因為妹妹會同佢玩, 剌激佢腦部o既發展明顯比之前叻...例如: 工人姐姐同妹妹講英文, 而家哥哥都聽得明, 雖然哥哥唔識用口答問題, 但係佢會用身體語言去表達。例如: 我會用英文問佢食粥定食餅餅,如果佢食粥, 佢就會笑, 如果佢想食餅餅, 我話食餅餅佢就會笑。

當然體力上會有好大的消秏, 所以如果得你一個人照顧2個小朋友, 你就要同先生傾清楚....

超級魚