我仔仔有學習障礙,有冇媽咪有經驗...平時點教仔仔讀書

fitceo

好多機構都有家長工作坊去上,每個小朋友既讀障程度都唔同,最好家長去上呢類工作坊,用適合自己小朋友既方法去教. 我初時教小兒串英文生字,就用左套scramble遊戲幫佢,首先我會將要串既英文字粒抽出黎，　例如：　ｙｅｌｌｏｗ教佢讀，咁佢會知有兩個聲母先，跟住攪亂叫佢砌一次，如佢串到，就放左板上，再串第２個生字，佢會將ｄ生字，橫橫直直，什至打斜都可串成英文生字，當板上生字滿晒時，我會讀出生字，叫佢執番ｄ字粒出黎，咁前前後後，佢都串左同一生字３至４次，如果都串唔熟，都要俾佢休息，或者諗個故事去將生字串連起來．
至於中文，都係玩星願小王子，另加每晚讀故事書兩頁，初時係讀到甩甩咳咳，３，４個生字就停一停，而家已經可以讀晒成段，只會讀錯１，２個字．
對呢類小朋友，真係要有耐心同愛心至得．同埋唔好要求學業成績高，因為始終語文係佢地既弱點，佢認字能力不足，佢都唔想．