迦南幼稚園 家長分享

法子

歡迎迦南的家長入來分享呢~~
    

emilylin

我初初報咗呢間,有朋友話迦南K3要返下午,我想唔係嗎,即強迫性,昨日收到手冊真係K3要返PM,不過算啦,一年即,最緊要個囡讀得開心同D老師有心機教,而家剛剛開始都幾好,睇吓一路點,
法子,點解轉來呢間讀,得閑大家交流吓

法子

emilylin,
我覺得K3 PM都冇所謂,最緊要係小朋友讀得開心,先生nice錫小朋友.選擇迦南,因為學術方面唔錯,K2一星期有3天外籍老師教英語.

囡囡讀的幼兒園其實是間非常好的學校,老師好得不得了.但因為我工作關係,時間確實就不到囡囡上學的時間.爭扎了很久,才作出轉校決定.
你呢?你住邊頭?

emilylin

法子
我住荃灣,係地鐵站附近,除咗呢間報仲報浸會同聖母,仲有綠楊,浸會聖母唔收,綠楊收但我聽D朋友話不是太好,我有個教幼稚園朋友話迦南幾好,我樓上有位太太佢個囡都係讀呢間,佢話D老師好NICE,咁就報咗啦,但今日上BK網個"媽媽會所"有個TRIP"荃灣媽咪會"有位媽咪話迦南比較注重抄寫同課程比較深,活動少D,我個囡比較好動,唔知掂唔掂,都有D擔心,係呢,你住邊架

法子

emilylin,
我剛搬到青衣,有位幼師朋友介紹cannan.因為我自已於幼園工作,收集各方意見後,決定讓囡囡讀cannan.
我覺得cannan 既課程對比出面既只係深小小而已,小朋友是可以接受到的.至於抄寫,其實同出面都係差唔多.
你係full time mama or working ma?

emilylin

法子
你住青衣呀,我媽咪都住青衣,咁啱,我係working ma,你教幼稚園??,咁你囡囡而家有冇返學呀

法子

emilylin,
我囡囡依家番緊幼兒園,10月才會轉到Cannan.
我係係幼園做助教,剛開學好多野做呢..

emilylin

法子
你個囡囡如果轉咗過去,同我分享讀書情況
你做幼園做助教一定好忙,我有個教幼稚園朋友,佢差不多日日都要做到7,8點先走,有時約佢食飯都好難約,伙有冇咁情況,咁你同囡囡相處時間點呀,

法子

emilylin,
10月轉過來後,可能我還有很多問題想問,到時請不要嫌我煩哦,請你多多指教   
對,工作是很繁重,有時做到好累,真想做回full time mama.現在我只有夜晚與囡囡相處,通常睇佢功課;玩陣間就一晚了.有時夜晚都要花在工作上呢....   

emilylin

法子
個囡今日話比我聽老師教普通話,我話你識唔識讀,佢話識,我半信半疑,心諗真係識,我擰本書出來見蓋咗個印表示教咗,跟住佢讀比我聽,雖然不是太流暢,但都讀晒,有成四句咁多,我好開心,仲有學校有比D卡紙比佢地返屋企讀,佢都記得喎,幾開心架,
有個問題問你,做幼師係唔係你的志願,你的耐性一定好好,我初初畢業都有見一份幼師工作仲請咗我,但最後都冇做,因我耐性不是太好同驚壓力大,而家對住個囡有時唔聽話我都好 :evil: 好彩當時冇教咋,如果唔係就誤人子弟

法子

emilylin,
你囡囡都好叻囡喎!!証明佢好留心先生上堂   
我以前都已經好喜歡小朋友,不過細個時冇想過做幼師.反而想做音樂先生(哈哈.......)真傻呢!
做幼師耐性都係基本,反而壓力真係好大,工作量驚人等等...很多人都唔會相信幼師咁多野做,但現實卻正是這樣.   

係呢,你地K1收幾錢雜費?同K2一樣$1350?

emilylin

法子
係呀,雜費一樣好似包埋生日會D費用,仲有書簿費都成$800幾,呢間唔算太貴,綠楊學費又貴,雜費又貴,
係呢你係邊區教呀,個囡工人湊??
我今日發覺囡囡個書包內個暗格爛咗,真化學,用咗都未夠2星期,要補返先
你買咗校服未??
我發覺呢個標題得我地發表,唔通BK冇咩祈德尊家長??

法子

emilylin,
哈哈~成間cannan tw得我同你!你有冇識到D家長?叫佢地來傾傾計,分享下,等依版興旺D.    
書簿文具雜費$1350  茶點$800  我覺得OK,同埋我見cannan"餐牌"茶點時有暖野落肚的(通心粉etc...)好過出面餐餐餅乾.你囡囡有冇話你知好唔好味?

我係牛頭角番工,囡囡係自已湊.....每日都好趕呢!
校服仲未買,應該下星期去買,唔知校服要幾錢呢?

法子

emilylin,
係呢,K1一星期有幾堂英文堂&普通話堂架?

法子

    
    

emilylin

法子
尋日唔得上梨傾計,今日補返數,我都唔係好識d家長,只係我個囡第一日返學同佢一齊上堂見過吓都未見過,因為唔係我湊,(我個囡奶奶湊),等我寫係手冊家長通訊叫老師推廣吓先得......嘻嘻....   
係呀D點心幾好,我個囡話好好味,日日都同我回報今日食D咩,佢地多數食粥,通粉多,我個囡講佢多數食晒,係唯一一次佢話佢冇食因為太咸,老師問佢仲咩唔食,佢好坦白話好難食,太咸啦,咁老師就冇免強佢(呢D係個囡講,可信度80%,因我個囡對"味"呢樣野好敏感,有時佢話我奶奶煮D野太咸,跟住我地試吓真係)
你自己湊.....咁好辛苦喎,你個囡讀全日架??,咁你轉咗過梨點湊呀,冇人可以幫你咩??
校服一套$120.00,運動衫褲都係,外套$100,仲有D雜類,如"麥"3對$40.00(唔一定要買)

emilylin

法子
我都唔係太清楚佢有冇規定一星期幾堂英文堂&普通話堂,我見佢寫返D手冊返離有寫今個星期學咗D咩,日日個囡返離我就問佢今日老師教咩,佢有時話教做運動,講普通話.....差不多日日問佢都係答咁樣,我知佢地一返學先排隊去洗手間洗手,跟住食野然後做其他野,同埋逢星期一及五著運動衫褲,可能呢兩日先做多D運動,平時可能做早操(簡單),
仲有佢地逢星期五會比返手冊我地,寫D個囡係學校點,我個囡今星期仍是不守秩序同留心聽講有時做唔到,上個星期都係咁,今個星期仲多咗樣有時不會將用完東西放回原位,我個囡比較好動有冇耐性都唔知幾時先會全部做好,上星期佢老師有打電話同我傾吓計,唔知佢地係唔係個個都打,或是因為我個囡唔乖所以先打????
係呢你個囡好唔好動,佢係唔係好跟你架??佢驚唔驚你,我個囡又驚我但又最"雌"我,有時我話佢佢會走去"雌"住佢嗲地,但我一叫佢,佢就走過梨我度問我"媽咪你嬲完啦,跟住攪住我,有時都唔知好嬲定好笑

法子

emilylin,
哈哈,好呀~推廣下la.大家都想多點了解小朋友在校內情況,多d家長一齊傾下.
食物方面,其實可以叫學校落小D"salt"&糖,小朋友食淡味D;健康D;又冇咁易口渴.
我囡囡現在讀full day的,轉到cannan 後讀PM class,冇親人住付近,所以冇人幫到我湊囡.唯有見步行步la...
校服都唔算貴,我仲以為會好貴添   

somimi

法子,

好驚訝響lee 個topic見到你, 原來係搬屋....

我實在吾捨得比仔仔由8點出門成6點先返屋企, so佢k1想佢返附近學校, e+要問多d資料, 因要報名la.

emilylin

法子
咁你真係要好趕先湊到個囡,係呢你有冇諗住比人湊放學呀,咁你就唔洗咁趕??