中四選修bafs&econ問題？

1998Ruby1998

人板在此！我讀 BAFS 同 Econ，睇怕你女女都係讀 BAFS 中的 Accounting，因為數學邏輯如果唔係好好的話，會讀得好辛苦。而且每次做題目都好唔肯定，要睇答案先可以繼續。Econ 就越讀越唔明（然後越來越差），因為我補習都冇用，好似永遠都讀唔入腦咁。
結果我點？煎熬 3 年，兩科熬到 3 合格。
BAFS 如果肯多操練，就會明白個原理。我臨考試操左其中一個課題，果 part 攞滿分（然後其他繼續冇分）不過會好「浪費」時間，因為做一題會做好耐，快手就 45 分鐘，慢就一個半鐘。一晚操唔到幾多題。
你女女有冇讀第三科 Elective？冇的話就麻煩，因為完全取捨唔到，唯有真係求神拜佛。或者考慮谷其中一科，放棄另一科，望出國讀書。

1998Ruby1998

回覆 zoemanman 的帖子

咁不如 drop 左 BAFS 或者 Econ？既然魚與熊掌不可兼得，咁 drop 左佢都唔係一件壞事，Geog 按道理應該算比較容易讀（起碼我冇讀 Geog 但係做有睇過下書就做 DSE Past Paper 都至少有 3）
如果怕浪費時間，就 drop BAFS，怕邏輯應付唔掂就 drop Econ。Geog 同 Econ 會比較近似，但係好依賴邏輯。BAFS 就唔太需要邏輯理解（有就最好），不過靠操卷就一定 okay。可以的話，同 BAFS 老師傾下，可唔可以派 Past
Paper 或者練習，又或者去書局買 DSE Paper。我老師好好人，佢好願意一路督住我做，相信如果你女女表現誠意＋老師對教學有熱誠的話，佢應該肯幫忙。

1998Ruby1998

回覆 樹熊 的帖子

攞到高分嘅科目就係有用嘅科目。
數感唔好，讀 BAFS （Accounting modules）好陰公，如果係粗心大意錯 careless 多嘅，死得更慘。

BAFS 同 History 地位一樣，大學大部份科目都應該冇要求學生選修先可以報讀。

1998Ruby1998

回覆 樹熊 的帖子

相比起來，你覺得女女邏輯推理好 d 定係記憶背誦好 d？
History 肯畀心機讀，攞 4／5 唔難，但係 BAFS（Accounting Modules）好多人日日操題目在，做黎做去都搞唔掂，我見得多，我自己都係咁。如果本身個人數學成績唔算好，又粗心大意多，BAFS 讀唔過。

1998Ruby1998

回覆 樹熊 的帖子

轉唔到彎就更加讀唔到 BAFS.... History 佢唔抗拒，唔怕讀多幾次（明白、接受「笨鳥先飛」）就 OK。
我有同學都係咁，佢坦白講：「我知道自己蠢，同數學、Science 無緣，所以咪讀 History 同 Geog 咯，起碼我肯讀多幾次、做多幾次 Past Paper的話，就有分。」

Bio 同 Chem 之間，Bio 會更適合肯背書嘅同學。Chem 都要計少少數。


如果佢唔怕辛苦少少，可以就咁 Chem、Bio、History，之後發現其中一科 Science 讀唔掂都可以棄修。