由於係呈分試,特別多媽咪問考成點???

Band5

我估競爭激烈嘅學校啲家長比較唔願意同人講成績同選擇。

阿仔間學校就冇乜所謂，每次對卷後，佢攞幾多分連隔離班都好快傳通晒，佢自己亦有打聽主要對手嘅分數，所以未派成績表都估到考第幾，多數都準！只係要提醒阿仔同學唔想講嘅就唔好追問！

直資取錄咗，問下老師意見，第日就傳遍各班，所以到放棄時就特登主動通知，免繼續誤傳！

自行好早就選定兩間，有人問都會直講。阿仔嘅主要對手都報同一間，大家傾談中都有分享填表同面試心得， 雖然有人講呢間中學鍾意一間小學收一個，大家都冇乜芥蒂，就算入唔到自行一，入自行二又如何！最後皆大歡喜，齊齊入自行一！

到抽獎時，自己的選擇都有少少另類，唔擔心有人抄，有人問都直講！

始終覺得，校內考試名次之爭，係正常，係良性，如果要小學生校園生活添上明爭暗鬥，就有啲可悲！只要好好保護自己，我就假設其他家長嘅查詢係善意分享，因為怎也傷害不到自己，至於佢講真講假，就尤得佢吧！

轉眼阿仔就升中三了，小學同學同家長，能偶然一聚都已經好難得！