優才 v SPCC

中天英

SPCC同GT係唔同類型既學校, SPCC係傳统名校中既名校, 而GT係新興直資學校既表表者, 都好難比較既, 各有各好。

至于兩間點揀, 我覺得你應該從以下幾點入手 :-

- 你既家庭類型 :  GT家長以中產為多, 好多係中層经理, 專業人仕, 大學教授等; SPCC家長會比較富裕, 家居半山, 大有人在 ( 呢點都幾緊要既, 我大女曾經讀過CIS, 發覺同D同學既家庭環境唔同, 都幾難溶入果個圈子, 讀左半年就要轉校)。

- 你囝囝既類型 :  GT比較包容D好動、愛發問既學生; SPCC係咪一樣, 我就唔敢肯定。如果你囝囝係標準好學生, 聽教聽話, SPCC都唔錯既; 但係如果你想學校多D彈性, 以配合你囝囝既個別需要, 咁GT應該會好D。

- 你想參與校政既情度 : GT好重視家校合作, 學校好願意聽同接纳家長意見, 家長好容易接觸校長/校董, 校董會都有成3個家長成員; SPCC就會比較保守, 冇咁開放既。

- 你居住地區 : GT响九龍(MK/TKO), SPCC响黄竹坑; 就近返學會好D, 過海返學就儘量避免啦。

有一個我個人感覺, 想同你分享吓 - 响優才, 除左小朋友可以快樂學習外, 我結識左一班志同道合既家長, 有一種好warm既感覺; 而且學校己經有一定成續, 并且有明顯上升緊既趨勢, 處身其中, 好有滿足/成就感。

希望你已掌握需要既資料, 為你囝囝楝倒最合適既學校。

[ 本帖最後由 中天英 於 08-11-27 01:33 編輯 ]

中天英

原帖由 wongpsv 於 08-11-27 14:15 發表
中天英, 你小朋友係唔係讀GT 架? GT係唔係真係好自由架??

我有兩個仔讀緊 GT 。

GT 係傳统教學既改革派, 目標係保留傳統學校既高學術水平, 同時又注入創意教學, 減輕功課/考試壓力, 令學生愉快學習 - 簡單咁講, 就係要做到  { 喜悦 } + { 卓越 } 。

我唔會用 [ 好自由 ] 黎形容 GT既; 冇錯, 相對于一般傳統學校, GT 既學生比較愛發問, 比較多鬼主意, 比較多講說話; 但係呢D都係响可控制範圍內進行, 上課需要安靜聽書既時候, 班學生係會全部靜下來, 專生聽老師講解。

GT 同傳统學校一樣, 有默書/測驗/考試, 但數量比較少; 而每日都一定有功課做, 但通常會响一小時內完成, 學生會有很多空餘時間, 發展個人興趣。

唔知咁, 係咪算 [ 好自由 ] 呢？

中天英

原帖由 蘿記 於 08-11-27 14:44 發表
好似係96人

Yes;  24人一班 x 4 = 96