幾多歲先肯叫媽媽...

ttlucky0303

你留意佢係唔識講定唔想講, 到18個月同健康院講, 有政府跟進下都好過冇..
唔識講--完全連其他單字都冇講
唔想講--識講其他單字,只係未發到媽字

後者既話就唔使咁擔心..

ttlucky0303

我女女16個月時都好少聲, 去到20個月都少少講多左野(英文多), 不過都係好少講野, 不過問佢野, 佢只識指返出黎俾你睇..3歲幾先開始訓練, 過多3個月就4歲, 而家情況好過之前好多..
2歲10個月被評發展遲緩9個月

我仔仔11個月已識講daddy, mummy, 去到12,13個月講到一0的單字奶奶, 包包,餅餅等, 會表達指住物件要野(識講既都會講), 之前聽過佢講, 指住家姐對鞋講花花, 而家18個月聽懂簡單指令, 明白大人講野

有問題最好用多點耐性同佢玩同佢講野.因為真係每個小朋友都唔同, 要用自己既方法同bb溝通, 你可以同佢玩, 同佢睇多0的書, 自己學多0的同bb玩既技巧

我之前成日同呀女講英文, 一心諗住學左英文先, 講中文一定識啦, 但原來呢個諗法係錯, 冇野係必言, 我成日都好後悔, 每每諗起都好怪責自己, 我要用一年時間同佢講全中文, 只係間唔中教佢英文, 佢而家先可以用全中文同我講野, 不過未係好叻...
呀仔我真係冇教佢英文, 用哂中文, 佢無論認知同講野都叻過家姐之前.

唔使咁多壓力自己(我都係)一齊做個識玩媽咪啦!!

[ 本帖最後由 ttlucky0303 於 11-5-26 04:51 編輯 ]

ttlucky0303

即係全部用中文同佢地溝通會好D?
唔好夾雜中英文一齊-->

一定係, 因為佢聽單一語言會學得快好多, 以前呀女見到一0的野會衝出黎講英文, 不過唔會好長, 而家佢一見到0的野會衝出黎講中文, 仲要都幾完整下, 仲可以加長二至三句...

ttlucky0303

我覺得認知,社交重要過英文, 有認知,社交自然好易學識英文, 一般學校都係用中文多, 除非你要佢入國際學校, 國際學校都要以你家庭係英文為母語先入(不過當然講係咁講啦), INTERVIEW佢地主要睇認知,社交同埋問你點小朋友玩..

如果你想教佢英文, 你可以同佢睇下一陣英文DVD, 同佢唱下CD, 另外再同佢睇英文書就OK啦(每日同佢15-30分鐘)唔好太耐..

當然用多0的時間同佢玩, 指下眼耳口鼻好得多, 講多0的周圍既事物(唔好疊字), 咁認知自然會好..