迦南幼稚園 家長分享

emilylin

我初初報咗呢間,有朋友話迦南K3要返下午,我想唔係嗎,即強迫性,昨日收到手冊真係K3要返PM,不過算啦,一年即,最緊要個囡讀得開心同D老師有心機教,而家剛剛開始都幾好,睇吓一路點,
法子,點解轉來呢間讀,得閑大家交流吓

emilylin

法子
我住荃灣,係地鐵站附近,除咗呢間報仲報浸會同聖母,仲有綠楊,浸會聖母唔收,綠楊收但我聽D朋友話不是太好,我有個教幼稚園朋友話迦南幾好,我樓上有位太太佢個囡都係讀呢間,佢話D老師好NICE,咁就報咗啦,但今日上BK網個"媽媽會所"有個TRIP"荃灣媽咪會"有位媽咪話迦南比較注重抄寫同課程比較深,活動少D,我個囡比較好動,唔知掂唔掂,都有D擔心,係呢,你住邊架

emilylin

法子
你住青衣呀,我媽咪都住青衣,咁啱,我係working ma,你教幼稚園??,咁你囡囡而家有冇返學呀

emilylin

法子
你個囡囡如果轉咗過去,同我分享讀書情況
你做幼園做助教一定好忙,我有個教幼稚園朋友,佢差不多日日都要做到7,8點先走,有時約佢食飯都好難約,伙有冇咁情況,咁你同囡囡相處時間點呀,

emilylin

法子
個囡今日話比我聽老師教普通話,我話你識唔識讀,佢話識,我半信半疑,心諗真係識,我擰本書出來見蓋咗個印表示教咗,跟住佢讀比我聽,雖然不是太流暢,但都讀晒,有成四句咁多,我好開心,仲有學校有比D卡紙比佢地返屋企讀,佢都記得喎,幾開心架,
有個問題問你,做幼師係唔係你的志願,你的耐性一定好好,我初初畢業都有見一份幼師工作仲請咗我,但最後都冇做,因我耐性不是太好同驚壓力大,而家對住個囡有時唔聽話我都好 :evil: 好彩當時冇教咋,如果唔係就誤人子弟

emilylin

法子
係呀,雜費一樣好似包埋生日會D費用,仲有書簿費都成$800幾,呢間唔算太貴,綠楊學費又貴,雜費又貴,
係呢你係邊區教呀,個囡工人湊??
我今日發覺囡囡個書包內個暗格爛咗,真化學,用咗都未夠2星期,要補返先
你買咗校服未??
我發覺呢個標題得我地發表,唔通BK冇咩祈德尊家長??

emilylin

法子
尋日唔得上梨傾計,今日補返數,我都唔係好識d家長,只係我個囡第一日返學同佢一齊上堂見過吓都未見過,因為唔係我湊,(我個囡奶奶湊),等我寫係手冊家長通訊叫老師推廣吓先得......嘻嘻....   
係呀D點心幾好,我個囡話好好味,日日都同我回報今日食D咩,佢地多數食粥,通粉多,我個囡講佢多數食晒,係唯一一次佢話佢冇食因為太咸,老師問佢仲咩唔食,佢好坦白話好難食,太咸啦,咁老師就冇免強佢(呢D係個囡講,可信度80%,因我個囡對"味"呢樣野好敏感,有時佢話我奶奶煮D野太咸,跟住我地試吓真係)
你自己湊.....咁好辛苦喎,你個囡讀全日架??,咁你轉咗過梨點湊呀,冇人可以幫你咩??
校服一套$120.00,運動衫褲都係,外套$100,仲有D雜類,如"麥"3對$40.00(唔一定要買)

emilylin

法子
我都唔係太清楚佢有冇規定一星期幾堂英文堂&普通話堂,我見佢寫返D手冊返離有寫今個星期學咗D咩,日日個囡返離我就問佢今日老師教咩,佢有時話教做運動,講普通話.....差不多日日問佢都係答咁樣,我知佢地一返學先排隊去洗手間洗手,跟住食野然後做其他野,同埋逢星期一及五著運動衫褲,可能呢兩日先做多D運動,平時可能做早操(簡單),
仲有佢地逢星期五會比返手冊我地,寫D個囡係學校點,我個囡今星期仍是不守秩序同留心聽講有時做唔到,上個星期都係咁,今個星期仲多咗樣有時不會將用完東西放回原位,我個囡比較好動有冇耐性都唔知幾時先會全部做好,上星期佢老師有打電話同我傾吓計,唔知佢地係唔係個個都打,或是因為我個囡唔乖所以先打????
係呢你個囡好唔好動,佢係唔係好跟你架??佢驚唔驚你,我個囡又驚我但又最"雌"我,有時我話佢佢會走去"雌"住佢嗲地,但我一叫佢,佢就走過梨我度問我"媽咪你嬲完啦,跟住攪住我,有時都唔知好嬲定好笑

emilylin

法子
咁你真係要好趕先湊到個囡,係呢你有冇諗住比人湊放學呀,咁你就唔洗咁趕??

emilylin

法子
係呀,成日都係個D野,冇咩轉變,唔通真係要五十年不變,我諗要同學校反影吓先,記住寫落手冊先.....
係呢你教半日架??,我見你有時下午6:00幾就上梨喎,咁你要湊囡,如果要OT咁點算呀??
你個囡"慢熱"呀,相反我個囡就"熱情"D,佢同D唔熟D人(無論係小朋友或大朋友都啱KEY架,佢第一日返學(即家長唔可以陪佢一齊上堂,我諗住佢會喊,點知無喎,佢返屋企仲話其他小朋友喊咗好耐好醜怪,又話我奶奶仲咩咁快去接佢,真係比佢笑死,下次搵日你帶你個囡同我個囡玩呀,可能佢地會啱KEY架,我個囡叫"愷薇",英文名叫"EMILY",你個囡叫咩名呀??
今日我有個朋友比佢D"根德園"K2D測驗卷我睇,佢個仔今年係"根德園"讀K1,佢專登問人影印DK2測驗梨睇,佢比睇,我當堂睇到眼都突 ,好深呀,已經要配字,比個字你要畫出個樣物品,又有D短句子要填D字上去(冇得"簡"),英文仲利害,有一段文字要依他指示用圙畫出正確位置,我想請問你係我大鄉里唔知K2咁要求定呢間真係深....聽講測驗係突擊架,我想問你K1多數教D咩同有D咩要求,等我知道點教個囡,我而家教佢,佢都唔係好上心,有D教咗好多次佢都唔記得,好似"橙色"教咗好多次佢都係唔知咩色,但其他佢有興趣或新鮮野,電視搆做咩電視劇佢一睇就知連主角叫咩名都知,有時都唔佢笨定專登唔記 ,唉,真係比佢激到"啤"一聲

emilylin

法子
唔該你先,咁我都定D,可能我冇咩耐性呀,都係慢慢梨,我老公成日生仔容易教仔難,等佢仲話想生多個,一個都咁煩啦,你有冇發覺而家好似係D父母讀書多過仔囡,我見D父母排隊交小學報名表,一早就去排,都係想D仔囡將來好D,而家D父母真難做,係呢你有冇諗住比個囡學D野,我諗住比佢學琴,但而家未夠年齡收,我個囡好鍾意唱歌同彈琴,唔知係唔係我陀住佢成日去唱K有關呢

emilylin

法子
哇,你個囡囡原來學咗咁多野啦,佢幾多歲開始學呀??芭蕾舞係邊度學??,幾錢呀??,一個星期學幾堂??(我真係多問題,希望你唔好介意吓),你連體操咁都學埋,勁呀,點解冇繼續學??
有機會一齊去唱K,你有冇同個囡去唱過??,我就未試過,但我D朋友試過,我有時同朋友去唱K都見到有D小朋友係度,唔知洗唔洗錢呢??
你個囡個英文名好特別,好少人改,點讀架,你改架??
係呢12/9你有冇去投票呀,你係唔係功能組別,可以投兩張喎,你投邊個呀(八掛咋,冇意思架),我投梁耀忠呀,最唔低都係何秀蘭,唉,遊戲就係咁有輸有嬴

emilylin

scorpion
我個囡剛剛開始返咗2星期,都幾好,d老師都好nice,第一個星期都有打電話同我傾吓囡囡d野,而家都ok啦,我聽有d bk媽咪話迦南教得都幾深
學費$1450.00,茶點一學期$800.00(包生日會),書簿費$1350一學期
你想報呢間,你小朋友幾大??

emilylin

  

emilylin

法子
Bovie 好叻呀,識唱咁多歌,連D大人歌都識,勁呀,有機會真係要聽吓,Bovie學芭蕾舞一堂$50都幾平喎,如果你轉咗過梨荃灣,點抽身呀??我都想比個囡學芭蕾舞,但唔知荃灣邊度有得學,同收幾歲,今日學校有張通告問人參唔參加舞蹈班,一個月四堂$400,我想比佢學但D時間唔係好夾,逢星期四下午5:00至6:00,呢段時間好監介,我奶奶要煮飯都唔得閑,如果早D我一定報,之前已有通告問學唔學畫畫,又係時間唔夾,唔知點解學校唔可以安排係星期六日呢,真係要打電話問吓主任,正因為咁所以想係出面搵吓有冇D啱個囡學,你有冇好提供??
係呢你買咗校服未??你個囡知道要轉校有未反應呀??
今日打電話去學校問老師個囡呢兩星期點,大致上都OK,但有時會好大聲同D同學仔講野,又唔識分享,不過老師話慢慢就會好D,
仲有我老公有個朋友係中銀做,佢話投票日規定住荃灣一定要投周梁淑怡,我話唔係要投民建聯咩,佢話唔同地區投唔同喎,唔怪得知個譚耀宗有咁多票,做馬,真係好唔公平,但我覺得佢點知有冇投比指定人呢
    

emilylin

法子
今日,我見到我老公個堂細妹,佢係演藝學院讀跳舞,而家都有係出面教小朋友,佢話我知佢係荃氿綠楊青年會教小朋友跳芭蕾舞同中國舞,我問佢仲收唔收生,佢話十月開始收,我同佢講如果開始收就通知我,到時有資料話你聽,我仲問佢荃灣有邊間好,佢話王曼仁幾好但太貴,李賽鳳就有好多表演但次次表演d衫都要買過,仲好貴,一對跳舞鞋係深圳買二十,佢就買到$100,真係搵笨
係呢轉校d野攪掂未??,中秋節諗住同個囡去邊??

emilylin

法子
哇,你今日咁早呀,放咗工啦??,佢話要等通告出咗才知,但不是太貴,學費一期期計,大約一堂$50左右,佢話暑期班個陣都係$30蚊到,好平咋,佢地係YMC非牟利團體,所以平D,我今日打個電話去問佢地話聽日開始有章程派,我會叫我老公去攞,攞完話你聽,
Emily讀NA班,佢個班有22人,兩個老師,即一對11,我都可以接受,佢下午班總共幾班??我都唔知N1有幾班,好似有四班,(見佢有D班我估咋)
應該唔洗帶書喎,Emily第一日返學淨係帶"吉"書包同毛巾盒,但K2可能唔同,佢派咗書啦??定係你去買校服時一齊派呢??
中秋都未決定,要返奶奶度食飯,食完可能同Emily上山頂,個日Emily新曆生日,我阿媽佢地同佢做舊曆(25/9),
仲有一個節目就係要同emily去做智能測驗

emilylin

法子
朋友介紹荃灣南豐一畫室,我下午打電話去,佢話收3歲至4歲,4堂$200,每堂1個鍾,有星期六,日,你有冇興趣,今日放工上去睇吓先,有資料話你知

emilylin

wendy
你記唔得我呀,我在早兩月前係第二個topic問過你迦南幼稚園(祈德尊分校)好唔好個位呀,你個仔仔讀成點,開唔開心,我想問你呢間有D畫畫班,"布袋故事"你仔仔有冇參加,係呢你個仔讀上午有幾多班??,我見佢課室唔係好多,點開咁多班呢,你係全職媽咪??,係呢你個仔仔布冇同你講過D茶點唔好食,我個囡間唔中有講,得閑交流吓,
法子
毛巾如WENDY所講是買校服一齊附上,有一條大,一條細,唔知毛巾係唔係一個學期買一次呢

emilylin

法子
南豐個間叫"動活學XX",電話24152822要下午先有人聽電話
呢間除咗有畫班仲有其他野,有講故事班,教小朋友讀一篇150至300字的短篇故事可以增強邏輯思考和消化語文知識,訓練演說技巧,加強記憶力和改善寫作(這些都是章程所講)我朋友個囡都有讀佢話幾好,$260四堂1個鍾一堂
另畫班每月四堂每堂1個鍾,$200包材料(有顏色,手套,畫紙)每堂都是獨立題目
佢話此課程可以訓練耐性和專注力,增加創意告聯想力,增強英語能力(同畫畫有未關係呢    )剌激視覺發展和活用不同顏料,仲有其他如拼音班K1-K3$260四堂,小手工四堂$260,小小魔術師$280四堂,
我而家未決定,睇埋聽日YMC章程先,你呢??