由於係呈分試,特別多媽咪問考成點???

YmOra

呈一已經考完,也陸續知到晒各科成績,身邊特別多關心的媽咪們走來問考成點?!連一些過去五年只交談過一兩次的家長也走來關心問問!!!有點兒吃不消.還有呈二和呈三,點面對好呢?!

請問你們有遇過同類或更難應接的情況嗎?
過去有經驗的媽咪們,有拆解方法相贈嗎?
還是覺得大方DD,任佢哋問個夠呀?

thx.thx.

藍子Stella

講番句「OKAY 啦」
利申：學生
P.S. 加油！

Anniemun

YmOra 發表於 15-6-15 18:33
呈一已經考完,也陸續知到晒各科成績,身邊特別多關心的媽咪們走來問考成點?!連一些過去五年只交談過一兩次的 ...

人地問得你，除非好朋友，如果唔係，經驗說就係你小朋友係佢對手，遲啲仲會有人比好多意見叫你邊間好，邊間唔好。成績就可回答差不多啦，自行就話未諗掂，要和屋企人傾。

Yanamami

我问阿女如果有auntie问你考成点会点答？佢話：OK啦~~同以前差唔多~

Yanamami

Anniemun 發表於 15-6-15 19:10
人地問得你，除非好朋友，如果唔係，經驗說就係你小朋友係佢對手，遲啲仲會有人比好多意見叫你邊間好，邊間 ...

未考呈分試已有人问阿女自行揀边间啦……

小豬嘜

係有人單刀直入問有幾多分，唔只問考成點咁簡單。

miriam

我無係學校出現, 係直接問我囡幾多分, 考第幾同自行揀邊間中學.

bb560

原帖由 Yanamami 於 15-06-15 發表
未考呈分試已有人问阿女自行揀边间啦……

你米話重諗緊羅！不過，我覺得，呈分係呈名次，家家有求，起碼都知你囡/囝前前後後係邊個，不過，唔想講米唔講羅。我囡間小學素来都競爭激烈，小一到小五，個個都會問其他人嘅名次，我地覺得無乜所謂，已經習慣左，就算我囡個best friend 考得非常之後，佢都有講佢考第幾。因為我囡只係考一間直資，所以都唔會周圍問人。

YmOra

其實,我十分不明白知道人哋成績嚟做咩喎???!!!又不能提升自己孩子的成績.
再且,孩子盡了力就算吧!無謂比壓力他.
如果想名次好D,不如實際DD,打好基礎的實力,咪嚟得更好嗎?!

bb560

佢地(你囝嘅直接对手)D媽咪想知你報邊D學校，或蠃/輸俾你囝幾多，度下會唔會報同1或兩間自行學校。不過我覺得咁係無用、、、、就算係神级學校，大家对個間學校可能都有唔同睇法，等於，大家嘅選擇都唔同，問黎都哂氣！我自己就無乜所謂，我唔會俾人影響我嘅選擇，我亦都唔會去影響人地，我會實話實說。不過，如果你唔喜歡講，米唔好講羅，咋儍羅！
名次，我會叫個囡去問其他人，人地報邊間學校就唔會問羅。

YmOra

係呀!有D媽咪問到你自行揀邊間,當知道不是她的競爭者就很開心,但是我的孩子只是整個香港中的...其中一間小學中的...一名學生,少我一位競爭對手又如何呢?!其他小學大把同我孩子同類型的小學生,成績也會是與你的孩子相約,他們自行揀的咪又係同你一樣嗰間.是問,你自行的優勢還存在嗎?!

dummie

分享下經驗
小女小六, 剛考完期終試,而家等7/7放榜

在我黎講,我當然想知道其他同學既成績,名次, 咁可以為個女定立目標, 以某幾位同學做榜樣。但其實呢D都係得我想知, 我個女佢話唔需要知的。

但當然,佢都有幫我問黎滿足我既求知慾,我通常都會叫佢問成績同佢差唔多果幾位同學 (介乎班名次1-7名)及以佢既best friend.。

呈一後, 大家都好樂意去分享成績,分數,名次, 開始互相討論自行既選擇明亦會明確講明選邊兩間。

呈二後, 大家開始避重就輕, 就算我叫個女問, 都係得到某一兩位同學既名次同分數, 而自行選校方面, 因為明白有競爭, 所以同學仔都唔會主動討論。但呢個階段反而家長會互相討論。其實知道人地成績名次, 實質都係因為有比較而令到小女更加努力, 而事實上, 小女確係因為知道了同學仔的成績而努力去追。

呈三, 分數同名次係最好既一次。同學之間已經唔介意再分享, 佢地會主動討論分數, 希望係期終試打敗對手 (因為係小學最後一次考試), 有同學呈三時英文卷比我女低幾分,佢話期終一定要打敗我女拎高10分,其實都係一個良性既競爭黎既。

bb560

原帖由 YmOra 於 15-06-16 發表
係呀!有D媽咪問到你自行揀邊間,當知道不是她的競爭者就很開心,但是我的孩子只是整個香港中的...其中一間小 ...

佢天真姊！其實你可以亂講一間，之後就話，我老公話我揀得唔好喎，又要揀過第間！

我都同意你嘅邏輯，所以我覺得講真話都無乜所謂，佢地如果講假話，就係佢地嘅事啦！

mcl203

YmOra 發表於 15-6-16 10:51
係呀!有D媽咪問到你自行揀邊間,當知道不是她的競爭者就很開心,但是我的孩子只是整個香港中的...其中一間小 ...

你唔明有d家長睇法....你得....可能會令我唔得.....我唔得.....你唔可以得.....好有趣的 ~~~

我小朋友學校....學生/家長 P1-4....絕少講成績....P5 -6....唔會講成績......

little_yolky

YmOra 發表於 15-6-16 10:14
其實,我十分不明白知道人哋成績嚟做咩喎???!!!又不能提升自己孩子的成績.
再且,孩子盡了力就算吧!無謂比壓 ...

你真係有所不知。因為呈分唔係單止個分, 如果一班20+人既小班, 家長努力D, 問到叻同學既成績, 咁佢哋就大概知道自己小朋友既位置。所謂知己知彼, 百戰百勝。
如果學校乜都無俾家長, 只得個grade, 大家都係A, 咁點知自己小朋友個A同其他小朋友個A有咩分別。所以, 好既學校其實真係應該俾埋每科既名次, 咁家長先可以心裡有數, 選校估band都可以準D。學校唔做, 咁咪只有家長做囉。

Band5

我估競爭激烈嘅學校啲家長比較唔願意同人講成績同選擇。

阿仔間學校就冇乜所謂，每次對卷後，佢攞幾多分連隔離班都好快傳通晒，佢自己亦有打聽主要對手嘅分數，所以未派成績表都估到考第幾，多數都準！只係要提醒阿仔同學唔想講嘅就唔好追問！

直資取錄咗，問下老師意見，第日就傳遍各班，所以到放棄時就特登主動通知，免繼續誤傳！

自行好早就選定兩間，有人問都會直講。阿仔嘅主要對手都報同一間，大家傾談中都有分享填表同面試心得， 雖然有人講呢間中學鍾意一間小學收一個，大家都冇乜芥蒂，就算入唔到自行一，入自行二又如何！最後皆大歡喜，齊齊入自行一！

到抽獎時，自己的選擇都有少少另類，唔擔心有人抄，有人問都直講！

始終覺得，校內考試名次之爭，係正常，係良性，如果要小學生校園生活添上明爭暗鬥，就有啲可悲！只要好好保護自己，我就假設其他家長嘅查詢係善意分享，因為怎也傷害不到自己，至於佢講真講假，就尤得佢吧！

轉眼阿仔就升中三了，小學同學同家長，能偶然一聚都已經好難得！

kenwong888

藍子Stella 發表於 15-6-15 18:39
講番句「OKAY 啦」
利申：學生
P.S. 加油！

Exactly true!

YmOra

little_yolky 發表於 15-6-16 17:16
你真係有所不知。因為呈分唔係單止個分, 如果一班20+人既小班, 家長努力D, 問到叻同學既成績, 咁佢哋就大概 ...

我都認為學校透明度唔高會累死家長,要家長們靠估去作選校準備,其實小五後的暑假好好用,可以準備下年度自行選校之前期功夫,但學校又唔講呈一之呈分試名次,在沒有基礎數據底下怎樣找到合適的中學呢?!其實,學校係為咗咩而唔肯講呢?真係諗極都諗唔明???

YmOra

Band5 發表於 15-6-16 22:49
我估競爭激烈嘅學校啲家長比較唔願意同人講成績同選擇。

阿仔間學校就冇乜所謂，每次對卷後，佢攞幾多分連 ...

好有參考價值的分享,有好多地方都提點我怎處理,感激萬分,謝謝!